ކޮމަންޑޫ ދާއިރާގެ ގޮނޑި އެމްޑީޕީގެ ރާޝިދު ކާމިޔާބު ކުރައްވައިފި

ކޮމަންޑޫ ދާއިރާގެ ބައި އިލެކްޝަންގައި އެމްޑީޕީން ވާދަކުރެއްވި ކެންޑިޑޭޓް މުހައްމަދު ރާޝިދު. ވަގުތީ ނަތީޖާ ދައްކާ ގޮތުން އިންތިހާބު ކާމިޔާބުކުރެއްވީ އޭނާ

ކޮމަންޑޫ ދާއިރާގެ ބައި އިލެކްޝަންގައި އެމްޑީޕީން ވާދަކުރެއްވި ކެންޑިޑޭޓް މުހައްމަދު ރާޝިދު. ވަގުތީ ނަތީޖާ ދައްކާ ގޮތުން އިންތިހާބު ކާމިޔާބުކުރެއްވީ އޭނާ

ރައްޔިތުންގެ މަޖިލީހުގެ ކޮމަންޑޫ ދާއިރާއަށް މެމްބަރަކު ހޮވަން މިއަދު ބޭއްވި އިންތިހާބުގެ ވަގުތީ ނަތީޖާ ދައްކާ ގޮތުން އެމްޑީޕީގެ ކެންޑިޑޭޓް މުހައްމަދު ރާޝީދު (ރާޑޯ) އެ އިންތިހާބު ކާމިޔާބުކުރައްވައިފި އެވެ.

އިންތިހާބުގައި ރާޝިދާ އެންމެ ބޮޑަށް ވާދަކުރެއްވީ އިދިކޮޅު, ޕީޕީއެމްގެ ކެންޑިޑޭޓް މޫސާ ފަތުހީ އާދަމެވެ. އަލަށް އިންތިހާބަކަށް ނުކުތް, އެމްއެންޕީގެ ކެންޑިޑޭޓް އަބްދުލްހަންނާނު އިދުރީސްއަށް މާބޮޑު ތަރުހީބެއް ނުލިބެ އެވެ.

ވަގުތީ ޖުމްލަ ނަތީޖާ ދައްކާ ގޮތުން ރާޝިދަށް ލިބިވަޑައިގަތީ 1401 ވޯޓެވެ. ފަތުހީއަށް ލިބިވަޑައިގަތީ 1161 ވޯޓެވެ. ވޯޓުގެ ތަފާތަކީ 240 ވޯޓެވެ.

ދާއިރާގެ މައިރަށް ކޮމަންޑޫގައި ބެހެއްޓި އެރަށުގެ (2) ނަމްބަރު ފޮށިން ރާޝިދަށް 159 ވޯޓް ލިބިވަޑައިގެންނެވި އިރު ޕީޕީއެމްގެ ކެންޑިޑޭޓް މޫސާ ފަތުހީ އާދަމަށް ލިބިވަޑައިގެންނެވީ 92 ވޯޓެވެ. އެމްއެންޕީގެ ކެންޑިޑޭޓް ހަންނާނަށް އެ ފޮށިން ލިބިވަޑައިގެންނެވީ 64 ވޯޓެވެ. ބާތިލުވީ ދެ ވޯޓެވެ.

ކޮމަންޑޫގައި ބެހެއްޓި އެރަށުގެ (1) ނަމްބަރު ފޮށިން ރާޝިދަށް 144 ވޯޓް ލިބިވަޑަައިގެންނެވި އިރު ފަތުހީއަށް ލިބިވަޑައިގެންނެވީ 152 ވޯޓެވެ. ހަންނާނަށް އެ ފޮށިން ލިބިވަޑައިގެންނެވީ 37 ވޯޓެވެ. ބާތިލުވީ ތިން ވޯޓެވެ.

މަރޮށީގައި ބެހެއްޓި ފޮށިން ރާޝިދަށް 161 ވޯޓް ލިބިވަޑަައިގެންނެވި އިރު ފަތުހީއަށް ލިބިވަޑައިގެންނެވީ 95 ވޯޓެވެ. ހަންނާނަށް އެ ފޮށިން ލިބިވަޑައިގެންނެވީ 41 ވޯޓެވެ. އެ ފޮށީގައި ބާތިލު ވޯޓުގެ އަދަދަކީ 10 އެކެވެ.

ފޯކައިދޫގައި ބެހެއްޓި އެރަށުގެ (1) ނަމްބަރު ފޮށިން ކުރީގައި އޮތީ ފަތުހީއެވެ. އޭނާއަށް 202 ވޯޓް ލިބިވަޑައިގެންނެވި އިރު ރާޝިދަށް ލިބިވަޑައިގެންނެވީ 195 ވޯޓެވެ. ހަންނާނަށް އެ ފޮށިން ލިބިވަޑައިގެންނެވީ އެންމެ 13 ވޯޓެވެ.

ފޯކައިދޫގެ (2) ނަމްބަރު ފޮށިން އެހެން ނަމަވެސް ބޮޑު ތަފާތަކުން ކުރި ހޯއްދެވީ ރާޝިދެވެ. އޭނާއަށް އެ ފޮށިން 223 ވޯޓް ލިބިވަޑައިގެންނެވި އިރު ފަތުހީއަށް ލިބިވަަޑައިގެންނެވީ 204 ވޯޓެވެ. ހަންނާނަށް ލިބިވަޑައިގެންނެވީ އެންމެ 11 ވޯޓެވެ. އެ ފޮށިން އަށް ވޯޓް ބާތިލުވި އެވެ.

މާލޭގައި، އިސްކަންދަރު ސްކޫލްގައި ބެހެއްޓި ދެ ފޮށީގެ ތެރެއިން މިހައިތަނަށް ގުނާފައި ވަނީ (2) ނަމްބަރު ފޮށްޓެވެ. އެ ފޮށިން ރާޝިދަށް 234 ވޯޓް ލިބިވަޑައިގެންނެވި އެވެ. ފަތުހީއަށް ލިބިވަޑައިގެންނެވީ 178 ވޯޓެވެ. ހަންނާނަށް 69 ވޯޓެވެ.

މާލޭގައި ބެހެއްޓި ދެވަނަ ފޮށިން ރާޝިދަށް 280 ލިބިވަޑައިގެންނެވި އިރު ފަތުހީއަށް 242 ލިބިވަޑައިގެންނެވީ ވޯޓެވެ. އެ ފޮށިން ހަންނާނަށް ލިބިވަޑައިގެންނެވީ 88 ވޯޓެވެ. ބާތިލުވީ ނުވަ ވޯޓެވެ.

ކޮމަންޑޫ ދާއިރާގެ ބައިއިލެކްޝަން ބާއްވަން ޖެހުނީ އެދާއިރާގެ މެމްބަަރަކަށް ހުންނެވި ހުސައިން ވަހީދު އަވަހާރަވުމުންނެވެ. މީގެ ކުރީގެ އިންތިހާބުތުގައި ވެސް ކޮމަންޑޫ ދާއިރާގެ ތާއީދު ލިބެމުން އައީ އެމްޑީޕީއަށެވެ. ހުސައިން ވަހީދުގެ ކުރިން އެ ދާއިރާގެ މެމްބަރަކަށް ހުންނެވީ އަހުމަދު ނާޝިދު (އޭޑީކޭ ނާޝިދު) އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox