ފާއިޒްގެ އޯޑިއޯ ސައްހައެއް ނޫން، ސަސްޕެންޝަން އުވާލައިފިން: ޖޭއެސްސީ

ގާޒީ ފާއިޒް: ލީކްކޮށްލި އޯޑިއޯތަކަކީ ފޭކު ކަމަށް މެލޭޝިޔާއިން ތައްޔާރު ކުރި ފޮރިންސިކް ރިޕޯޓުން ހާމަވެއްޖެ -- ފޮޓޯ: އަދަދު ފައިލް

ގާޒީ ފާއިޒް: ލީކްކޮށްލި އޯޑިއޯތަކަކީ ފޭކު ކަމަށް މެލޭޝިޔާއިން ތައްޔާރު ކުރި ފޮރިންސިކް ރިޕޯޓުން ހާމަވެއްޖެ -- ފޮޓޯ: އަދަދު ފައިލް

ލީކުވި އޯޑިއޯތަކެއްގެ މައްސަލައިގައި ސަސްޕެންޑްކޮށްފައިވާ ކްރިމިނަލް ކޯޓުގެ ގާޒީ ހުސެއިން ފާއިޒު ރަޝާދުގެ ސަސްޕެންޝަން ޖުޑިޝަލް ސާވިސް ކޮމިޝަން (ޖޭއެސްސީ) އިން މިރޭ އުވާލައިފި އެވެ.

ސަސްޕެންޝަން އުވާލީ މެލޭޝިއާގެ މިނިސްޓްރީ އޮފް ކޮމިއުނިކޭޝަނުން ތައްޔާރު ކުރި ޑިޖިޓަލް ފޮރެންސިކް ރިޕޯޓަކަށް ރިޔާއަތްކޮށް، އޯޑިއޯ ސައްހަ ނޫން ކަމަށް ބުނެ އެވެ.

އެ ރިޕޯޓާ ހަވާލާދީ ޖޭއެސްސީ އިން ބުނީ ލީކްވި އޯޑިއޯގައިވާ އަޑާއި، ގާޒީ ފާއިޒްގެ އަޑާއި އެއްވެސް ވަރަކަށް ގުޅުމެއް ނުވާ ކަމަށެވެ. ނަމަވެސް، ދިވެހި ފުލުހުން ތައްޔާރު ކުރި ފޮރިންސިކް ރިޕޯޓުގައި ވަނީ ވަނީ އެ އޯޑިއޯއާ ގާޒީ ފާއިޒްގެ އަޑާއި ދިމާވާ ކަމަށެވެ.

Advertisement

އެހެންވެ މިދިޔަ މަހުގެ ހަތަރު ވަނަ ދުވަހު އޭނާ 60 ދުވަހަށް ވަޒީފާގެ މަސްއޫލިއްޔަތުތަކުން އެކަހެރިކުރި އެވެ. އެއީ އެ މައްސަލައިގެ ބާވަތަށާއި ތަހުގީގުގެ ހޯދުންތަކަށް ބަލައި، ޝަރުއީ ދާއިރާގެ އިތުބާރު ނެގެހެއްޓުމުގެ އަސާސްގެ މައްޗަށް ބިނާކޮށް ނިންމި ނިންމުމެއް ކަމަށް ބުނެފައިވެ އެވެ.

ގާޒީ ފާއިޒްގެ ސަސްޕެންޝަން މިރޭ އުވާލީ ފުލުހުންގެ އޯޑިއޯ ތަހުލީލު އިތުރަށް ކަށަވަރު ކުރުމަށްޓަކައި މެލޭޝިޔާއަށް ފޮނުވައިގެން ކުރި ތަހުލީލުން ލިބުނު ނަތީޖާއަށް ބިނާކޮށެވެ.

ގާޒީންތަކެއްގެ އޯޑިއޯތަކެއް މިދިޔަ ސެޕްޓެމްބަރު މަހުގެ ތެރޭގައި ލީކްވި ކަމަށް ބުނެ، ސޯޝަލް މީޑިޔާގައި ދައުރުކޮށްފައި ވަނީ ކްރިމިނަލް ކޯޓުގެ ގާޒީ އަލީ އާދަމް އާއި ގާޒީ ފާއިޒްގެ އިތުރުން ޑްރަގް ކޯޓުގެ ގާޒީ މުހައްމަދު ސަމީރުގެ އަޑު ކަމަށް ތުހުމަތު ކޮށެވެ.

އެހެން ނަމަވެސް ފުލުހުން އެ ތިން ފަނޑިޔާރުންގެ އޯޑިއޯ ސާމްޕަލް ނަނގައިގެން ތަހުލީލު ކުރި އިރު، އެއީ "ޓެމްޕަކޮށް ރެކޯޑިންގައިވާ ވަކި ބައެއް ޑިލީޓްކޮށް ނުވަތަ ވަކި ވަކި ކްލިޕްތަކަކުން ގުޅުވައިފައިވާ އޯޑިއޯތަކެއްކަން" ފޮރެންސިކް އެނާލިސިސްއިން ހާމަވެގެން ދިޔަ ކަމަށް ޖޭއެސްސީ އިން ބުނެފައިވެ އެވެ.

މި މައްސަލަ ފެންމަތިވުމާއި ގުޅިގެން ތިން ފަނޑިޔާރުން ޖޭއެސްސީއަށް ހާޒިރުކޮށް ސުވާލުކުރުމުން، ލީކްކޮށްލާފައި ވަނީ ފޭކު އޯޑިއޯތަކެއް ކަމަށް ވިދާޅުވި ކަމަށްވެސް އޯގަސްޓް މަހު ކޮމިޝަނުން ބުނެފައިވެ އެވެ.

"ކޯޓުގެ ފަނޑިޔާރުންގެ އޯޑިއޯތަކެއް ކަމަށް ބުނެ، ބަޔަކު ހަދައިގެން ފަނޑިޔާރުންގެ މައްޗަށް ތުހުމަތުކޮށް ދައުރުކުރި ސައްހަ ނޫން އޯޑިއޯތަކާއި، އެމައްޗަށް ބިނާކޮށް ފަނޑިޔާރުންގެ މައްޗަށް މަތިކުރި ދޮގު ތުހުމަތުތައް މިކޮމިޝަނުން ކުށްވެރި ކުރަމެވެ" ފުލުހުންގެ ފޮރިންސިކް ރިޕޯޓް ހާމަކުރުމުން ޖޭއެސްސީ އިން މީގެ ކުރިން ނެރުނު ބަޔާނެއްގައިވެ އެވެ.

އަދި ކޯޓުތަކާއި ފަނޑިޔާރުންނާ ގުޅޭ ގޮތުން މީޑިއާތަކުން ހަބަރު ލިޔާއިރު މީޑިއާއަށް ލިބޭ މައުލޫމާތު އާއްމުކުރުމުގެ ކުރިން އެ މަޢުލޫމާތަކީ އިތުބާރު ކުރެވޭ މަސްދަރުން ލިބޭ މައުލޫމާތުކަން ޒިންމާދާރުކަމާއެކު ކަށަވަރުކުރުމަށްވެސް ޖޭއެސްސީން ބުނެފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox