އިންޑިއާގެ ދީނީ ފެސްޓިވަލްތަކަށް މީހުން އެއްވުން މަނާކޮށްފި

އިންޑިއާގެ މާރުކޭޓެއްގައި މީހުން. -- ފޮޓޯ: އޭއެފްޕީ

އިންޑިއާގެ މާރުކޭޓެއްގައި މީހުން. -- ފޮޓޯ: އޭއެފްޕީ

މުމްބާއީ، އިންޑިއާ (ސެޕްޓެމްބަރު 8) - ކޮވިޑުގެ އާ ރާޅެއް މުމްބާއީގައި ނަގާފައިވާތީވެ، މި ހަފުތާގައި ފަށަން ހަމަޖެހިފައިވާ އިންޑިއާގެ ދީނީ ފެސްޓިވަލްތަކާ ދިމާކޮށް ފިޔަވަޅު އަޅައިފި އެވެ.

އިންޑިއާގެ ސްޓޭޓް ސަރުކާރުތަކުން ނިންމާފައި ވަނީ ބޮޑެތި އެއްވުންތަކަށް ހުއްދަ ނުދިނުމަށެވެ. މިދިޔަ އޭޕްރިލް އަދި މޭ މަހު 1.3 ބިލިއަން މީހުން އުޅޭ އިންޑިއާއަށް އައި ރާޅުގައި ވަރަށް ބޮޑުވަރުވި އެވެ.

"ތިން ވަނަ ރާޅު އަންނަނީކީއެއް ނޫން. މިހާރު ވެސް މި އޮތީ އައިސްފައި،" މުމްބާއީގެ މޭޔަރު ކިޝޯރީ ޕެޑްނޭކަރް ނޫސްވެރިންނަށް ވިދާޅުވި އެވެ.

Advertisement

"ފެސްޓިވަލްތަކުގެ އުފާ ފާހުން ފާހަގަކުރެވިދާނެ. އެންމެ ފުރަތަމަ އިސްކަންދޭންވީ ރައްޔިތުންގެ ފުރާނަ އާއި ސިއްހަތަށް،" މުމްބާއީ ނިސްބަތްވާ މަހަރާޝްތްރަ ސްޓޭޓުގެ ޗީފް މިނިސްޓަރު އުއްދަވް ތަކެރޭ ވިދާޅުވި އެވެ.

ހިންދޫ ދީނުގެ މީހުން ފާހަގަކުރާ ގަނޭޝް ޗަޓުރްތީ ފެސްޓިވަލް ފަށަން ހަމަޖެހިފައި އޮތީ ހުކުރު ދުވަހު އެވެ. އެއީ 11 ދުވަހަށް ދެމިގެންދާ ބޮޑު ފެސްޓިވަލެކެވެ.

އެންމެ ފަހުން އިންޑިއާއަށް އައި ކޮވިޑުގެ ރާޅުގައި ހޮސްޕިޓަލްތަކަށް ބާރުބޮޑުވެ، 200،000 އަށް ވުރެ ގިނަ މީހުން މަރުވި އެވެ. އެ ރާޅު ކުރިމަތިވީ ހިންދޫ ދީނުގެ ކުމްބް މޭލާ ފެސްޓިވަލަށް 25 މިލިއަން މީހުން ޖަމާވި ފަހުންނެވެ.

ކުމްބް މޭލާގެ އިތުރުން އިންތިހާބަށް ބޮޑެތި ކެމްޕެއިން އެއްވެންތައް ބޭއްވުމާއި، ހަލުވިކަމާއެކު ފެތުރޭ ޑެލްޓާ ވޭރިއެންޓު އިންޑިއާއިން ފެނުމަކީ ވެސް އެ ފަހަރު ހާލަތު ގޯސްވި ސަބަބުތަކެވެ.

އޯގަސްޓު މަހު ކެރަލާގައި ބޭއްވި އޯނަމް ފެސްޓިވަލަށް ފަހު އެ ސްޓޭޓުގައި ކޭސްތައް އިތުރުވެފައި ވާތީ، އެއީ ވިސްނަން ޖެހޭ ކަމެއް ކަމަށް ކަމާ ބެހޭ ފަރާތްތަކުން ބުނެ އެވެ.

ނަމަވެސް އިންޒާރުތަކަށް ބެލުމެއް ނެތި، ދީނީ ފެސްޓިވަލްތަކަށް ތައްޔާރުވުމަށް ގިނަ ބަޔަކު އަންނަނީ މާރުކޭޓުތަކަށް ނިކުމެ ވިޔަފާރި ކުރަމުންނެވެ.

ހުކުރު ދުވަހު ފަށާ ފެސްޓިވަލަށް ޖަމާވެވޭނެ މީހުންގެ އަދަދު ލިމިޓު ކުރާނެ ކަމަށް މަހަރާޝްތްރަ ސްޓޭޓުން ބުނެ އެވެ. ފެސްޓިވަލްގެ ފުރަތަމަ އަދި ފަހު ދުވަހު މަގުމަތީގައި އާއްމުކޮށް އޮންނަ ޕެރޭޑު ވެސް މި އަހަރު މަނާވާނެ އެވެ.

މަހަރާޝްތްރަ ސްޓޭޓުގެ ނަގްޕޫރް ސިޓީގައި ވެސް ކޭސްތައް އިތުރުވަމުން ދާތީ އެ ތަނުގައި ފިޔަވަޅުތައް ވަރުގަދަ ކުރަން މިހާރު ދަނީ ވިސްނަމުންނެވެ.

ކަރްނާޓަކާ ސްޓޭޓުގައި ރޭގަނޑުގެ ކާފިއު ތަންފީޒު ކުރަމުން ދާއިރު، ކޭސްތައް ގިނައިން ފެންނަ ޑިސްޓްރިކްޓުތަކުގައި ގަނޭޝް ފެސްޓިވަލްގެ އެއްވެސް ހަރަކާތެއް ހިންގުން މަނާވާނެ އެވެ.

ކަރްނާޓަކާގެ ހެލްތު މިނިސްޓަރު ކޭ ސުދާކަރް އޭއެފްޕީ އަށް ވިދާޅުވީ ހައި ސްކޫލުތައް އަލުން ހުޅުވާފައި ވާތީ، އެއީ ވެސް ކަންބޮޑުވުން ހުރި ކަމެއް ކަމަށެވެ.

އުތުރުގެ ޓަމިލް ނާޑޫ ސްޓޭޓުން ފެސްޓިވަލްގެ އެއްވުންތައް މަނާކޮށްފައި ވާއިރު، އިރުމަތީ ވެސްޓް ބެންގޯލް ސްޓޭޓުން ވެސް ނިންމާފައި ވަނީ އަންނަ އޮކްޓޯބަރު މަހު ނުވަ ދުވަހަށް ކުރިއަށް ގެންދާ ދުރްގާ ޕޫޖާއާ ދިމާކޮށް ފިޔަވަޅުތައް ވަރުގަދަ ކުރުމަށެވެ.

އިންޑިއާގައި މިހާތަނަށް 33 މިލިއަން ޕޮޒިޓިވް ކޭސް ފެނިފައި ވާއިރު، 441،000 މީހުން މަރުވެފައި ވެ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox