ހުކުރު ދުވަހުގެ ރޭ ގްރޫޕަކުން އައިސް ގެޔަށް ވަދެގަނެ، ރަހީނުކޮށްގެން ގެންދިޔަ ސްރީލަންކާގެ ސޯޝަލް މީޑިއާ އެކްޓިވިސްޓް ފުލުހުންގެ ބަންދުގައި ހުއްޓާ ފެނިއްޖެ އެވެ.
އަނޫރުއްދަ ބަންޑާރާގެ އާއިލާއިން ބުނީ ފުލުހުން ކަމަށް ބުނާ ގްރޫޕަކުން އައިސް ގެޔަށް ވަދެގަނެ އޭނާ ގެންދިޔައީ ހުކުރު ދުވަހުގެ ރޭ ކަމަށާއި ގެންދިޔަ ތަނެއް ނާންގާ ކަމަށެވެ.
އާއިލާއިން ބަންޑާރާ "ގެއްލިގެން" ހޯދުމުގެ މަސައްކަތް ކުރަނިކޮށް ފެނުނީ މޮޑާރާ ފުލުހުންގެ ސްޓޭޝަނުގައި ބަންދުކޮށްފައި ވަނިކޮށެވެ.
ބަންޑާރާ "ގެއްލުނު" މައްސަލައިގައި ސްރީލަންކާ ޔަންގް ޖާނަލިސްޓްސް އެސޯސިއޭޝަނުން ވަނީ ކަންބޮޑުވުން ފާޅުކޮށް އިންސާނީ ހައްގުތަކާ ބެހޭ ކޮމިޝަނަށް ސިޓީ ފޮނުވާފަ އެވެ.
އޭގެ ފަހުން މޮޑާރާ ފުލުހުން ވަނީ އޭނާ ބަންދުކޮށްފައި ހުރިކަން އިންސާނީ ހައްގުތަކާ ބެހޭ ކޮމިޝަނަށް އަންގާފަ އެވެ.
ރިޕޯޓުތައް ބުނާ ގޮތުން ބަންޑާރާއަކީ "ގޯ ހޯމް ގޮޓާ 2022" ފޭސްބުކް ޕޭޖު ހިންގާ ފަރާތެވެ. އެ ޕޭޖަކީ ރައީސް ގޮތަބަޔާ ރާޖަޕަކްސަގެ އިސްތިއުފާއަށް ގޮވާލައި ހިންގާ ޕޭޖެކެވެ.
