ފަސްދޮޅަސް ހަތަރު ވަނަ ގްރެމީ އެވޯޑްގެ އެންމެ ޝަރަފުވެރި އެވޯޑުތައް އޮލިވިއާ ރޮޑްރިގޯ، ސިލްކް ސޮނިކް އަދި ޖޮން ބަޓިސްޓޭ ގެންގޮސްފި އެވެ.
ޖޭޒް އާޓިސްޓް ބަޓިސްޓޭގެ "ވީ އާ" އަށް ވަނީ އަހަރުގެ އެންމެ މޮޅު އަލްބަމްގެ އެވޯޑް ލިބިފަ އެވެ. އޮލިވިއާ ރޮޑްރިގޯއަށް ވަނީ އެންމެ މޮޅު އާ އާޓިސްޓް އަދި އެންމެ އެންމެ މޮޅު ޕޮޕް އަލްބަމްގެ އެވޯޑް ލިބިފަ އެވެ.
ސިލްކް ސޮނިކްގެ "ލީވް ދަ ޑޯ އޯޕަން" އަށް ލިބުނީ އަހަރުގެ އެންމެ މޮޅު ރެކޯޑް އަދި އަހަރުގެ އެންމެ މޮޅު ލަވައިގެ އެވޯޑެވެ.
އެވޯޑް ހަފްލާފައި ވަނީ ދާދި ފަހުން ކުއްލި ގޮތަކަށް މަރުވި ފޫ ފައިޓާޒްގެ ޑްރަމަރު ޓެއިލާ ހޯކިންސްއަށް ޓްރިބިއުޓް އަދާކޮށްފަ އެވެ. އޭގެ އިތުރުން ޔޫކްރެއިންގެ ރައީސް ވޮލޮޑިމިރް ޒެލެންސްކީ ވީޑިއޯ މެސެޖެއް ދެއްވި އެވެ.
ޒެލެންސްކީ އެދިވަޑައިގެންނެވީ މިޔުޒިކް އާޓިސްޓުންނަށް ލިބިފައިވާ ޕްލެޓްފޯމް ބޭނުންކޮށްގެން ޔޫކްރެއިންގެ މިނިވަންކަމަށް ގޮވުމަށެވެ.
ޒެލެންސްކީގެ ވީޑިއޯ މެސެޖަށް ފަހު ޖޯން ލެޖެންޑްގެ ހުށަހެޅުމަކާއި ޔޫކްރެއިންގެ އާޓިސްޓް ސިއުޒަނާ އިގްލިޑަން އަދި މައިކް ނިއުޓަން އަދި ލިޔުމާ ޔަކިމްޗުކްގެ ހުށަހެޅުމެއް ވެސް ފެނިގެން ދިޔަ އެވެ.
