ނިއު ޔޯކް، އެމެރިކާ (ފެބްރުއަރީ 9) - މި އަހަރު ކޮވިޑް ވެކްސިނާއި ބޭސް ގުޅަ ވިއްކައިގެން ފައިޒާއަށް 50 ބިލިއަން ޑޮލަރު ލިބޭނެ ކަމަށް ލަފާކޮށްފި އެވެ.
ފައިޒާއިން ޖަރުމަނުވިލާތުގެ ބަޔޯއެންޓެކާ ގުޅިގެން އުފެއްދި ކޮވިޑް ވެކްސިނަށް އެންމެ ފުރަތަމަ ހުއްދަ ދިނީ އެމެރިކާގަ އެވެ. މި އަހަރަށް ލަފާކުރި އާމްދަނީއަކީ 2021 ވަނަ އަހަރަށް ވުރެ ކުޑަ ތަންކޮޅެއް ދަށް އާމްދަނީ އެކެވެ. ނަމަވެސް މި އަހަރު ލިބޭނެ ކަމަށް ބެލެވޭ އާމްދަނީގެ ބޮޑު ބަޔަކީ ކޮވިޑާ ދެކޮޅަށް އުފެއްދި ޕެކްސްލޮވިޑް ބޭހުން ލިބޭ އާމްދަނީ އެވެ.
ކުންފުނީގެ ޗީފް އެގްޒެކްޓިވް އަލްބާޓް ބޫރްލާ ވިދާޅުވީ ބަލިމަޑުކަމުގައި އަދާކުރަމުން ދިޔަ ދައުރުގެ ސަބަބުން ކުންފުނި މުޅި އުމުރަށް ބަދަލުވެފައިވާ ކަމަށެވެ.
ފައިޒާގެ ކޮވިޑް ވެކްސިނާއި ބޭހުން ލިބޭ އާމްދަނީ ބޮޑު ނަމަވެސް، އެހެން ދިމަދިމާލުން ލިބޭ އާމްދަނީ ދަށެވެ. އެގޮތުން އިންޓާނަލް މެޑިސިން އާއި އިންފްލެމޭޝަން އާއި އިމިއުނޮލޮޖީ ދާއިރާގެ އާމްދަނީ 2021 ވަނަ އަހަރު ވެއްޓުނެވެ.
ފައިޒާއަށް 2021 ވަނަ އަހަރު ލިބުނު ޖުމްލަ ފައިދާއަކީ 22 ބިލިއަން ޑޮލަރެވެ. އެއީ 2020 ވަނަ އަހަރާ އަޅާ ބަލާއިރު ދެ ގުނަ އިތުރެވެ. އެ އަހަރު ލިބުނު އާމްދަނީއަކީ 81.3 ބިލިއަން ޑޮލަރެވެ. އޭގެ ތެރެއިން 36.8 ބިލިއަން ޑޮލަރު ލިބުނީ ކޮވިޑް ވެކްސިނުންނެވެ.
