ޝަރީއަތް ނިމެންދެން މާލޭ ޖަލުގައި ބަންދުކޮށްފައި ހުރި ގައިދީއެއް ފަރުވާ ދެމުންދަނިކޮށް މަރުވެއްޖެ އެވެ.
މިއަދު ފަތިހު މަރުވި އެ ގައިދީ އަކީ ބަންގްލަދޭޝްގެ މީހެއް ކަމަށްވާ އެމްޑީ އަކްތަރު ހުސެއިން، 50 އެވެ. އެ ގައިދީއަކީ މީހަކު މެރުމުގެ ކުށުގައި ޝަރީއަތް ނިމެންދެން މާލެ ޖަލުގައި ބަންދުކޮށްފައިހުރި މީހެކެވެ.
ކަރެކްޝަނުން ބުނީ މަރުވި ގައިދީއަކީ ގޮޅި ތެރޭ ތާސްކުޅެން އިންދާ މެއަށް ތަދެއް އަރައި، ނޭވާލުމަށް އުނދަގޫތަކެއް ހުރުމުން އެމަޖެންސީ ހާލަތުގައި އައިޖީއެމްއެޗަށް ގެންގޮސް ފަރުވާ ދެމުންދިޔަ ބަންގްލަދޭޝް މީހެއްކަމަށެވެ.
އޭނާ މަރުވީ ހާޓް އެޓޭކެއް ޖެހުމުގެ ސަބަބުން ކަމަށް ހޮސްޕިޓަލާ ހަވާލާދީ ކަރެކްޝަނުން ބުނެ އެވެ.
އޭނާ ހޮސްޕިޓަލަށް ގެންދިއުމާ ގުޅިގެން އެ މައްސަލަ އިންސްޕެކްޓާ އޮފް ކަރެކްޝަނަލް ސާވިސް، މޯލްޑިވްސް ޕޮލިސް ސާވިސް އަދި ހިއުމަން ރައިޓްސް ކޮމިޝަން އޮފް ދަ މޯލްޑިވްސް އަދި ނެޝަނަލް އިންޓެގްރިޓީ ކޮމިޝަނަށް އަންގާފަ އެވެ.
