ގިތެޔޮ މިރުސް މަސްދަޅުގެ ކާމިޔާބީއަށް ފަހު، ރާއްޖޭގެ ބާޒާރަށް މިފްކޯއިން އަނެއްކާވެސް އާ ދެ އުފެއްދުމެއް އިއްޔެ ތައާރަފްކޮށްފި އެވެ.
ހުޅުމާލޭގެ ދެވަނަ ފޭސްގައި އިއްޔެ ބޭއްވި ހަފްލާއެއްގައި މިފްކޯއިން ތައާރަފްކުރި އެއް އުފެއްދުމަކީ ގަރުދިޔަ އާއި ބަތް ކާއިރު ކޮންމެހެން ހުންނަން ޖެހޭ ދެ ބާވަތް ކަމަށްވާ މިރުހާއި ލުނބޯ އަޅައިގެން ބަންދުކޮށްފައިވާ މަސްދަޅެކެވެ. މީގެ ކުރިން ނެރުނު ގިތޮޔޮމިރުސް މަސްދަޅާއި އިއްޔެ ތައާރަފްކުރި ދަޅުގެ އެއް ތަފާތަކީ ލުނބޯ އިތުތުކޮށްފައި ވުމެވެ.
މިފްކޯގެ އާ ދެ އުފެއްދުން މިއަދު ތައާރަފްކުރަނީ
މިފްކޯ އިން ތައާރަފްކުރި އަނެއް އުފެއްދުމަކީ ޒައިތޫނު ތެލުގައި ބަންދުކޮށްފައިވާ ބަނޑައިދޫ ދަޅެވެ. ރާއްޖޭގައި ބަނޑައިދުލަކީ ވެސް ވެސް ވަރަށް މަގުބޫލު އެއްޗެކެވެ. އެހެންވެ މިފްކޯގެ އާ ދެ އުފެއްދުމަކީ ވެސް މަގުބޫލު ބާވަތްތަކަށް ވާނެ ކަމަށް އެކުންފުނިން އުއްމީދުކުރެ އެވެ.
އާ ދެ އުފެއްދުން ތައާރަފްކުރަން އިއްޔެ ބޭއްވި ހަފްލާގައި މިފްކޯގެ ސީއީއޯ އިސްމާއީލް ފައުޒީ ވިދާޅުވީ މިއަދު ތައާރަފްކުރި ދެބާތަށް ވެސް ބޮޑު މަގުބޫލުކަމެއް ލިބޭނެ ކަމަށް އުއްމީދުކުރައްވާ ކަމަށެވެ. އޭނާ ވިދާޅުވި ގޮތުގައި މިފްމްކޯއިން ބާޒާރަށް އާ އުފެއްދުމެއް ނެރޭ ނަމަ އެތައް ޓެސްޓްތަކެއް ހަދައި، ބަލަން ޖެހޭ ކަންތައްތައް ބަލާ ކަމަށެވެ.
މިފްކޯގެ އުފެއްދުންތައް ކަސްޓަމަރުންނަށް ހެޔޮ އަގެއްގައި ފޯރުކޯށްދޭން މިފްކޯއިން އަބަދުވެސް މަސައްކަތް ކުރާނެ ކަމަށް ވެސް އޭނާ ވިދާޅުވި އެވެ.
