ފައްޅީގެ "ހުރުމަތް" ކަނޑާލި މީހަކަށް އަނިޔާކޮށް މަރާލައިފި

ގޯލްޑަން ޓެމްޕަލް ފައްޅީގެ ބޭރުގައި ފުލުހުން މަޑުކޮށްގެން. -- ފޮޓޯ: އޭއެފްޕީ

ގޯލްޑަން ޓެމްޕަލް ފައްޅީގެ ބޭރުގައި ފުލުހުން މަޑުކޮށްގެން. -- ފޮޓޯ: އޭއެފްޕީ

ނިއު ދިއްލީ، އިންޑިއާ (ޑިސެމްބަރު 19) - ސިކް ދީނުގެ އެންމެ މާތް ފައްޅި، ގޯލްޑަން ޓެމްޕަލް، އަށް ވަދެ އެ ތަނުގެ "ހުރުމަތް" ކަނޑާލަން މަސައްކަތް ކުރި މީހަކަށް އަނިޔާކޮށް މަރާލައިފި އެވެ.

އިންޑިއާގެ އަމްރިތްސާރް ސިޓީގައި ހުންނަ ގޯލްޑަން ޓެމްޕަލްގެ ދަގަނޑުތައް މަތިން ފުންމާލައި، ސިކް ދީނުގެ އެންމެ މާތް ފޮތް، ގުރޫ ގްރާންތް ސާހިބް، ކުރިމަތީގައި ބާއްވާފައި އޮތް ކަނޑި ނަގަން މީހަކު މަސައްކަތް ކުރީ ހޮނިހިރު ދުވަހު ހަވީރު ބަޔަކު އަޅުކަން ކުރަން ތިއްބަ އެވެ.

އެންޑީޓީވީން ބުނީ އަޅުކަން ކުރަން ތިބި މީހުން އޭނާ ހުއްޓުވުމަށް ފަހު ތަޅައި އަނިޔާކޮށް މަރާލީ ކަމަށެވެ. ޕަންޖާބް ސްޓޭޓްގެ ޗީފް މިނިސްޓަރު ޗަރަންޖީތް ސިންގް ޗަންނީ ވަނީ އެ މީހާ އަމަލުކުރި ގޮތް ކުށްވެރިކޮށްފަ އެވެ.

Advertisement

އެފަދަ އަމަލެއް އޭނާ ހިންގި ސަބަބު ހޯދަން ތަހުގީގެއް ކުރަން ވެސް ޗަންނީ އަމުރު ކުރެއްވި އެވެ. ސިކް ދީނުގެ އެންމެ މާތް ފޮތާއި އެ މީހުންގެ ފައްޅިތަކަށް ގެއްލުން ދިނުމާއި "ހުރުމަތް" ކަނޑާލުމަކީ އެ ދީނުގެ މީހުން ވަރަށް ރުޅިގަދަވާ ކަމެކެވެ.

އިންޑިއާގެ ކުރީގެ ބޮޑު ވަޒީރު އިންދިރާ ގާންދީ އަވަހާރަކޮށްލީ ވެސް ސަރުކާރާ ވަކިވެގަނެގެން އުޅޭ މީހުން ހައްޔަރު ކުރަން ގޯލްޑަން ޓެމްޕަލް ތެރެއަށް ސިފައިން ވަންނަން އަމުރު ކުރެއްވުމުންނެވެ. އެކަމަނާ އަވަހާރަކޮށްލީ 1984 ވަނަ އަހަރު ސިކް ބޮޑީގާޑުންތަކެކެވެ.

އެކަމަނާ އަވަހާރަކޮށްލުމާ އެކު ވެރިރަށް ނިއު ދިއްލީގައި ބޮޑެތި ހަމަނުޖެހުންތައް ހިނގައި، 3،500 އަށް ވުރެ ގިނަ ސިކް މީހުން މަރުވި އެވެ.

ސިކް ދީނުގެ ފައުންޑަރު ގުރޫ ނާނަކް ދައްކުވައިދޭ ފިލްމެއް 2015 ވަނަ އަހަރު ނެރެން އުޅުމަށް ފަހު އެ މަސައްކަތް ވެސް ހުއްޓާލީ މުޒާހަރާތަކާ ގުޅިގެންނެވެ. ގުރޫ ނާނަކް އިންސާނެއްގެ ސިފައިގައި ދެއްކުމަކީ އެ މީހުންގެ ދީނުގައި މަނާ ކަމެކެވެ.

އޭގެ އިތުރުން ސިކް ދީންގެ އެންމެ މާތް ފޮތުގެ "ހުރުމަތް" ކަނޑާލި ކަމަށް ބުނެ، މިދިޔަ އޮކްޓޯބަރު މަހު ނިއު ދިއްލީގައި މީހަކަށް އަނިޔާކޮށް މަރާލި އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox