ސަސްޕެންޝަނުގައި ހުއްޓަސް މަހުލޫފު "މަސައްކަތުގައި"

ޔޫތު އެންޑް ސްޕޯޓްސް މިނިސްޓަރު މަހުލޫފު. --އަދަދު ފައިލް ފޮޓޯ

ޔޫތު އެންޑް ސްޕޯޓްސް މިނިސްޓަރު މަހުލޫފު. --އަދަދު ފައިލް ފޮޓޯ

އެމްއެމްޕީއާރްސީގެ ހިޔާނާތުގެ މައްސަލައާ ގުޅިގެން މިނިސްޓަރުކަމުން ސަސްޕެންޑްކޮށްފައި ހުއްޓަސް، މަސައްކަތްނުކުރާ އެންމެ ދުވަހެއް ވެސް ނުދާ ކަމަށާއި އޭނާ މަސައްކަތްނުކުރާ ނަމަ ވަރަށް ގިނަ ކަންކަން ބޮއްސުންލައިގެންދިޔައީސް ކަމަށް ޔޫތު އެންޑް ސްޕޯޓްސް މިނިސްޓަރު އަހުމަދު މަހުލޫފު ވިދާޅުވެއްޖެ އެވެ.

އެމްއެމްޕީއާރްސީގެ މައްސަލައިގައި މަހުލޫފުގެ މައްޗަށް ކޮރަޕްޝަނުގެ ދައުވާކޮށްދިނުމަށް އެދި އެންޓި ކޮރަޕްޝަން ކޮމިޝަން (އޭސީސީ) އިން ޕްރޮސިކިއުޓާ ޖެނަރަލްގެ އޮފީހަށް މިދިޔަ ޖޫން މަހުގެ ނުވަ ވަނަ ދުވަހު ފޮނުވި ހިސާބުން ފެށިގެން ރައީސް އިބްރާހިމް މުހައްމަދު ސޯލިހު ވަނީ މަހުލޫފު ވަޒީފާއިން ސަސްޕެންޑް ކުރައްވައިފަ އެވެ.

އެހިސާބުން ފެށިގެން މިނިސްޓްރީ ވަގުތީ ގޮތުން ހިންގަވަމުން ގެންދަވަނީ ޓޫރިޒަމް މިނިސްޓަރު އަބްދުﷲ މައުސޫމް އެވެ. މަހުލޫފާ މެދު ޕްރޮސިކިއުޓާ ޖެނަރަލްގެ އޮފީހުން ގޮތެއް ނުނިންމާތީ، މިނިސްޓްރީ އަށް ދާއިމީ ވަޒީރެއް ލެވޭނެ ގޮތެއް ނެތި އެ މިނިސްޓްރީގެ މަސައްކަތް ހުއްޓުމަކަށް އަތުވެދާނެކަމުގެ ކަންބޮޑުވުން ގިނަ ބަޔަކު އައީ ފާޅުކުރަމުންނެވެ.

Advertisement

ހާއްސަކޮށް އަންނަ މަހުގެ 1 ވަނަ ދުވަހު ދެކުނު އޭޝިއާގެ މައި ފުޓްބޯޅަ މުބާރާތް، ސާފް ޗެމްޕިއަންޝިޕް ރާއްޖޭގައި ފަށާއިރު މިނިސްޓްރީން ނިންމަން ޖެހޭ ގިނަ ކަންކަން ހުރުމުންނެވެ. އަނެއްކޮޅުން މިނިސްޓްރީގެ ސްޕޯޓްސް ބަޔާ ހަވާލުވެ ހުންނެވި ސްޓޭޓް މިނިސްޓަރު އަސްހަދު އަލީ (އަޑުބަރޭ) އެ މުބާރާތުގައި ވާދަކުރާ ގައުމީ ފުޓްބޯޅަ ޓީމުގައި ހިމެނޭތީ އޭނާގެ އެހީ ވެސް މިވަގުތު މިނިސްޓްރީގެ ހިންގުމަށް ނުލިބޭނެ އެވެ.

އަދި މަހުލޫފު ސަސްޕެންޝަނުގައި ހުންނެވި ނަމަވެސް ގަވާއިދުން މުސާރަ ލިބޭތީވެ، އޭނާއާ މެދު ގޮތެއް ނުނިމި އޮތުމަކީ ދައުލަތުގެ މާލިއްޔާ އަށް ދެވޭނެ ބުރައެއް ކަމަށް ވެސް އެއް ބަޔަކު ފާހަގަކުރެ އެވެ.

ރޭ "ރާއްޖެޓީވީ" ގައި ވާހަކަދައްކަވަމުން މަހުލޫފް ވިދާޅުވީ ސަސްޕެންޝަނުގައި ހުރެގެން ވިޔަސް، ލިބޭ މުސާރަ ހަލާލުވާ ވަރަށް މަސައްކަތްކުރައްވާ ކަމަށެވެ. އޭގެ ތަފްސީލް ދެމުން "އަދަދު" އާ މިއަދު ވާހަކަދައްކަވަމުން މަހުލޫފު ވިދާޅުވީ މިނިސްޓްރީގެ މަސައްކަތުގައި ރަސްމީކޮށް ހަރަކާތްތެރިނުވާ ކަމަށާއި އޮފީހަށް ވެސް ނުނުކުންނަ ކަމަށާއި އަދި ލިޔުމެއްގައި ސޮއިވެސް ނުކުރައްވާ ކަމަށެވެ. އެކަމަކު މިނިސްޓްރީގައި ދިމާވާ ކޮންމެ މައްސަލައެއްގައި މުވައްޒަފުން ގުޅަނީ އޭނާއަށް ކަމަށާއި އޭނާއާ ނުލާ މިނިސްޓްރީ ހިންގަން ދަތިވާ ކަމަށް މަހުލޫފް ވިދާޅުވި އެވެ.

"ސަސްޕެންޝަންގައި ހުއްޓަސް މިނިސްޓްރީގެ މަސައްކަތްތައް ނުކުރާ އެންމެ ދުވަހެއް ވެސް ނުދާނެ. އަޅުގަނޑު އެ މަސައްކަތް ނުކުރާ ނަމަ ވަރަށް ގިނަ ކަންކަން ބޮއްސުން ލައިގެން ދިޔައީސް. ކޮންމެ ކަމެއްގައިވެސް މިނިސްޓްރީން ގުޅަނީ އަޅުގަނޑަށް. މިކަންކަމުގައި އަޅުގަނޑު ނޫޅޭނަމަ މިނިސްޓްރީ ނުހިންގޭނެ. ގިނަ ކަންކަން ބޮއްސުންލާނެ،" މަހުލޫފް ވިދާޅުވި އެވެ.

މައްސަލާގައި ގޮތެއް ނުނިމި ލަސްވެފައިވުމުން މަހުލޫފް ވަނީ ޕްރޮސެކިއުޓާ ޖެނެރަލްއާ މެދު ހިތްހަމަނުޖުން ފާޅުކުރައްވައިފަ އެވެ. ރައީސް ވެސް ވަނީ މައްސަލަ ލަސްވުމަކީ އެންމެ ރަނގަޅު ގޮތް ނޫން ކަމަށާއި އަވަހަށް ގޮތެއް ނިންމަން ޖެހޭ ކަމަށް ވިދާޅުވެފަ އެވެ.

ޕްރޮސެކިއުޓާ ޖެނެރަލް ހުސެއިން ޝަމީމް ވިދާޅުވީ މަހުލޫފަށް ދައުވާ ކުރެވޭނީ ހިތްހަމަޖެހޭ މިންވަރަށް ހެކި ލިބިގެން ކަމަށާއި ފުލުހުންނާ އެކު އެކަމަށް މަސައްކަތްތަކެއް ކުރެވޭ ކަމަށެވެ. އެކަމަކު އިތުރު ހެކިތަކެއް ހޯދުމުގެ މަސައްކަތް ނުކުރާ ކަމަށް ފުލުހުން ވަނީ ބުނެފަ އެވެ. އެހެންވިޔަސް ޕްރޮސިކިއުޓާ ޖެނަރަލްގެ އެދުމުގެ މަތިން ތަހުގީގުގައި ކުރިން ވެސް ހޯދާފައިހުރި ބައެއް ހެކިތަކާ ގުޅޭ ބައެއް ކަންކަން އިތުރަށް ސާފުކޮށްދޭން އެދިފައިވާތީ އެކަން ކުރަމުން އަންނަ ކަމަށް ފުލުހުން ބުންޏެވެ.

ރިޔާސީ ކޮމިޝަން (ޕްރެޒިޑެންޝަލް ކޮމިޝަން އޮން ކޮރަޕްޝަން އެންޑް އެސެޓް ރިކަވަރީ) އާއި އެންޓި ކޮރަޕްޝަން ކޮމިޝަން ގުޅިގެން ހިންގި ތަހުގީގަށް ފަހު މަހްލޫފްގެ މައްޗަށް ދައުވާ އުފުލަން ފޮނުވުން މިދިޔަ ފެބުރުއަރީ މަހާ ހިސާބުން ފެށިގެން ފުލުސް އޮފީހުގައި މަޑުޖެހުނެވެ. ފަހުން މުއައްސަސާތަކަށް އެއްބަސްވެވުނީ އޭސީސީ މެދުވެރިކޮށް އެ މައްސަލަ ޕީޖީއަށް ފޮނުވުމަށެވެ.

މަހްލޫފްގެ މައްޗަށް ދައުވާކޮށްދޭން އެދި ޕީޖީއަށް ފޮނުވުމަށް ފަހު އޭސީސީން ނެރުނު ބަޔާނުގައި ބުނީ އެމްއެމްޕީއާރުސީގެ ފައިސާ އިން މަނީ ލޯންޑްރިން ހިންގި ކުންފުނި އެސްއޯއެފުން މަހްލޫފަށް ޖަމާކޮށްދިން 33000 ޑޮލަރަކީ ސިޔާސީ ގޮތުން ބޭނުންވި ވަކި މަގްސަދުތަކެއް ހާސިލްކުރުމުގެ މުގާބިލްގައި ދީފައިވާ ފައިސާއެއްކަން ތަހުގީގަށް އެނގިފައިވާ ކަމަށެވެ. އޭގެތެރޭގައި ރައްޔިތުންގެ މަޖިލީހުގެ މެމްބަރެއްގެ ގޮތުގައި ހުންނަވައި ސްޕްޝަލް އިކޮނޮމިކް ޒޯން (އެސްއީޒެޑް) ގެ ބިލަށް ވޯޓު ދިނުމާއި ޕީޕީއެމްގައި ދެމިހުރުމުގެ މުގާބިލްގައި ލިބިފައިވާ ފައިސާ ކަމަށް ވަނީ ތުހުމަތުކޮށްފަ އެވެ.

މި ތުހުމަތު މަހްލޫފް ދޮގު ކުރެއްވި އެވެ. އޭނާ ވިދާޅުވި ގޮތުގައި އެމްއެމްޕީއާރުސީ މައްސަލައިގައި ފެށުނީއްސުރެން އޭނާއާ މެދު އަމަލުކުރަމުން އައީ ޒާތީކޮށް ސިޔާސީ ގޮތުން ކަތިލާ ކަންބަޅިއެއްގެ ގޮތަށެވެ. އެކަން އެގޮތަށް ކުރަނީ ވެސް ސިޔާސީ ބަޔަކު އަޑީގައި ތިބެގެންކަން އެންމެ އިސްވެރިންނަށް އެނގިވަޑައިގަންނަވާ ކަމަށާއި ބޭނުމަކީ ހަމައެކަނި މަގާމުން ވަކިކުރުން ކަމަށް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox