ކަޝްމީރު އެކްޓިވިސްޓުގެ ޖަނާޒާގެ ވީޑިއޯ ފެނި އާއްމުން ރުޅި އަތުވެއްޖެ

ކަޝްމީރުގައި ހަމަނުޖެހުން ބޮޑުވެފައި.

ކަޝްމީރުގައި ހަމަނުޖެހުން ބޮޑުވެފައި.

ސްރީނަގަރް، އިންޑިއާ (ސެޕްޓެމްބަރު 8) - މިދިޔަ ހަފުތާގައި މަރުވި ކަޝްމީރުގެ އެކްޓިވިސްޓުގެ ޖަނާޒާގެ ވީޑިއޯ ފެނި އާއްމުން އިތުރަށް ރުޅިގަދަވެއްޖެ އެވެ.

އުމުރުން 92 އަހަރުގައި މަރުވި ސަޔިދު އަލީ ގީލަނީގެ ހަށިގަނޑު ފުލުހުން ވަނީ ދަންވަރުގެ ވަގުތުގައި ގެންގޮސް، އާއިލާ ބައިވެރި ކުރުމެއް ނެތި ޖަނާޒާ ނިންމާލާފަ އެވެ.

އެ މައްސަލާގައި މިދިޔަ ހަފުތާއިން ފެށިގެން އިންޑިއާއިން ކޮންޓްރޯލް ކުރާ ކަޝްމީރު ސަރަހައްދުގައި ހަމަނުޖެހުން ބޮޑުވެ، ސިފައިން ދަނީ ފޯރިމަރަމުންނެވެ.

Advertisement

އާއިލާ ބައިވެރި ކުރުމެއް ނެތި ޖަނާޒާ ނިންމާލި ކަމަށް ކުރާ ތުހުމަތުތައް ފުލުހުން ދޮގުކުރެ އެވެ. ނަމަވެސް ފުލުހުން ވަނީ ޖަނާޒާ ކުރިއަށް ދިޔަ ގޮތް ފެންނަ ވީޑިއޯއެއް ސޯޝަލް މީޑިއާގައި ޕޯސްޓުކޮށްފަ އެވެ.

ވީޑިއޯ ފެނުމުން އާއްމުން އިތުރަށް ރުޅިގަދަވެފައި ވާއިރު، ސްރީނަގަރްގައި ގީލަނީގެ ހަށިގަނޑު ވަޅުލާފައި އޮތް ހިސާބަށް އެއްވެސް މީހަކަށް ނުދެވޭނެހެން ސިފައިން ދަނީ ސެކިއުރިޓީ ބަލަހައްޓަމުންނެވެ.

އިސްލާމީ ޝަރީއަތާ ގުޅޭ ތަޖުރިބާކާރު ކަޝްމީރުގެ މުފްތީ ނާސިރުލް އިސްލާމް އޭއެފްޕީ އަށް ވިދާޅުވީ ފުލުހުން ހިންގީ "އިސްލާމްދީނާ ހިލާފު އަމަލެއް" ކަމަށެވެ.

އެގޮތުން އިސްލާމްދީނުގައި ކޮންމެ މީހެއްގެ ގަބުރާ މެދު ވެސް އަމަލު ކުރަން އޮންނަނީ އިހުތިރާމާއެކު ކަމަށާއި އެއީ މަރަން ހުކުމްކޮށްފައިވާ މުޖުރިމެއް ނަމަވެސް އިހްތިރާމް ކުރަން ޖެހޭނެ ކަމަށް ވިދާޅުވި އެވެ.

"ގީލަނީގެ އާއިލާއަށް އެ ލިބުނީ އިތުރު ހިތާމައެއް. ކަޝްމީރުގެ ރައްޔިތުންނަށް ވެސް ލިބުނީ އިތުރު ހިތާމައެއް. މިކަން ކުރި ފުލުހުން މައާފަށް އެދެން ޖެހޭނެ،" އޭނާ ވިދާޅުވި އެވެ.

ފުލުހުން އާއްމު ކުރި ވީޑިއޯއިން ފެންނަނީ ގީލަނީގެ ހަށިގަނޑު ހިނަވައި، ކަފުންކޮށް، ހުދު ފޮތިގަނޑަކުން ނިވާކުރާ މަންޒަރެވެ. އޭގެ ކުރިން ގީލަނީގެ ހަށިގަނޑު ގަދަކަމުން ގެންދާ މަންޒަރު ފެންނަ ވީޑިއޯއެއް ވެސް ސޯޝަލް މީޑިއާގައި ދައުރުވި އެވެ.

ގެއިން ގަދަކަމުން ނެރިގެން އާއިލާގެ ނުރުހުމުގައި ގީލަނީގެ ހަށިގަނޑު ގެންދިޔައިރު، ޕާކިސްތާނުގެ ދިދަޔަކުން ހަށިގަނޑު އޮތީ ނިވާކޮށްފަ އެވެ.

ސަލާމަތީ ފައުޖުތަކުން ނެރުނު ބަޔާނެއްގައި ބުނީ އަވަސް ޖަނާޒާއެއް ބާއްވަން ގީލަނީގެ ދަރިން ފުރަތަމަ އެއްބަސްވުމަށް ފަހު "ޕާކިސްތާނުގެ ޕްރެޝަރާ ހެދި ގައުމާ ދެކޮޅު ހަރަކާތް ހިންގި" ކަމަށެވެ.

އޭގެ އިތުރުން ގީލަނީގެ ހަށިގަނޑު ގަބުރުސްތާނަށް ގެންދިޔެއީ އާއިލާގެ ބައެއް މެމްބަރުން ކަމަށާއި ޖަނާޒާގެ ކަންކަމުގައި ވެސް އެ މީހުން ބައިވެރިވި ކަމަށް ބުންޏެވެ. ނަމަވެސް އެއީ އާއިލާގެ ކޮން ބަޔެއް ކަމެއް ހާމައެއް ނުކުރެ އެވެ.

ގީލަނީގެ މަރަށް ފަހު, ކަޝްމީރުގައި އަޅާފައިވާ ހަރުކަށި ފިޔަވަޅުތަކަށް އާދީއްތަ ދުވަހު ވަނީ ލުއި ދީފަ އެވެ. އިންޓަނެޓާއި މޮބައިލް ފޯނުގެ ހިދުމަތް ވެސް މިހާރު ކޮންމެވެސް ވަރަކަށް ލިބެ އެވެ.

އިންޑިއާ އާއި ޕާކިސްތާނުން ދައުވާ ކުރާ ކަޝްމީރު 1947 ވަނަ އަހަރުން ފެށިގެން އޮންނަނީ ދެ ފަޅިކޮށްފަ އެވެ.

އިންޑިއާ އިން ކޮންޓްރޯލް ކުރާ ފަޅީގައި ދިރިއުޅުނު ގީލަނީ ގޭ ބަންދުގައި ހުންނަތާ 11 އަހަރުވެއްޖެ އެވެ. ފާއިތުވި ދުވަސްތަކުގައި އޭނާގެ ސިއްހީ ހާލަތު ދިޔައީ ގޯސްވަމުންނެވެ.

ގީލަނީ އަކީ 1960 ގެ އަހަރުތަކުން ފެށިގެން ކަޝްމީރުގައި އިންޑިއާގެ ބާރު ހިންގުމާ ދެކޮޅަށް ތެދުވި މީހެކެވެ. އޭނާ މަސައްކަތް ކުރީ މުޅި ކަޝްމީރަކީ ޕާކިސްތާނުގެ ބަޔެއްގެ ގޮތުގައި ހެދުމަށެވެ.

ކަޝްމީރުގެ ގާނޫނު ހަދާ މަޖިލީހުގެ މެމްބަރެއްގެ ގޮތުގައި ހުރެ ވެސް، އޭނާ އެކަމަށް ބާރު އެޅި އެވެ. ނަވާރަ ސަތޭކަ ފަސްދޮޅަސް ދެ ވަނަ އަހަރު އޭނާ އަށް 10 އަހަރުގެ ޖަލު ހުކުމެއް އިއްވި އެވެ. އޭގެ ފަހުން ވެސް ގިނަ އަހަރުތަކެއް ހޭދަކުރީ ގޭ ބަންދުގަ އެވެ.

ޒުވާން އުމުރުން ފެށިގެން ގީލަނީ އަކީ ޖަމާއަތީ އިސްލާމީގެ މެމްބަރެކެވެ. އެ ޖަމާއަތަކީ އިންޑިއާ އިން ކޮންޓްރޯލް ކުރާ ކަޝްމީރުގައި އޮތް އެންމެ ބޮޑު ސިޔާސީ އަދި ދީނީ ގްރޫޕެވެ. ބޮޑު ވަޒީރު ނަރެންދްރަ މޯދީގެ ސަރުކާރުން ވަނީ އެ ޖަމާއަތް ހިންގުން މަނާކޮށްފަ އެވެ.

ކަޝްމީރު މައްސަލާގައި އިންޑިއާ އާއި ޕާކިސްތާނުން ދެ ފަހަރު ހަނގުރާމަ ކުރި އެވެ. ގީލަނީގެ މަރާ ގުޅިގެން ބުރާސްފަތި ދުވަހު ޕާކިސްތާނުގައި ވަނީ ގައުމީ ހިތާމަ ފާޅުކުރުމުގެ ދުވަހެއް ފާހަގަކޮށްފަ އެވެ.

އޭގެ އިތުރުން ޕާކިސްތާނާއި ތުރުކީގައި ވެސް ގީލަނީގެ ގައިބުގައި ކަށު ނަމާދުކޮށްފައި ވެ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox