ބޯޑަރު މައްސަލާގައި ޗައިނާ އާއި އިންޑިއާގެ މަޝްވަރާއިން ކުރިއެރުމެއް ނުލިބުނު

ހިމަލަޔާ ފަރުބަދަ ތެރެއިން ދެ ގައުމުގެ މެދުގައިވާ ބޯޑަރު މައްސަލާގައި ޗައިނާ އާއި އިންޑިއާއިން މީގެ ކުރިން ހަމަލާ ބަދަލުކުރި. -- ފޮޓޯ: އޭއެފްޕީ

ހިމަލަޔާ ފަރުބަދަ ތެރެއިން ދެ ގައުމުގެ މެދުގައިވާ ބޯޑަރު މައްސަލާގައި ޗައިނާ އާއި އިންޑިއާއިން މީގެ ކުރިން ހަމަލާ ބަދަލުކުރި. -- ފޮޓޯ: އޭއެފްޕީ

ބެއިޖިން، ޗައިނާ (އޮކްޓޯބަރު 11) - ޗައިނާ އާއި އިންޑިއާ ގުޅޭ ބޯޑަރު މައްސަލަ އަށް ހައްލު ހޯދަން ބޭއްވި މަޝްވަރާތަކުން ކުރިއެރުމެއް ނުލިބުމުން އެއް ގައުމުން އަނެއް ގައުމަށް ފާޑުކިޔައިފި އެވެ.

ޓިބެޓް އާއި އިންޑިއާގެ ލަޑަކް ސަރަހައްދާ ދެމެދުގައި އޮންނަ ގަލްވަން ކޯރު ވާދީގެ މައްސަލަ ބޮޑުވެ، މިދިޔަ އަހަރު ދެ ގައުމުގެ ސިފައިން ހަމަލާ ބަދަލުކުރި އެވެ.

ދެ ގައުމުގެ އަސްކަރީ އިސް އޮފިޝަލުން މަޝްވަރާތައް ބާއްވަމުން ދިޔަ ނަމަވެސް، ކުރިއެރުމެއް ނުލިބެ އެވެ. ދެ މަހުގެ މެދުކެނޑުމަކަށް ފަހު ބޭއްވި ބައްދަލުވުމުން ވެސް ނަތީޖާއެއް ނުފެނުނެވެ.

ޗައިނާ ސިފައިންގެ ތަރުޖަމާނު ލޯންގް ޝައުހުއާ ނެރުނު ބަޔާނެއްގައި އިންޑިއާ އަށް ތުހުމަތު ކުރެއްވީ "ހަމަނުޖެހޭ އަދި ހާސިލްކުރަން އުނދަގޫ" ޑިމާންޑުތައް ކުރާ ކަމަށެވެ.

ނަމަވެސް އެއީ ކޮން ޑިމާންޑުތަކެއްކަން ހާމަކޮށްފައެއް ނުވެ އެވެ.

ރައްދުގައި އިންޑިއާގެ ޑިފެންސް މިނިސްޓްރީން ބުނީ "ޗައިނާ އިން ކުރިއަށް ދެވޭނެ ކަހަލަ ހުށަހެޅުމެއް ހުށަނާޅާ ކަމަށާއި އިންޑިއާގެ ހުށަހެޅުންތައް މަޝްވަރާ ކުރަން ތައްޔާރު ނޫން" ކަމަށެވެ.

އެހެން ނަމަވެސް ދެ ގައުމުގެ މެދުގައި މުވާސަލާތީ ގުޅުން ބޭއްވުމަށާއި ހަމަޖެހުން ދެމެހެއްޓުމަށް އެއްބަސްވެފައިވާ ކަމަށް އިންޑިއާ އިން ބުންޏެވެ.

ނަވާރަ ސަތޭކަ ފަސްދޮޅަސް ދެ ވަނަ އަހަރު ބޯޑަރު ސަރަހައްދުގައި އިންޑިއާ އާއި ޗައިނާއިން ހަނގުރާމަ ކުރި އެވެ. އޭރުން ފެށިގެން ވެސް ޖެހިފައި އޮތް މައްސަލައަކީ ބިމުގެ މައްސަލަ އެވެ. ދެ ގައުމުގެ މެދުގައި ނުރަސްމީ ބޯޑަރު "ލައިން އޮފް އެކްޗުއެލް ކޮންޓްރޯލް (އެލްއޭސީ)" ގާއިމްކޮށްފައި ވާއިރު ބޯޑަރު ފޫ އަޅުވާލުމަށް ފަހު ބިން ހިފަން އުޅޭ ކަމަށް އެއް ގައުމުން އަނެއް ގައުމަށް ތުހުމަތު ކުރެ އެވެ.

އެންމެ ފަހުން ބޭއްވި މަޝްވަރާތަކުގެ އަމާޒަކީ އިރުމަތީ ލަޑަކްގައިވާ އެލްއޭސީއާ ގުޅޭ ގޮތުން "ހުރި މައްސަލަތައް" ހައްލު ކުރުން ކަމަށް އިންޑިއާގެ ޑިފެންސް މިނިސްޓްރީން ބުންޏެވެ.

ޗައިނާ ސިފައިންގެ ތަރުޖަމާނު ލޯންގް ވިދާޅުވީ އެ ތަނުގައި ހަމަޖެހުން ގާއިމްކުރަން ޗައިނާ އިން ފިޔަވަޅުތަކެއް އަޅާފައިވާ ކަމަށާއި ނަމަވެސް ހާލަތާ މެދު "ނުބައިކޮށް ނުވިސްނުމަށް" އިންޑިއާ އަށް އިންޒާރު ދޭ ކަމަށެވެ.

އިންޑިއާ އިން ދެކޭ ގޮތުގައި މިހާރު ހުރި އެއްބަސްވުންތަކާ ހިލާފަށް އެ ސަރަހައްދުގައި ކަންކަން ހިނގާ ގޮތް ބަދަލު ކުރަން ޗައިނާ އިން ދަނީ މަސައްކަތް ކުރަމުންނެވެ.

މި މަހުގެ ކުރީކޮޅު އިންޑިއާ ސިފައިންގެ ވެރިޔާ ވިދާޅުވީ ޗައިނާ އިން އެ ސަރަހައްދަށް ގިނަ އަދަދެއްގެ ސިފައިން ފޮނުވަމުންދާ ކަމަށާއި އެހެންވެ އިންޑިއާ ސިފައިން ވެސް ފޮނުވަމުންދާ ކަމަށެވެ.

އޭގެ ކުރިން ޗައިނާ ފޮރިން މިނިސްޓްރީގެ ތަރުޖަމާނު ހުއާ ޗުންޔިންގް ވިދާޅުވީ ޗައިނާގެ ބިމުގެ ސަރަހައްދަށް އިންޑިއާ ސިފައިން ވަދެފައިވާ ކަމަށެވެ. ނަމަވެސް އިންޑިއާ އިން އެކަން ދޮގުކުރި އެވެ.

ދެ ގައުމުގެ މީޑިއާ އިން ވެސް ރިޕޯޓުކޮށްފައިވާ ގޮތުގައި ބޯޑަރު ކައިރީގައި ޗައިނާ އާއި އިންޑިއާގެ ސިފައިން މިދިޔަ މަހު ހަމަލާ ބަދަލުކުރި އެވެ. ނަމަވެސް ދެ ގައުމުން ވެސް އެކަމާ ބެހޭ ގޮތުން ވަކި އެއްޗެއް ނުބުނެ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox