ހުޅުމާލެ ފޭސް ދޭއް ގެ ފުރަތަމަ ފިހާރަ ހުޅުވައިފި

އެޗްސީޔޫ މާޓް ފިހާރަ: މި ފިހާރަ ހުރީ ފޭސް ދޭއްގެ އެޗް-12 ޓަވަރުގެ ތިރީ ފުލޯގައި -- ފޮޓޯ: ހުސެއިން ސަޔާހު/އަދަދު

އެޗްސީޔޫ މާޓް ފިހާރަ: މި ފިހާރަ ހުރީ ފޭސް ދޭއްގެ އެޗް-12 ޓަވަރުގެ ތިރީ ފުލޯގައި -- ފޮޓޯ: ހުސެއިން ސަޔާހު/އަދަދު

ހުޅުމާލެ ފޭސް ދޭއްގައި ވިޔަފާރި ކުރެވޭނެ ނިޒާމެއް ނެތުމުގެ ޝަކުވާ އާއި ދަތި ބޮޑުވެފައި އޮއްވައި އެ ސަރަހައްދުގެ ފުރަތަމަ ފިހާރަ މިއަދު ހުޅުވައިފި އެވެ.

"އެޗްސީޔޫ މާޓް" ގެ ނަމުގައި ގޭގެ ބޭނުންތައް ފުއްދަން ބޭނުންވާ ސާމާނު ވިއްކާ މި ފިހާރަ ހުޅުވީ މިއަދު މެންދުރުފަހު 2:00 ޖެހިއިރެވެ. ފިހާރަ ހުރީ، ހިޔާ އެޗް-12 ޓަވަރުގެ ގްރައުންޑް ފުލޯގަ އެވެ. އެ ފިހާރަ ހިންގަނީ ރިސޯޓްތަކަށް ހައުސްހޯލްޑް މުދާ ސަޕްލައިކުރާ ކުންފުނި، ހޮޓެލްކެއާ އަންލިމިޓެޑް (އެޗްސީޔޫ) އިންނެވެ. މިއީ އެ ކުންފުނިން މާލެ ސަރަހައްދުގައި ހިންގާ މިފަދަ ފުރަތަމަ ފިހާރަވެސްމެ އެވެ.

"އަދަދު" އަށް މައުލޫމާތު ދެމުން، އެޗްސީޔޫގެ އެމްޑީ، ގައްޒާމް މުހައްމަދު ބުނީ، ފިހާރަ ހިންގާނީ ކުންފުނީގެ ސީދާ ބެލުމުގެ ދަށުން، ރިސޯޓުތަކުގައި އެމީހުން ހިނގާ އައުޓްލެޓް ތަކާ އެއް އުސޫލަކުން ކަމުން، ރައްޔިތުންނަށް ދަތި ނުވާ ގޮތަށް ސަޕްލައި ހިނގާނެ ކަމުގެ ޔަގީންކަން އެބައޮތް ކަމަށެވެ.

އެޗްސީޔޫ މާޓް ފިހާރަ ތެރެ
އެޗްސީޔޫ މާޓް ފިހާރަ ތެރެ

އެޗްސީޔޫ މާޓް ފިހާރަ ތެރެ. އަދަދު ފޮޓޯ / ހުސައިން ސަޔާހު

"މިހާރު ވެސް ރައްޔިތުން ވަރަށް ދަތީގަ ތިބީމަ، ސަޕްލައި އަކީ އަޅުގަނޑުމެން ވަރަށް އިސްކަމެއް ދޭ ކަމެއް. ދެން، މިހާރު މަސައްކަތް އެބަ ކުރަން އެހެން ޓަވަރުތަކުގައި ވެސް ހިދުމަތް ދެވޭގޮތް ވޭތޯ ބެލުމަށް. އެންމެ ފަހުން ހުޅުވާލި ފުރުސަތުގައި ވެސް ވާނީ ކުރިމަތިލާފަ. އަދި ލައްވާނުލައިގެން މި އުޅެނީ،" ގައްޒާމް ފާހަގަ ކުރި އެވެ.

އެ ފިހާރައިން ކެއްކުމުގައި ބޭނުންކުރާ ތަރުކާރީ އާއި ކުކުޅުން ފެށިގެން، ރީތިވާ ސާމާނާއި ގޭތެރެ އާއި ފާހާނާ ސާފުކުރަން ބޭނުންވާ ސާމާނު ވެސް ވިއްކަ އެވެ.

އެޗްސީޔޫ މާޓް ފިހާރައިގެ ތެރެ
އެޗްސީޔޫ މާޓް ފިހާރައިގެ ތެރެ

އެޗްސީޔޫ މާޓް ފިހާރައިގެ ތެރެ. އަދަދު ފޮޓޯ / ހުސައިން ސަޔާހު

ފޭސް ދޭކަށް އެތައް އާއިލާއެއް ބަދަލުވެ، އެތަނުގައި ދިރިއުޅެން ފެށިތާ މަހެއް ވެފައިވާ އިރު އާއިލާތަކަށް އެންމެ ބޮޑުވެފައި އޮތީ ކުންޏާއި ވިޔަފާރި ކުރާނެ ގޮތް ނެތުމުގެ މައްސަލަ އެވެ. މީގެ ތެރެއިން ކުނި ނެގުމަށް، އެޗްޑީސީ އިން މިހާރު ވަނީ ވަގުތީ ހައްލެއް ހޯދައިދީފަ އެވެ.

ވިޔަފާރިކުރާނެ ގޮތެއް ނެތިގެން، އަމިއްލަ ބައެއް ފަރާތްތަކުން ފިކަޕާއި ކާރާއި ވޭން ފަދަ ވެހިކަލް ތަކުގައި ގާޑިޔާ ސްޓައިލަށް އާންމުކޮށް ބޭނުންވާ ޒާތުގެ ބައެއް ސާމާނު މިހާރު ވެސް ވިއްކަ އެވެ. މިފަދަ ގިނަ ވެހިކަލް ތަކެއް މިހާރު އެ ސަރަހައްދުގައި ދުއްވަ އެވެ.

އެހެންކަމުން، މިއަދު އަލަށް ހުޅުވި މި ފިހާރައާ އެކު، ފޭސް ދޭއްގައި ވިޔަފާރި ކުރުމަށް ދިމާވެފައި އޮތް ދައްޗަށް ބޮޑު ފަސޭހައެއް ލިބިގެންދާނެ އެވެ.

ކޮމެންޓް

ފަހުގެ ޚަބަރު

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

Newsletter

Get the latest news delivered straight to your inbox