އޮމިކްރޯން ވޭރިއެންޓާ މެދު ހާސްނުވާން ޑަބްލިއުއެޗްއޯ އިން އެދެފި

ޑަބްލިއުއެޗްއޯގެ ސައިންޓިސްޓު ސުމްޔާ ސްވާމިނަތަން. -- ފޮޓޯ: ރޮއިޓާޒް

ޑަބްލިއުއެޗްއޯގެ ސައިންޓިސްޓު ސުމްޔާ ސްވާމިނަތަން. -- ފޮޓޯ: ރޮއިޓާޒް

ކޮވިޑް ފަތުރާ ވައިރަހުގެ އާ ވޭރިއެންޓު، އޮމިކްރޯންއާ މެދު ހާސްވުމުގެ ބަދަލުގައި އެއާ ކުރިމަތިލުމަށް ގައުމުތަކުން ތައްޔާރުވުމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ގޮވާލައިފި އެވެ.

ހުކުރު ދުވަހު އޮތް ނޫސްވެރިންގެ ބައްދަލުވުމުގައި ޑަބްލިއުއެޗްއޯގެ ސައިންޓިސްޓު ސުމްޔާ ސްވާމިނަތަން ވިދާޅުވީ މިހާރު އޮތް ހާލަތަކީ މީގެ އަހަރެއް ކުރިއާ އަޅާ ބަލާއިރު ތަފާތު ހާލަތެއް ކަމަށެވެ.

ރިޕޯޓުތައް ބުނާ ގޮތުން 40 ގައުމަކުން އޮމިކްރޯން ވޭރިއެންޓް މިހާރު ވަނީ ފެނިފަ އެވެ. ވަރަށް ބޮޑެތި މިޔުޓޭޝަންތަކެއް އައިސްފައިވާ އެ ވޭރިއެންޓުން ކުރާ އަސަރު އަދިވެސް ޔަގީންކޮށް ހޯދިފައެއް ނުވެ އެވެ.

Advertisement

ދެކުނު އެފްރިކާގެ ސައިންޓިސްޓުން ހެދި ދިރާސާގެ ފުރަތަމަ ޑޭޓާ ދައްކާ ގޮތުން ކޮވިޑް ޖެހިފައި ހުރި ނަމަވެސް އަލުން އޮމިކްރޯން ވޭރިއެންޓާ ހެދި ބަލި ޖެހުމުގެ ފުރުސަތު ބޮޑުވެ އެވެ.

ނަމަވެސް އެނެލިސްޓުން ބުނީ އެއީ އަދި ފުރިހަމަ ޑޭޓާއެއް ނޫން ކަމަށެވެ. އޮމިކްރޯން ވޭރިއެންޓް އެންމެ ފުރަތަމަ ހޯދީ ދެކުނު އެފްރިކާގެ ސައިންޓިސްޓުންނެވެ.

ޑރ. ސްވާމިނަތަން ވިދާޅުވީ ދެކުނު އެފްރިކާގެ ތަފާސްހިސާބަށް ބަލާއިރު، އެ ވޭރިއެންޓަކީ ހަލުވިކަމާ އެކު ފެތުރޭ ވޭރިއެންޓެއް ކަމަށާއި ދުނިޔޭގެ "ޑޮމިނެންޓް" ވޭރިއެންޓެއް ވެދާނެ ކަމަށެވެ.

މި ވަގުތު "ޑޮމިނެންޓް" ވޭރިއެންޓް ނުވަތަ ދުނިޔެ އަށް އެންމެ ފުޅާކޮށް ފެތުރިފައިވާ ވޭރިއެންޓަކީ ޑެލްޓާ އެވެ. އެގޮތުން 99 ޕަސެންޓު ކޭސްތައް ގުޅިފައި ވަނީ ޑެލްޓާއާ އެވެ.

އަޅުގަނޑުމެން ކަންބޮޑުވާންވީ ކިހާ މިންވަރަކަށްތޯ؟ އަލުގަނޑުމެން ވީ ތައްޔާރުވެ، ސަމާލުވާން. ހާސްވުމުގެ ބޭނުމެއް ނެތް. މިއީ އަހަރެއް ކުރިއާ އަޅާ ބަލާއިރު ތަފާތު ހާލަތެއް،" އޭނާ ވިދާޅުވި އެވެ.

ޑަބްލިއުއެޗްއީގެ އެމެޖެންސީޒް ޑިރެކްޓަރު މައިކް ރަޔަން ވިދާޅުވީ ކޮވިޑާ ދެކޮޅަށް "ވަރަށް އިފެކްޓިވް" ވެކްސިން އެބަ ހުރި ކަމަށާއި އިސްކަންދޭންވީ ހަމަހަމަކަމާ އެކު ވެކްސިން ބެހުމަށް ކަމަށެވެ.

އޭގެ އިތުރުން އޮމިކްރޯން ވޭރިއެންޓާ ގުޅިގެން އެ ވެކްސިންތަކަށް އެއްވެސް ބަދަލެއް ގެންނަން ޖެހޭ ކަމުގެ ހެއްކެއް މިހާތަނަށް ފެންނަން ނެތް ކަމަށް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox