އުމްރާ ދަތުރަކާއި ބޮޑެތި އެެހެން އިނާމުތައް ލިބޭ ކްއިޒެއް "އަދަދު" އިން ފަށައިފި އެވެ.
ރޯދަ މަހުގެ ކޮންމެ ދުވަހަކު އަދަދުގެ ފޭސްބުކް ޕޭޖްގައި ސުވާލު ޕޯސްޓްކުރާ ގޮތަށް ކުރިއަށް ގެންދާ މި ކްއިޒްގެ ކޮންމެ ދުވަހެއްގެ ސުވާލަށް ރަނގަޅު ޖަވާބު ދޭ ފަރާތްތަކުގެ ތެރެއިން ގުރުއަތުން ހޮވާނީ ތިން ނަސީބުވެރިންނެވެ.
ކްއިޒްގެ އިނާމުތައް
- އެއް ވަނަ އިނާމު: އުމްރާ ދަތުރެއް
- ދެ ވަނަ އިނާމު: ޑެލް އިންސިޕިރޯން 3511 ލެޕްޓޮޕެއް
- ތިން ވަނަ އިނާމު: ސެމްސަން ގެލެކްސީ 22، 5 ޖީ ފޯނެއް
- އެއް ވަނަ އިނާމާއި ދެ ވަނަ އިނާމު ސްޕޮންސަކޮށްފައި ވަނީ މެކްސްކޮމް ޓެކްނޮލޮޖީސް އިންނެވެ.
ކްއިޒްގައި ބައިވެރިވާނީ ކިހިނެއް؟
ކްއިޒްގައި ބައިވެރިވެވޭނީ އަދަދުގެ ފޭސްބުކް ޕޭޖަށާއި ސުވާލު އާއްމުކުރާ ޕޯސްޓަށް ލައިކް ދިނުމާއި އެކު ކޮމެންޓް ސެކްޝަނުގައި ޖަވާބު ލިޔެގެންނެވެ.
އަދަދުގެ ސީއީއޯ ހުސައިން ފިޔާޒް މޫސާ ވިދާޅުވީ މިއީ މިނޫހަށް އެެއް އަަހަރު ފުރުން ފާހަގަ ކުުރުމަށާއި ކިއުންތެރިންނަށް ރަނގަޅު ރޯދަ ހަދިޔާއެެއްގެ ގޮތުގައި ތައާރަފްކުރި ކްއިޒްއެއް ކަމަށެވެ.
އަދަދުގެ އެއް ވަނަ އަހަރީ ދުވަހަކީ މާދަމާ (އޭޕްރީލް 3) އެވެ.
