ބުރުގާ މައްސަލައިގައި ފާޑުކީ އިންޑިއާގެ އެކްޓަރެއް ހައްޔަރުކޮށްފި

އެކްޓަރު ޗޭތަން ކުމާރް. -- ފޮޓޯ: ފޭސްބުކް

އެކްޓަރު ޗޭތަން ކުމާރް. -- ފޮޓޯ: ފޭސްބުކް

އިންޑިއާގެ ކަރްނާޓަކާ ސްޓޭޓުގެ ސްކޫލްތަކަށް ބުރުގާ އަޅައިގެން ދިޔުން މަނާކުރި މައްސަލަ ކޯޓުގައި ބަލަމުންދާ ފަނޑިޔާރަކަށް ފާޑުކިޔުމުން އެކްޓަރު ޗޭތަން ކުމާރް ހައްޔަރުކޮށްފި އެވެ.

އޭނާ ހައްޔަރު ކުރީ ފަނޑިޔާރު ކްރިޝްނާ ޑިކްސިޓްއަށް ފާޑުކިޔައި ކުރި ޓްވީޓަކާ ގުޅިގެން ކަރްނާޓަކާ އިންނެވެ. ގިނަ ބަޔަކު ވަނީ އޭނާ ހައްޔަރު ކުރުމުން ހިތްހަމަނުޖެހުން ފާޅުކޮށްފަ އެވެ.

ޗޭތަން ކުރި ޓްވީޓުގައި ބުނީ މާޒީގައި "ސުވާލު އުފެދޭ ވާހަކަތައް" ދައްކާފައިވާ ފަނޑިޔާރަކު މިފަދަ ބޮޑު މައްސަލައެއް ބެލުމާ މެދު ހިތްހަމަނުޖެހޭ ކަމަށެވެ.

Advertisement

ވިހިވިހި ވަނަ އަހަރު ފަނޑިޔާރު ޑިކްސިޓް ނެރުނު ކޯޓު އަމުރެއްގައި ވަނީ ރޭޕްގެ ތުހުމަތު ކުރި އަންހެނެއްގެ އުޅުމާ މެދު ސުވާލުކޮށް، އަންހެން މީހާގެ އަގުވެއްޓޭ ފަދަ ބަސް ބޭނުންކޮށްފަ އެވެ.

އެކަމާ ހެދި ގިނަ ބަޔަކު ނުރުހުން ފާޅުކޮށް، ފާޑުކިޔަން ފެށުމުން، ކޯޓު އަމުރުން އެ ބައި އުނިކުރި އެވެ.

ބުރުގާ މައްސަލަ ބެލުމުގައި އެ ފަނޑިޔާރު ބައިވެރިވާތީ ފާޑުކިޔުމުން ހައްޔަރު ކުރި ޗޭތަން އަކީ އެމެރިކާގެ ޕާސްޕޯޓު އޮންނަ މީހެކެވެ. އޭނާ މީގެ ކުރިން ވެސް ވަނީ ހައްގުތައް ވަކާލާތުކޮށް އަޑު އުފުލާފަ އެވެ.

ޗޭތަންއާ ގުޅޭ ދެ މައްސަލައެއް މިހާރު ވެސް ފުލުހުން ދަނީ ބަލަމުންނެވެ. ބެންގެލޫރުގެ ފުލުހުން ވަނީ ހަމަނުޖެހުން އުފައްދަން އުޅޭ ކަމަށް އޭނާއަށް ތުހުމަތުކޮށްފަ އެވެ. އިންޑިއާގައި ޖުޑިޝަރީއަށް ފާޑުކިޔައިފި ނަމަ އާއްމު ގޮތެއްގައި ޖަލު ހުކުމެއް އަންނާނެ އެވެ.

ޗޭތަން އަކީ ކަންނާޑާ އަދި ތެލޫގޫ ފިލްމުތަކުން ފެންނަ އެކްޓަރެކެވެ. އޭނާގެ ބައެއް ފިލްމުތަކުގެ ތެރޭގައި "އާ ޑިނަގަލޫ" އަދި "މައިނާ" ހިމެނެ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox