ވޮޝިންގްޓަން، އެމެރިކާ (މާޗް 3) - ރަޝިއާ އިން ހަތިޔާރު ގައުމު ގަންނަ ގައުމުތަކާއި ދެކޮޅަށް އަޅާ ދަތިކުރުމުގެ ފިޔަވަޅުތަކުގެ ތެރެއިން އިންޑިއާ އާ ދެކޮޅަށް ވެސް ފިޔަވަޅު އެޅުމުގެ ފުރުސަތު އޮތްތޯ އެމެރިކާއިން ބަލަމުންދާ ކަމަށް އެގައުމުގެ ސީނިއާ އޮފިޝަލަކު ވިދާޅުވެއްޖެ އެވެ.
ރަޝިއާގެ އަސްކަރީ ހާޑްވެއާ ގަންނަ ގައުމުތަކާ ދެކޮޅަށް އަޅާފައިވާ ދަތިކުރުމުގެ ފިޔަވަޅުތައް ތަންފީޒު ކުރާނެތޯ ނުވަތަ މައާފު ކޮށްދެވިދާނެތޯ ރައީސް ޖޯ ބައިޑަން "ވަރަށް ގާތުން ބައްލަވަމުން" އަންނަ ކަމަށް ދެކުނު އޭޝިއާގެ ކަންކަމާ ބެހޭ އެސިސްޓެންޓް ސެކްރެޓަރީ އޮފް ސްޓޭޓް ޑޮނަލްޑް ލޫ ސެނެޓުގައި އިއްޔެ ވިދާޅުވި އެވެ.
"އިންޑިއާއިން ދާދިފަހުން ވަނީ މޮސްކޯއިން އެސް-400 ވައިގެ ދިފާއީ ނިޒާމު ގަނެފައި, އެއީ އެމެރިކާގެ އިންތިހާބަށް ރަޝިޔާއިން ނުފޫޒު ފޯރުވިކަމަށް ކުރެވޭ ތުހުމަތުތަަކާއި ގުޅިގެން އެމެރިކާގެ ދެކޮޅުވެރިންނަށް ރައްދު ދިނުމަށް 2017 ވަނަ އަހަރު ހެދި ދަތިކުރުމުގެ ފިޔަވަޅު އެޅުމާ ބެހޭ ގާނޫނު (ސީއޭއޭޓީއެސްއޭ) އާއި ހިލާފު އަމަލެއް،" އެމެރިކާގެ ސަރުކާރުން އެ ގާނޫނު ތަންފީޒުކޮށް އިންޑިއާއަށް ދަތިކުރުމުގެ ފިޔަވަޅު އެޅުމުގެ ފުރުސަތު ބޮޑު ކަމަށް ލޫ ގަބޫލުކުރައްވާކަން ހާމަކުރަމުން އޭނާ ވިދާޅުވި އެވެ.
ރަޝިޔާއިން ގަތް އެސް-400 ޓްރިއަމްފް ސާފޭސް ޓު އެއާ މިސައިލް ލޯންޗަރު. -- ފޮޓޯ: ވިޓަލީ އަންކޯވް / ސްޕަޓްނިކް.
އެއީ މީގެ ކުރިން ތުރުކީއަށްވެސް ފިޔަވަޅު އަޅާފައި ވާތީ އެވެ. ރަޝިޔާއިން ހަތިޔާރު ގަނެފައިވާތީ 2020 ވަނަ އަހަރު އެމެރިކާއިން އެ ގައުމަށްވެސް ފިޔަވަޅު އަޅި އެވެ.
ލޫ އިތުރަށް ވިދާޅުވީ، ފާއިތުވީ މަސްތަކުގެ ތެރޭގައި އެމެރިކާއިން އިންޑިއާގެ އޮފިޝަލުންނާ އެކު "ވަރުގަދަ ހަނގުރާމައެއް" ފަށާފައިވާ ކަމަށާއި، ބައިޑަންގެ އިތުރުން ހާރިޖީ ވަޒީރު އެންޓޮނީ ބްލިންކެން ވެސް އެގައުމަށް ބާރު އަޅުއްވަމުން ގެންދަވަނީ ރަޝިޔާގެ އެ ހަނގުރާމައާ ދެކޮޅުކަން އާންމު ކުރުމަށް ކަމަށެވެ.
ރަޝިޔާއިން މިގް-29 ގެ ހަނގުރާމަވެރިންނާއި، ހެލިކޮޕްޓަރުތަކާއި އެންޓި ޓޭންކް ހަތިޔާރުގެ އޯޑަރުތައް އިންޑިއާއިން މިހާރު ކެންސަލްކޮށްފައި ވީނަމަވެސް، އެ ގައުމާއި ދެކޮޅުކަން ސާފު އިބާރާތުން ހާމަކުރުމަށް ފަސްޖެހެމުން ދާކަން ލޫ ފާހަގަކުރެއްވި އެވެ.
"އިންޑިއާއާ ރަޝިޔާގެ ތާރީހީ ގުޅުމަށް ބަލާ، މިއަދު އަހަރެމެން (އެމެރިކާއިން) އެގައުމަށް (އިންޑިއާ) ހިއްސާކުރާ ދިފާއީ ޓެކްނޮލޮޖީއަކީ އެކަށީގެންވާ ގޮތެއްގައި ރައްކާތެރި ކުރެވޭނެ ޓެކްނޮލޮޖީއެއްތޯ ނުވަތަ ނޫންތޯ ދެނެގަތުމުގެ މަސައްކަތް ވޮޝިންޓަން އިން ކުރަމުން ދަނީ،" ލޫ އިއްޔެ ސެނެޓުގައި ވިދާޅުވި އެވެ.
ރަޝިޔާ އާ އިންޑިއާ ދެކޮޅުވާން ފެށީ އެގައުމުގެ ބޮމުގެ ހަމަލާއެއްގައި އިންޑިއާގެ ދަރިވަރަކު ހާރްކީވްގައި މަރާލި ހާދިސާއަށް ފަހު އެވެ.
އެހެންވެ، ބުދަ ދުވަހު ބޭއްވި އދގެ އާންމު މަޖިލީހުގައި ރަޝިޔާ ކުށްވެރިކޮށް، ޔޫކްރެއިންއަށް އިންސާނީ އެހީ ފޯރުކޮށްދިނުމަށް ހުށަހަޅާފައިވާ ހުށަހެޅުމަށް ނިއުދިއްލީއިން ވަކިވުމަކީ "އުންމީދީ ފިޔަވަޅުތަކެއް" ކަމަށް އެމެރިކާއިން ގަބޫލުކުރެ އެވެ. އެއީ ރަޝިޔާގެ ބައިވެރިއެއްގެ ގޮތުގައި އެމީހުން ދެކޭ ގައުމަކާ ދެކޮޅަށް އިންޑިއާގައި އާންމުންގެ ހިޔާލު ބަދަލުކުރަން ފަށައިފައި ވުމުންނެވެ.
ރަޝިޔާ އިން ޔޫކްރޭނަށް ހަމަލާތައް ދެމުން ދާއިރު ހަމަލާތަކުގެ މައުލޫމާތު ކުރީބައިގައި އެމެރިކާ އާއި ހިއްސާ ކުރަމުން ގެންދާކަން ކަމަށް އެމެރިކާގެ "އެންބީސީ" ނޫހުން ރިޕޯޓް ކުރުމާއި އެކު މިހާރު އެމެރިކާގެ ދިފާއީ ވުޒާރާ އިން ވެސް އެކަމަށް އެއްބަސްވެފައި ވެއެވެ.
