އަހަރަމެން ދިވެހިންނަކީ ޓީވީއާ ނިކަން ދޯޅު ބަޔެކެވެ. މުނިފޫހިފިލުވުމާއި މައުލޫމާތު ހޯދަން ޓީވީގެ ބޭނުން ފުރިހަމައަށް ކުރާ ބަޔެކެވެ. ޓީވީން ދައްކާ ޝޯތަކާއި ޑްރާމާތަކާއި ފިލްމުތަކާއި ކުޅިވަރުތައް ބަލަން ޝައުގުވެރިކަން ހުންނަ ވަގުތުވީ ވަރަކުން ޓީވީ ބަލާ ބަޔެކެވެ.
ދިވެހިން ފުރަތަމަ ޓީވީ ބަލައި އުޅުނީ ފުރާޅުގައި އެންޓަނާ ބަހައްޓައިގެން ފޮށި ޓީވީތަކުގަ އެވެ. މިހާރު ޓީވީ ބަލަނީ ބިމު އަޑިން ވައްދާ ކޭބަލް ޑީކޯޑަރާ ގުޅައިގެން ފަތި ޓީވީގަ އެވެ. މިހާރު އެ ޑީކޯޑަރުގެ ބޭނުންވެސް ކެނޑިއްޖެ އެވެ. ބޭނުންވަނީ މީޑިއާނެޓުގެ ފައިބާ ކަނެކްޝަނެއް އެކަންޏެވެ.
މީޑިއާނެޓުގެ އެމް އެސް ލައިޓް
އެމްއެސް ލައިޓަކީ އެންޑްރޮއިޑް އެޗްޑީ އާއި ސެމްސަންގް އަދި އެލްޖީ ސްމާޓް ޓީވީ ތަކުން ޑީކޯޑަރަކާއި ނުލައި ލައިވް ޓީވީ ޗެނަލްތަކާއި ވީޑިއޯ-އޮން-ޑިމާންޑު ބެލޭ ސްމާޓް ޓީވީތަކަށް ހާއްސަ 'އެމް.އެސް.ޓީވީ' ގެ ލުއި ވާޝަަންއެކެވެ.
އެމްއެސް ލައިޓުގެ ޕެކޭޖުތަކުގައި ހިމަނަން މީޑިއާނެޓުން ޗެނަލްތައް ހޮވީ ކަސްޓަމަރުންގެ މެދުގައި އޮންނަ މަގުބޫލުކަން ކިރާ ވަޒަންކުރުމަށް ފަހު އެވެ. އެ ހުރިހާ ޕެކޭޖެއްގައި ހިމަނާފައިވާ ޗެނަލްތަކަކީ އެ ޕެކޭޖު ނަގާ ކަސްޓަމަރަކު އެންމެ ބޭނުންވާނެ ޗެނަލްތަކެވެ.
މި ޕެކޭޖުތަކުގެ ތެރޭގައި ދިވެހި ޗެނަލްތަކަށް ހާއްސަ އެމްއެސް ލޯކަލް ޕެކޭޖާއި މަގުބޫލު ޗެނަލްތަކަށް ހާއްސަ އެމްއެސް ބޭސިކް ޕެކޭޖު ހިމެނެ އެވެ.
އެޑްއޯން ޕެކޭޖުތަކުގައި ކުޅިވަރު ފޭނުންނަށް ހާއްސަ އެމްއެސް ލައިޓް ސްޕޯޓްސް އާއި މުނިފޫހުފިލުވުމަށް ލޯބިކުރާ މީހުންނަށް ހާއްސަ އެމްއެސް ލައިޓް އެންޓަޓެއިންމަންޓުގެ އިތުރުން އެމްއެސް ލައިޓް ހޯމް ހިމެނެ އެވެ.
ލިވިން އެކްސްޕޯގެ މީޑިއާނެޓުގެ އެމްއެސްޓީވީ ދައްކާލަނީ. -- ފޮޓޯ: އާއިމް ޒަމީރު/އަދަދު
މީޑިއާނެޓުގެ އެހެން ހިދުމަތްތަކާ ތަފާތުކޮށް އެމްއެސް ލައިޓްގައި ބޭސިކް ނޫނީ ލޯކަލް ޕެކޭޖުގެ އިތުރުން ތިން އެޑްއޯން ހިމަނާލެވެ އެވެ. އަދި ވީޑިއޯ އޮން ޑިމާންޑް ލައިބްރަރީއަށް ހާއްސަ ވީއޯޑީ އެޑްއޯން ވެސް ހިމަނާލެވޭނެ އެވެ. މި އެޑްއޯން ބޭނުންކޮށްގެން މީޑިއާނެޓުގެ އަމިއްލަ އުފެއްދުންތައްް ކަމުގައިވާ މަރްޔަމް، ނަފްސު، ގާލް ފްރެންޑްސް އަދި ލަމްސް ކިޗަންގެ އިތުރުން މަޝްހޫރު ދިވެއްސާއި ހިންދީ ފިލްމުތައް ބަލާލެވޭނެ އެވެ.
ފިލްމެއް ނުވަތަ ސީރީޒް އެއް ބަލާލުމުގެ ކުރިން އެ ފިލްމެއްގެ ޓުރެއިލާ ބަލާލުމަކީ ވަރަށް ގިނަ މީހުން ކުރާ ކަމެކެވެ. އެކަން އެގޮތަށް ކުރަނީ ސަބަބެއް ވެސް ނެތިގެނެއް ނޫނެވެ. ގިނަ ފަހަރު ފިލްމެއް ބަލާ ނިމޭއިރު އެ ފިލްމަކީ އެންމެ އުންމީދުކުރި ވަރުގެ ރީތި ފިލްމަކަށް ނުވުމެވެ. އެގޮތުން ކަސްޓަމަރުންނަށް އަޖުމަ ބަލާލުމުގެ ގޮތުން މީޑިއާނެޓުގެ ވީއޯޑީ ލައިބްރަރީގެ ހިމަނާފައިވާ ސީރީޒްތަކުގެ ފުރަތަމަ އެޕިސޯޑު ހިލޭ ބަލާލެވޭނެއެވެ.
މި ހުރިހާ ޗެނަލްތަކާއި، ވީޑިއޯ އޮން ޑިމާންޑް ލައިބުރަރީ އަދި ތަފާތު ފީޗާތައް ބޭނުންވާނަމަ 630ރ. އަށް އެކަން ވެސް ކުރެވެ އެވެ.
އެމް.އެސް.ލައިޓް ޕެކޭޖުން އެންމެ ފާހަގަ ކޮށްލެވޭ ޗެނަލްތައް
- އެމްއެސް ލޯކަލް - އައިސް ޓީވީ، ޓީވީއެމް، ރާއްޖެ ޓީވީ، ޗެނަލް 13، ސަންގު ޓީވީ
- އެމްއެސް ބޭސިކް - އައިސް ސްޕޯޓްސް، ސީއެންއެން، ބީބީސީ، ކާޓޫން ނެޓްވޯކް، ކޭބީއެސް ވާލްޑް، ސްޓާ ޕްލަސް، ޒީ ޓީވީ
- އެމްއެސް ލައިޓް ސްޕޯޓްސް - ސްޓާ ސްޕޯޓްސް، ޕްރިމިއާ ލީގް ޓީވީ، ސޮނީ ޓެން 2 އެޗްޑީ، ސްޓާ ސްޕޯޓްސް 2 އެޗްޑީ، ސްޓާ ސްޕޯޓްސް ސެލެކްޓް 2 އެޗްޑީ
- އެމްއެސް ލައިޓް ހޯމް އެޑް-އޯން - އެޗްޖީޓީވީ، ޒީ ކެފޭ، ނިކެލްއޯޑިއަން، ސްޓާ ޕްލަސް އެޗްޑީ، ޓީވީއެން
- އެމްއެސް ލައިޓް އެންޓަޓެއިންމަންޓް އެޑް އޯން - ހިޓްސް، ޕެރަމައުންޓް، ސޮނީ އެންޓަޓެއިންމަންޓް، އޭއެކްސްއެން، ސިނެމާ ވާލްޑް
އޮފާ ކުރާ ސަޅި ޕެކޭޖުތަކުގެ އިތުރުން އެމްއެސް ލައިޓުގެ އެންމެ ސަޅި ފީޗާއަކީ "ކެޗް އަޕް" ފީޗާ އެވެ. މި ފީޗާ ބޭނުންކޮށްގެން ހަަތަރު ދުވަސް ކުރީގެ ޕްރޮގްރާމުތައް ޗެނަލްތަކުން ބަލާލެވޭނެ އެވެ. އޮފީހުން ގެޔާ ހަމަޔަށް ނުދެވިގެން "ފޭވަރިޓް ޝޯ" ނުބެލުނަސް ހާސްކަމެއް ނެތެވެ. ޕްރޮގްރާމު ގައިޑު ބަލަނިކޮށް ފެންނަ ސަޅި ފިލްމެއް ކުރިން ދުވަހު ދެއްކިޔަސް ހާސްކަމެއް ނެތެވެ.
އެމްއެސް ލައިޓް ޑައުންލޯޑް ކުރަނީ ކިހެނެއް
• ފުރަތަމަ އެޕް ސްޓޯ ހުޅުވާށެވެ.
• ދެން ސާޗް ބާގައި "މީޑިއާނެޓް" ޖަހާށެވެ.
• އެއަށް ފަހު "އެމްއެސް ލައިޓް" އެޕް ހިޔާރުކުރުމަށްފަހު އިންސްޓޯލަށް ފިތާލާށެވެ.
• ފަހު ކަމަކަށް އެޕް ޑައުންލޯޑު ވުމުން ލޯންޗުކުރުމަށްފަހު ރަޖިސްޓާ ވެލާށެވެ.
