މުލަރޯދަ ދުވަހެއްގައި އެންމެ ބޮޑަށް މޫޑް ހަރާބުވާނެ އެއް ކަމަކީ ރޯދަ ވީއްލަން ހުރި ކަދުރުކޮޅުން އެންމެ ފަހު ވަގުތު ފަންޏެއް ފެނުމެވެ. ދެން ދުއްވައިގަންނަ އިރު ފިހާރަތައް ހުންނާނީ ބަންދުކޮށްފަ އެވެ. ރޯދައަށް ކާބޯތަކެތި އެއްކުރާއިރު މިއީ ވިސްނައިލަން ޖެހޭ ކަމެކެވެ. ތާޒާކަމުގެ ޔަގީންކަން އޮތް ކަދުރުކޮޅެއް ގަތުން ވަރަށް މުހިއްމެވެ.
ރާއްޖެއަށް މުދާ އެތެރެކޮށް ވިއްކާތާ ބައިގަރުނުވީ އެމްއެޗްއޭއިން ދެނީ އެ ޔަގީންކަމެވެ. ޔުނައިޓެޑް އަރަބް އެމިރޭޓްސް (ޔޫއޭއީ)ގެ މަޝްހޫރު "ޑޭޓް ކްރައުން" ބްރޭންޑްގެ ކަދުރު، އެމްއެޗްއޭ އިން ގެނެސް ފިހާރަކުގެ ހަރުގަނޑުތަކުގައި އަތުރައިލާއިރު އަދި އެ ކަދުރު ބަންދުުކުރިތާ ގިނަވެގެން ވާނީ ދޮޅުމަހެވެ. އެއީ ރަނގަޅަށް ބަންދުކޮށްފައި ހުންނަ ކަދުރުގެ ތާޒާކަމަށް އެއްވެސް ބަދަލެއް އަންނާނެވަރުގެ މުއްދަތެއް ނޫނެވެ.
އެމްއެެޗްއޭއިން އެތެރެކޮށް ވިއްކާ ކްރައުން ބްރޭންޑްގެ ކަދުރުގެ އިޝްތިހާރެއް
އެމްއެޗްއޭ އަށް މިހާ ތާޒާކޮށް ކަދުރު ލިބޭ ސަބަބަކީ ސީދާ ފެކްޓްރީން ގަނެ ކޮންޓެއިނަރުތަކަށް އަޅައި ރާއްޖެއަށް ފޮނުވާތީއެވެ. އެއް ގުދަނުން އަނެއް ގުދަނަށް ނުދަމައި ކޮންޓެއިނަރުތަކުގައި އަރުވަނީ ރާއްޖެއަށް ދަތުރުކުރާ އާގުބޯޓްފަހަރަށެވެ.
"އަޅުގަނޑުމެން އަބަދުވެސް ގެންނަނީ އެންމެ ފަހުގެ ކްރޮޕް (އެންމެ ފަހުން ބިންނަ ކަދުރު). ކަދުރު ބަންދުކުރާ ފެކްޓްރީން، ސީދާ ކޮންޓެއިނަރަށް، ކޮންޓެއިނަރުން އެންމެ އަވަސް މަގުން، ރާއްޖެއަށް،" އެމްއެޗްއޭގެ މެނޭޖިން ޑިރެކްޓަރު ސޮފްވާން އަހްމަދު ވިދާޅުވި އެވެ.
މި ގާބިލުކަމަކީ އެންމެ ދުވަހެއް ދެދުވަހެއްގެ މަސައްކަތެއް ނޫނެވެ. ރޯދަ މަހަށް އާ ބްރޭންޑްތަކުގެ ކަދުރުތައް ފެނުނަސް، ޑޭޓް ކްރައުންގެ ކަދުރަކީ އާ ނަމެއް ނޫނެވެ. އާ ރަހައެއް ވެސް ނޫނެވެ. ރާއްޖޭގެ ބާޒާރުގައި ހަގީގަތުގައި ރަސްކަންކުރާ ކަދުރަކީ މި ކަދުރޭ ބުނެވެން އޮތީ، މި ރަހަ އާއި ފެންވަރު ދިވެހިންނަށް އެނގޭތާ 30 އަހަރު ވެފައިވާތީ އެވެ.
މެދުކެނޑުމެއް ނެތި ކޮންމެ ރޯދަ މަހަކު އެމްއެޗްއޭއިން މި ކަދުރު ގެންނަތާ 30 އަހަރުވީ،" ސޮފްވާން ވިދާޅުވި އެވެ.
ރާއްޖޭގައި އެންމެ މަގުބޫލު ކަދުރަކީ ކްރައުން ކަދުރަށް ވީ ވެސް އެހެންވެ އެވެ. އެމްއެޗްއޭއިން ކްރައުން ބްރޭންޑްގެ ކަދުރު ވިއްކަނީ ގަންނަ މީހުންނަށް ފަސޭހަވާނެ ގޮތަކަށް ބަންދުކޮށްގެންނެވެ. ގޭގެއަށް ކުދި އެތިކޮޅުން ގަންނަ މީހުންނަށް 250 ގްރާމްގެ ޕެކެޓާއި 500 ގްރާމްގެ ޕެކެޓް އަދި އެއް ކިލޯގެ ޕެކެޓެވެ. ކެފޭ ރެސްޓޯރެންޓްތަކަށް ގިނައިން ގަންނަން ބޭނުންވާ މީހުންނަށް ފަސް ކިލޯއާއި 10 ކިލޯގެ ޕެކެޓެވެ.
