ޖެނީވާ، ސްވިޓްޒަލޭންޑް (ޖެނުއަރީ 18) - ކޮވިޑާއި ފްލޫއ އަދި އާރްއެސްވީއަށް ހާއްސަކޮށް މޮޑާނާއިން އުފައްދަމުންދާ ވެކްސިން ނިމި މާކެޓަށް ނެރެވޭނީ 2023 ވަނަ އަހަރުގެ ފަހުކޮޅުގައި ކަމަށް އެ ކުންފުނިން ބުނެފި އެވެ.
މޮޑާނާއިން އުފައްދަމުންދަނީ ކޮވިޑާއި އިންފްލުއެންޒާ އަދި އާދައިގެ ރޯގާ ޖައްސާ "ރެސްޕިރޭޓަރީ ސިންސިޓިއަލް ވައިރަހާ ދެކޮޅު ވެކްސިނެކެވެ.
އެ ކުންފުނީގެ އުއްމީދަކީ ދެ ބައްޔަށް އެއް ވެކްސިނެއް އުފެއްދުމާ އެކު މިއީ ފްލޫ ޝޮޓް ޖަހާ ފަދައިން، އަހަރަކު އެއް ފަހަރު ޖެހުމަށް މީހުން އާދަކުރާނެ ވެކްސިނަކަށް ވުމެވެ.
މޮޑާނާގެ ޗީފް އެގްޒެކްޓިވް ސްޓެފަނީ ބޭންސެލް ވޯލްޑް އިކޮނޮމިކް ފޯރަމްގެ ބައްދަލުވުމުގައި ވިދާޅުވީ އެންމެ ރަނގަޅު ހާލަތުގައި 2023 ވަނަ އަހަރުގެ އޯގަސްޓު މަހު ވެކްސިން ލިބޭނެ ކަމަށެވެ.
"އަޅުގަނޑަކަށް ގަބޫލެއް ނުކުރެވޭ އެއް ފަހަރާ ހުރިހާ ގައުމަކަށް ސަޕްލައި ކުރެވޭނެ ކަމަށް. އެކަމަކު އަންނަ އަހަރު ބައެއް ގައުމުތަކުގެ މާކެޓަށް މި ވެކްސިން ނެރޭނެ."
"އަޅުގަނޑުމެންގެ އަމާޒަކީ އަހަރަކު އެއް ފަހަރު އެއް ބޫސްޓާ ޝޮޓު ޖެހުން. އެއީ ކޮންމެ އަހަރަކު ދެ، ތިން ޝޮޓު ޖަހަން ޖެހުމުން ފޫހިވެ އެކަން ނުކުރާ މީހުން މަދުކުރެވޭނެ ގޮތެއް."
