ކޯޓުތަކަށް ސެކިއުރިޓީ ދިނުމުގައި ފުލުހުން އުޒުރު ދައްކާތީ ޖޭއެސްސީގެ ކަންބޮޑުވުން

ހިސާން ޕްރެސްއެއް ދެއްވަނިކޮށް: އޭނާ ވިދާޅުވީ ފަނޑިޔާރުންނަށާއި ކޯޓުތަކަށް ސެކިއުރިޓީ ފޯރުކޮށްދިނުމުގައި ދައުލަތުން އިހުމާލުވެފައިވާ ކަމަށް -- ފޮޓޯ: ޕީއެސްއެމް

ހިސާން ޕްރެސްއެއް ދެއްވަނިކޮށް: އޭނާ ވިދާޅުވީ ފަނޑިޔާރުންނަށާއި ކޯޓުތަކަށް ސެކިއުރިޓީ ފޯރުކޮށްދިނުމުގައި ދައުލަތުން އިހުމާލުވެފައިވާ ކަމަށް -- ފޮޓޯ: ޕީއެސްއެމް

މާލެ ކޯޓުތަކުގެ ސެކިއުރިޓީ ބެލެހެއްޓުމަށް ގާނޫނުން ފުލުހުންނާ މަތިކޮށްފައިވާ ޒިންމާ އަދާކުރުމަށް އެ އިދާރާއިން އުޒުރު ދައްކާ ކަމަށް ބުނެ، ޖުޑީޝިއަލް ސާވިސް ކޮމިޝަން (ޖޭއެސްސީ) އިން ކަންބޮޑުވުން ފާޅުކޮށްފި އެވެ.

ކޯޓުތަކުގައި މައްސަލަތައް ލަސްވާ މައްސަލައާ ގުޅޭ ގޮތުން ކަމާ ބެހޭ އިދާރާތަކުގެ ވެރިންނާ އެކު ރައްޔިތުންގެ މަޖިލީހުގެ ޖުޑިޝަރީ ކޮމިޓީގައި މިދިޔަ ހަފްތާގެ ބުދަ ދުވަހު ބޭއްވި ޖަލްސާގައި، ޖޭއެސްސީގެ ރައީސް ހިސާން ހުސައިން ވިދާޅުވީ މާލެ ކޯޓުތަކުގެ ސެކިއުރިޓީ ބެލެހެއްޓުމުގެ ގާނޫނީ ޒިންމާ ފުލުހުންނާއި މަތިކުރެވިފައި ވީނަމަވެސް، އެ އިދާރާއިން، އެ ޒިންމާ އެއްވެސް ގޮތަކަށް އަދާކުރަމުން ނުދާ ކަމަށެވެ. އަދި ޒިންމާއިން ބަރީއަވުމަށް އުޒުރު ދައްކާ ކަމަށެވެ.

"އެ ބޭފުޅުން [ފުލުހުން] ވިދާޅުވަނީ އެ ބޭފުޅުންގެ އިނަފް ރިސޯސެސްއެއް [އެކަށީގެންވާ ވަސީލަތެއް] ނެތޭ" ކޯޓުތަކުގެ ސެކިއުރިޓީ ބެލެހެއްޓުމުގެ ޒިންމާ އަދާނުކުރުމަށް ފުލުހުން ދައްކާ ބަހަނާ ހިސާން ފާހަގަކުރެއްވި އެވެ.

Advertisement

އޭނާ ވިދާޅުވި ގޮތުގައި މާލެ ސަރަހައްދުގެ ޖިނާއީ މައްސަލަތައް ބަލާ ކުރިމިނަލް ކޯޓުގެ ގޭޓުން ވަދެ ނިކުންނަ ވެހިކަލްތަކެއް ނުބެލެހެއްޓެ އެވެ. އެ ކޯޓުގެ ގޭޓް މަތިން މީހުން އަރާފައިވާކަންވެސް ފާހަގަކުރައްވަމުން ހިސާން އިތުރަށް ވިދާޅުވީ ކުރިމިނަލް ކޯޓުގައި ގާޒީން ނިންމަވާ ބޮޑެތި މައްސަލަތަކާ ގުޅިގެން އެމީހުންގެ ނަފްސު ނުރައްކަލަކަށް ހުށަހެޅޭ ވަރުގެ އިންޒާރުތައް ލިބެމުންދާ ކަމަށެވެ.

"ކުރިމިނަލް ކޯޓުގެ ފަނޑިޔާރުންނަށް ވަރަށް ބޮޑެތި އިންޒާރުތައް އައިސްފައި ހުރިކަން، ވަރަށް ބޮޑު ރިސްކެއް (ނުރައްކަލެއް) ގަ ކަން އެބޭފުޅުން މަސައްކަތް ކުރައްވަނީ، މިފަހުން ނިންމެވި ބޮޑެތި ބައެއް ޖިނާއީ މައްސަލަތަކާ ގުޅިގެން ބައެއް ފަނޑިޔާރުންނަށް މިހާރުވެސް އިންޒާރުތައް ލިބިވަޑައިގަންނަވަމުން އެބަދޭ،" ހިސާން ވިދާޅުވި އެވެ.

އޭނާ ގަބޫލުކުރާ ގޮތުގައި އެންމެ އެކަށީގެންވާ ސެކިއުރިޓީ ދައުލަތުގެ ފަރާތުން ފަނޑިޔާރުންނަށް ފޯރުނުކޮށްދެވެ އެވެ. އަދި ކޯޓުތަކުގެ ސެކިއުރިޓީ ވެސް ގާނޫނު ތަސައްވުރު ކުރާ ވަރަށް ނުބެލެހެއްޓެ އެވެ.

ހާއްސަކޮށް މަސްތުވާތަކެތީގެ މައްސަލަތައް ގިނަވާ ވަރަކަށް ރަށްރަށުގެ މެޖިސްޓްރޭޓުން، އެބޭފުޅުންގެ އަނބިދަރިން ގޮވައިގެން ރަށު ތެރެއަށް ނިކުމެ ނޫޅެވޭ ވަރަށް އިންޒާރުތައް ލިބެމުންދާކަން ވެސް ހިސާން ފާހަގަކުރެއްވި އެވެ. އަދި ދީނުގެ ނަމުގައި ހައްދުފަހަނައަޅާފައިވާ މީހުންގެ އިންޒާރު ވެސް، އެ ފަދަ ފިކުރުތަކުގެ ފަލްސަފާ ފެތުރިފައިވާ ރަށްރަށުގެ ކޯޓުތަކުގައި މަސައްކަތް ކުރާ ފަނޑިޔާރުންނަށް ލިބެމުންދާ ކަމަށް ހިސާން ވިދާޅުވި އެވެ.

"ފަނޑިޔާރުންނަށް ސެކިއުރިޓީ ފޯރުކޮށްދިނުމުގައި، ކޮންކޮން ފަނޑިޔާރުންނަކަށް، ކޮންކޮން ގިންތިތަކަކަށް ކަން [ސެކިއުރިޓީ ފޯރުކޮށްދޭނީ، އަދި] 24 ގަޑީރު ސެކިއުރިޓީ ފޯރުކޮށްދޭނީ ކިހާ އިންޒާރެއް ލިބުނީމަތޯ [ކަނޑައަޅަން ޖެހޭ]،" ފަނޑިޔާރުންނަށް އޮތް ބިރުވެރިކަމަކީ އަބަދުވެސް އޮތް ކަންބޮޑުވުމެއްކަން ފާހަގަކުރައްވާ، އެބޭފުޅުންނަށް ސެކިއުރިޓީ ދޭނެ ގޮތުގެ އުސޫލެއް އެކުލަވާލަން ޖެހޭ ކަމަށް ހިސާން ވިދާޅުވި އެވެ.

ކައުންސިލް އިމާރާތުގެ ކުޑަ ކޮޓަރިއެއްގައި ރާއްޖޭގެ 67 ރަށެއްގެ ކޯޓު ރޫމްތައް ހިންގަމުންދާ ކަމަށް އެ ބައްދަލުވުމުގައި ޑިޕާޓްމަންޓް އޮފް ޖުޑީޝިއަލް އެޑްމިނިސްޓްރޭޝަން (ޑީޖޭއޭ) އިން ބުންޏެވެ.

"މި ދައްކަނީ 10 ފޫޓު 10 ފޫޓު ގޮޅިތަކެއްގެ ވާހަކަ. ޖިނާއީ އިޖުރާތު އެންވިޝަން [ތަސައްވަރު] ކުރާ ފެންވަރަކު ނޫން ކޯޓު ރޫމްތައް ހުރީ" އަތޮޅުތަކުގެ ބައެއް މެޖިސްޓްރޭޓް ކޯޓްތައް ހިންގަމުންދާ ޖާގައާ ގުޅޭ ކަންބޮޑުވުން ހިއްސާކުރައްވަމުން ޗީފް ޖުޑީޝަލް އެޑްމިނިސްޓްރޭޓަރު އައިޝަތު ރިޒުނާ ވިދާޅުވި އެވެ.

އެކަމާ ގުޅިގެން އިތުރަށް ކަންބޮޑުވުން ފާޅުކުރަމުން ހިސާން ވިދާޅުވީ އެފަދަ ޝަރީއަތް ކުރާ މާލަންތަކުގައި މެޖިސްޓްރޭޓާއި، ދައުވާ ރައްދުވާ ފަރާތާ ދެމެދު މާ ބޮޑު ޖާގައެއްނެތުމުން "އޭނަ [ދައުވާ ލިބޭ މީހާ] އަތް ނަގާފައި ޖެހި ކަމުގައި ވީނަމަވެސް" އެ ހަމަލާއިން މެޖިސްޓްރޭޓަށް ރެކެވޭނެ ކަމުގައި ގަބޫލުނުކުރައްވާ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox