ކްރިޕްޓޯ ސްކޭމް ހިންގާ މީހުން މޯދީގެ ޓްވިޓާ އަނެއްކާވެސް ހެކްކޮށްފި

އިންޑިއާގެ ބޮޑު ވަޒީރު ނަރެންދްރަ މޯދީ. -- ފޮޓޯ: އޭއެފްޕީ

އިންޑިއާގެ ބޮޑު ވަޒީރު ނަރެންދްރަ މޯދީ. -- ފޮޓޯ: އޭއެފްޕީ

ނިއު ދިއްލީ، އިންޑިއާ (ޑިސެމްބަރު 12) - އިންޑިއާގައި ލީގަލް ޓެންޑާގެ ގޮތުގައި ބިޓްކޮއިން ބޭނުން ކުރަން ފަށާފައިވާ ކަމަށާއި ރައްޔިތުންނަށް ކްރިޕްޓޯކަރަންސީ ބަހަމުންދާ ކަމަށް ބުނާ މެސެޖަކާ އެކު ބޮޑު ވަޒީރު ނަރެންދްރަ މޯދީގެ ޓްވިޓާ އެކައުންޓު އަނެއްކާވެސް ހެކްކޮށްފި އެވެ.

މޯދީ އަކީ ގަވާއިދުން ޓްވީޓު ކުރައްވާ ބޭފުޅެކެވެ. އެމަނިކުފާނަކީ މި ވަގުތު ޓްވިޓާ ބޭނުން ކުރާ ލީޑަރުންގެ ތެރެއިން އެންމެ މަގްބޫލު އެއް ލީޑަރެވެ. ހަތްދިހަ ތިން މިލިއަނަށް ވުރެ ގިނަ މީހުން މޯދީގެ ޓްވިޓާ އެކައުންޓް ފޮލޯކުރެ އެވެ.

މޯދީގެ އެކައުންޓުން އާދީއްތަ ދުވަހު ކުރި ޓްވީޓެއްގައި ބުނީ އިންޑިއާ ސަރުކާރުން ރަސްމީކޮށް 500 ބިޓްކޮއިން ގަނެފައިވާ ކަމަށާއި "ގައުމުގައި އުޅޭ އެންމެންނަށް ކްރިޕްޓޯކަރަންސީ ބަހަމުން" ދާ ކަމަށެވެ. އެއާއެކު ސްކޭމް ލިންކެއް ޕޯސްޓު ކުރި އެވެ.

Advertisement

ފަހުން ވަނީ އެ ޓްވީޓް ޑިލީޓުކޮށްފަ އެވެ. މޯދީގެ އޮފީހުން ކުރި ޓްވީޓެއްގައި ބުނީ "ކުޑަ ވަގުތުކޮޅަކަށް" ބަޔަކު އެކައުންޓު ހެކްކުރީ ކަމަށެވެ. ނަމަވެސް ޓްވިޓާގެ އެހީއާ އެކު އެކައުންޓުގެ ކޮންޓްރޯލް އަލުން ހޯދާފައިވާ ކަމަށް ބުންޏެވެ.

މިއީ މޯދީގެ ޓްވިޓާ އެކައުންޓެއް ހެކްކުރި ދެ ވަނަ ފަހަރެވެ. މިދިޔަ އަހަރު މޯދީ ނުރަސްމީކޮށް ބޭނުންކުރާ ޓްވިޓާ އެކައުންޓެއް ހެކްކުރި އެވެ. އެ ފަހަރު ހެކަރުން ޕޯސްޓުކުރި ޓްވީޓުގައި އެދުނީ ކޮވިޑާ ގުޅިގެން ކަމަށް ބުނެ ފޭކު ފަންޑަކަށް ފައިސާ ފޮނުވުމަށެވެ.

އާދީއްތަ ދުވަހު މޯދީގެ ރަސްމީ އެކައުންޓު ހެކްކުރި އިރު، އިންޑިއާ ސަރުކާރުން ދަނީ ކްރިޕްޓޯކަރަންސީގެ ވިޔަފާރިއާ ދެކޮޅަށް ފިޔަވަޅުތަކެއް އަޅަން ތައްޔާރުވަމުންނެވެ. އެގޮތުން މި މަހު ފަހުކޮޅު ޕާލިމެންޓަށް އާ ގާނޫނެއް ހުށަހަޅާނެ ކަމަށް ބެލެވެ އެވެ.

އެ ގާނޫނުގައި ހިމެނޭނެ ކަންކަމުގެ ތަފްސީލް އަދި ހާމައެއް ނުކުރެ އެވެ. ނަމަވެސް އިންޑިއާ ސަރުކާރުން ދެކޭ ގޮތުގައި ޕްރައިވެޓް ޑިޖިޓަލް ފައިސާ ބޭނުން ކުރުން އެއްކޮށް މަނާވާން ޖެހެ އެވެ.

ކްރިޕްޓޯކަރަންސީއާ ދެކޮޅަށް ކޯޓުން ނިންމި ނިންމުމެއް މިދިޔަ އަހަރު ސުޕްރީމް ކޯޓުން އުވާލުމުން އިންޑިއާގެ ކްރިޕްޓޯ މާކެޓު ވަނީ ވަރަށް ބޮޑަށް ހިނގައިގަނެފަ އެވެ. އެގޮތުން ބޮލީވުޑް ތަރިންނާއި ކްރިކެޓް ކުޅުންތެރިން ދަނީ ކްރިޕްޓޯ ޕްރޮމޯޓް ކުރާ އިޝްތިހާރުތަކުގައި ވެސް ބައިވެރިވަމުންނެވެ.

މިދިޔަ މަހު މޯދީ ވިދާޅުވީ ކްރިޕްޓޯކަރަންސީއާ ހެދި "ޒުވާނުން ހަލާކުވެދާނެ" ކަމަށެވެ. މަރުކަޒީ ބޭންކުން ވެސް ތަކުރާރުކޮށް އިންޒާރުދީފައިވާ ގޮތުގައި އޭގެ ސަބަބުން "އިގްތިސާދީ އަދި މާލީ ހަމަޖެހުމަށް ސީރިއަސް ގޮންޖެހުންތަކެއް" ކުރިމަތުވިދާނެ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox