އިންޑިއާގެ އެންމެ އިސް އަސްކަރީ ކޮމާންޑަރާއި އޭނާގެ އާއިލާ ގޮވައިގެން ދަތުރު ކުރި ސިފައިންގެ ހެލިކޮޕްޓަރެއް ދެކުނު ޓަމިލް ނާޑޫ ސްޓޭޓަށް ވެއްޓިއްޖެ އެވެ.
ޗީފް އޮފް ޑިފެންސް ސްޓާފް ޖެނެރަލް ބިޕިން ރާވަތު ދަތުރު ކުރެއްވި އެމްއައި-17ވީ5 ހެލިކޮޕްޓަރު ވެއްޓުނީ ކޫނޫރް ސިޓީ ކައިރިއަށެވެ.
ޖެނެރަލް ރާވަތު އާއި އާއިލާގެ ހާލުކޮޅު ސާފެއް ނޫނެވެ. ރިޕޯޓުތައް ބުނާ ގޮތުގައި އޭގައި 14 މީހުން ދަތުރުކުރި އެވެ.
ޓަމިލް ނާޑޫ ސްޓޭޓް ސަރުކާރުގެ މިނިސްޓަރަކު ވިދާޅުވީ ފަސް މީހުން މަރުވި ކަމަށާއި ދެ މީހެއްގެ ހާލު ސީރިއަސް ކަމަށެވެ.
ޗީފް އޮފް ޑިފެންސް ސްޓާފް ޖެނެރަލް ބިޕިން ރާވަތު.
ޓަމިލް ނާޑީ ފޮރެސްޓް މިނިސްޓަރު ކޭ ރާމަޗަންދްރަން ވިދާޅުވީ މީހުން ސަލާމަތް ކުރުމުގެ އޮޕަރޭޝަން ކުރިއަށްދާ ކަމަށާއި ހޮސްޕިޓަލަށް ގެންދިޔަ ބައެއް މީހުން ވަރަށް ބޮޑަށް ފިހިފައިވާ ކަމަށެވެ.
ހެލިކޮޕްޓަރު ވެއްޓުނު ސަރަހައްދުގެ ވީޑިއޯތަކުން ފެންނަނީ ދުންތައް އަރަމުން ދާއިރު، ހެލިކޮޕްޓަރުގައި ރޯވެފައިވާ މަންޒަރެވެ.
ހެލިކޮޕްޓަރު ނައްޓާލީ ސުލުރް އަސްކަރީ މަރުކަޒުން ވެލިންގްޓަން އަވަށަށެވެ. ދަތުރު ފެށިތާ މާ ގިނައިރުތަކެއް ނުވެ ވެއްޓުނު ކަމަށް ރިޕޯޓުތައް ބުނެ އެވެ.
އިންޑިއާގެ އެއާ ފޯސް އިން ބުނީ ހާދިސާގެ ތަހުގީގު ފަށާފައިވާ ކަމަށެވެ.
އުމުރުން 63 އަހަރުގެ ޖެނެރަލް ރާވަތު އިންޑިއާގެ އެންމެ ފުރަތަމަ ޗީފް އޮފް ޑިފެންސް ސްޓާފްގެ މަގާމަށް އައްޔަނު ކުރެއްވީ ޖެނުއަރީ 2019 ގަ އެވެ.
