ބީޗް ސައިޑުން ވިއްކާ 34 ބިމަށް 179 މީހުން އަގު ހުށަހެޅި

ހުޅުމާލެ މަތިން ނަގާފައިވާ މަންޒަރެއް: ވިއްކާލާ ޕްލޮޓުތައް ހުންނަނީ ހުޅުމާލެ ފޭސް ޓޫ ބީޗް ސައިޑު ގައި. -- ފޮޓޯ: އާއިމް ޒަމީރު/އަދަދު

ހުޅުމާލެ މަތިން ނަގާފައިވާ މަންޒަރެއް: ވިއްކާލާ ޕްލޮޓުތައް ހުންނަނީ ހުޅުމާލެ ފޭސް ޓޫ ބީޗް ސައިޑު ގައި. -- ފޮޓޯ: އާއިމް ޒަމީރު/އަދަދު

ހުޅުމާލޭ ދެވަނަ ފިޔަވަހިން ވިއްކާލަން ނިންމާފައިވާ ބިންތަކުގެ ތެރެއިން އަތިރިމައްޗާ ދިމާލުން (ބީޗު ސައިޑު) ވިއްކާ 34 ބިމަށް 179 މީހުން އަގު ހުށަހަޅައިފި އެވެ.

ހުޅުމާލޭން ބިން ވިއްކަން މަސައްކަތް ކުރާތާ އަހަރެއްހާ ދުވަސް ފަހުން މި ބިންތައް ވިއްކާލަން އެޗްޑީސީން އިއުލާނުކުރީ މިދިޔަ އަހަރުގެ ޑިސެމްބަރު 27 ގަ އެވެ. ޖުމްލަ 60 ބިމެއް ވިއްކާލާއިރު، ބީޗް ފްރޮންޓުން 26 ބިމެއް ފެބްރުއަރީ 9، ގައި ވަނީ ވިއްކާލާފަ އެވެ. މިއަދު އޮތީ ބީޗް ސައިޑުން ވިއްކާ 34 ބިމުގެ ބީލަމެވެ.

އެޗްޑީސީން ބީލަން ހުޅުވާލީ މިއަދު ހެނދުނު 09:00 ގަ އެވެ. ބީލަން ހުށަހެޅުން ބަންދުކުރީ 13:00 ގަ އެވެ. އެންމެ ބޮޑު އަގެއްގެ ގޮތުގައި ހުށަހަޅާފައި އޮތީ 9،700ރ. އެވެ.

ވިއްކާލާ ބީޗު ސައިޑް ބިންތަކުގެ މުހިންމު މައުލޫމާތު

ވިއްކާލާ ބިމުގެ އަދަދު: 34

ބީލަން ފަށާ އަގު: އަކަފޫޓަކަށް 3،500ރ.

ބިޑް ސެކިއުރިޓީ: 320،000ރ.

ވިއްކާލާ ބިންތަކުގެ ސައިޒު: 1،603.07 އަކަފޫޓާއި 2،577.20 އަކަފޫޓާ ދޭތެރޭ

އެޗްޑީސީން ވިއްކަން ނިންމާފައިވާ 34 ބިމުގައި ޖުމްލަ 68502.66 އަކަފޫޓު ހުންނާނެ އެވެ. އެންމެ ކުޑަ އަގުން ބެލި ނަމަވެސް މި 34 ބިން ވިއްކައިގެން އެ ކުންފުންޏަށް 239.7 މިލިއަން ރުފިޔާ ލިބޭނެ އެވެ. ނަމަވެސް ހުށަހަޅާފައިވާ ބިޑުތަކަށް ބަލާއިރު މިއަށް ވުރެ ވެސް ބޮޑު އާމްދަނީ ލިބޭނެ އެވެ.

އެންމެފަހުން ބީޗް ފްރޮންޓުން ވިއްކި 26 ބިމުން ވެސް އެ ކުންފުންޏަށް 377.4 މިލިއަން ރުފިޔާ ލިބޭނެ ކަމަށް ބެލެވެ އެވެ. މިހެން ހިސާބުތަކުން ދެއްކި ނަމަވެސް ބިންތައް ވިއްކައިގެން ލިބޭ ސީދާ އަދަދު އެނގޭނީ ބިޑު ކާމިޔާބުކުރި މީހުން ހިޔާރު ކުރާ ޕްލޮޓުތައް އެނގުނީމަ އެވެ. ސަބަބަކީ ވިއްކާލާ ޕްލޮޓުތަކުގެ ސައިޒު ތަފާތު ވީމަ އެވެ.

އެޗްޑީސީން ބުނެފައި ވަނީ ބިންތައް ވިއްކައިގެން ލިބޭ އާމްދަނީ ހަރަދު ކުރާނީ ހުޅުމާލޭގެ އިންފްރާސްޓްރަކްޗާ ބިނާކުރުމަށް ކަމަށެވެ. އެގޮތުން ސްކޫލާއި އެފަދަ އިމާރާތްތައް އެޅުމަށް އެ ފައިސާ ހަރަދު ކުރާނެ ކަމަށް އެޗްޑީސީން މީގެ ކުރިން ބުނެފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox