އެމްއެމްޕީއާރްސީ ތަހުގީގު ހެޑްގެ ޝަރީއަތް: "އަދީބު އަދާވާތްތެރިވާނެ"

އާޒިމް މިއަދުގެ އަޑުއެހުމުގައި: އަދީބާއި ޒިޔަތު ހެކީގެ ގޮތުގައި ބަލައިނުގަތުމަށް ވަނީ އެދިފައި --

އާޒިމް މިއަދުގެ އަޑުއެހުމުގައި: އަދީބާއި ޒިޔަތު ހެކީގެ ގޮތުގައި ބަލައިނުގަތުމަށް ވަނީ އެދިފައި --

އެމްއެމްޕީއާރްސީގެ ބޮޑު ހިޔާނާތުގެ މައްސަލަ އެންމެ ފުރަތަމަ ތަހުގީގު ކުރުމަށް އެންޓި ކޮރަޕްޝަން ކޮމިޝަން (އޭސީސީ)ގެ ފަރާތުން ހަރަކާތްތެރިވި ޓީމް ލީޑް ކުރި އަބްދުالله އާޒިމްގެ މައްޗަށް އުފުލާފައިވާ ދައުވާތަކުގެ ރުކުންތައް ހަމަނުވާ ކަމަށް ބުނެ އެ ދައުވާތައް ބާތިލްކޮށްދިނުމަށް މިއަދު އެދިއްޖެ އެވެ.

އިންވެސްޓިގޭޝަން އޮފިސަރެއްގެ މަގާމުގައި ކުރިން މަސައްކަތް ކުރި އާޒިމްގެ މައްޗަށް އޭސީސީ އާއި ރިޔާސީ ކޮމިޝަން އަދި ފުލުހުން ގުޅިގެން ހިންގި ތަހުގީގަށްފަހު އުފުލީ މަނީލޯންޑްރިންގެ ދެ ދައުވާއަކާއި ރިޝްވަތު ހިފުމުގެ ދެ ދައުވާއެކެވެ.

މި ދައުވާތައް އޭނާގެ މައްޗަށް ކުރަނީ ދައުލަތުން ތުހުމަތު ކުރާ ގޮތުގައި, ހިޔާނާތުގެ އެންމެ ބޮޑު ތުހުމަތުވާ ކުރީގެ ނައިބު ރައީސް އަހުމަދު އަދީބާއި އެމްއެމްޕީއާރްސީގެ ކުރީގެ އެމްޑީ އަބްދުالله ޒިޔަތުގެ މަސްލަހަތު ހިމެނޭ މައްސަލަތަކުގެ ތަހުގީގު ކުރިއަށްދާ ގޮތް ހިއްސާކޮށް ސިއްރު މައުލޫމާތުދީ, ރިޝްވަތު ނަގާފައިވާތީ އެވެ.

އެގޮތުން, ދައުވާގައިވާ ގޮތުން އަދީބު މެދުވެރިކޮށް އެސްއޯއެފްއިން އާޒިމް ވަނީ ރިޝްވަތުގެ ގޮތުގައި 50,000 ޑޮލަރު ނަގާފަ އެވެ. އަދި, އެ ފައިސާ އާޒިމްގެ ކޮއްކޮއެއްގެ އެކައުންޓަށް ޖަމާކޮށް އެ ފައިސާއަކީ ޑޮލަރު ގަތުމުގެ މުއާމަލާތެއްގެ ގޮތުގައި ދެއްކުމަށް މަސައްކަތްކޮށްފައިވާ ކަމަށެވެ.

އެ ދައުވާ އާއި ތުހުމަތުތަކަށް އާޒިމް ވަނީ ޝަރީއަތުގައި އިންކާރުކޮށްފަ އެވެ. އެހެންވެ, ދައުލަތުން އޭނާގެ މައްޗަށް ހެކި ވެސް ހުށަހަޅާފައިވެ އެވެ. ހެކިންގެ ތެރޭ އަދީބާއި ޒިޔަތު ވެސް ހިމެނެ އެވެ.

މައްސަލާގައި މިއަދު ބޭއްވި އަޑުއެހުމުގައި ޝަރީއަތް ފެށުމުގެ ކުރިން ހުށަހަޅާ ހުށަހެޅުންތަކާ ގުޅޭ ގޮތުން އާޒިމްގެ ވަކީލުން ވަނީ ވާހަކަ ދައްކަވާފަ އެވެ. އެގޮތުން, ވަކީލުން އެންމެ މުހިންމު ކަމެއްގެ ގޮތުގައި ފާހަގަ ކުރީ އާޒިމްގެ މައްޗަށް ކުށެއް ސާބިތުކުރުމުގެ މަގުސަދުގައި ތަހުގީގު ހިންގާފައިވުމެވެ.

"އާޒިމްގެ މައްޗަށް ތަހުގީގު ހިންގާފައިވަނީ އޭނާގެ މައްޗަށް ކުށް ސާބިތު ކުރެވޭނެ ގޮތް ހޯދުމަށް, ކަމުގެ ހަގީގަތް ހޯދާކަށް ނޫން," އާޒިމްގެ ވަކީލް ވިދާޅުވި އެވެ.

އޭނާ ވިދާޅުވި ގޮތުގައި, ރައީސް އިބްރާހިމް މުހައްމަދު ސޯލިހު އުފެއްދެވި ރިޔާސީ ކޮމިޝަނުގެ ކުރިން މި މައްސަލައަކީ އޭސީސީން ބަލައި, މައްސަލައެއް ނެތް ކަމަށް ނިންމައިފަ އެވެ. އޭގެފަހުން ކޮމިޝަނުން މައްސަލަ އަލުން ބަލައި, ދައުވާ ކުރަން ޕްރޮސިކިއުޓާ ޖެނަރަލްގެ އޮފީހަށް ފޮނުވާފައިވަނީ ގާނޫނުގައި ބުނާ އިޖުރާއަތާ ހިލާފަށް ކަމަށް ވެސް ވަކީލް ފާހަގަ ކުރެއްވި އެވެ.

އެގޮތުން, ރިޔާސީ ކޮމިޝަނުން މައްސަލައެއްގައި ދައުވާ ކުރަން ފޮނުވާފައިވާނަމަ, ރައީސްގެ ލަފާ ހޯދަން ޖެހޭނެ ކަމަށް ގާނޫނުގައި ބުނާއިރު އެ އިޖުރާއަތް ފުރިހަމަކޮށްފައިވާ ނުވާ ކަމަށެވެ. އެހެންކަމުން އިޖުރާއަތާ ހިލާފަށް ކުރިއަށް ގެންގޮސްފައިވާ އޮތް މައްސަލައެއްގައި ދައުވާ ކުރެވިގެން ނުވާނެ ކަމަށް ވަކީލް ވިދާޅުވި އެވެ.

ދެން އާޒިމްގެ ފަރާތުން ސުވާލު އުފެއްދީ ހުށަހަޅާފައިވާ ހެކިތަކަށެވެ. ބައެއް ހެކިތައް ބަލައިނުގަތުމަށް ޝަރީއަތް ފެށުމުގެ ކުރިން ހުށަހެޅި އެވެ. އެގޮތުން, ބައެއް ތަހުލީލީ ރިޕޯޓްތަކާއި އަދީބާއި ޒިޔަތު އަދި އެސްއޯއެފްގެ އައްލާމްގެ ހެކިބަސް ބަލައިނުގަތުމަށް އެދުނެވެ.

ވަކީލް ވިދާޅުވި ގޮތުގައި, އަދީބާއި ޒިޔަތާ ދެކޮޅަށް އާޒިމް އިސްކޮށް ހުރެ ހިންގި ތަހުގީގަކަށްފަހު ދައުވާކޮށްފައިވުމަކީ އެ ދެ މީހުންގެ އަދާވާތްތެރިކަން އާޒިމްގެ މައްޗަށް އޮންނާނެ ކަމެއް ކަމަށެވެ. އަދި, އެމީހުންނަކީ ކުށް ސާބިތުވެ ތިބި ފާސިގުންކަން ވެސް ފާހަގަ ކުރެއްވި އެވެ. އެހެންވެ މައްސަލާގައި އެ ދެ މީހުންގެ ހެކި ބަހަކީ ރިއާޔަތް ކުރެވިގެންވާނެ އެއްޗެއް ނޫން ކަމަށް ވަކީލް ވިދާޅުވި އެވެ.

ވަކީލް ވިދާޅުވި ގޮތުގައި އެސްއޯއެފްގެ އައްލާމް ތަހުގީގަށް ކުރިން ދީފައި އޮތް ބަޔާން ފަހުން ބަދަލުކޮށް އާޒިމްގެ މައްޗަށް ދައުވާ ސާބިތު ކުރެވޭނެ ގޮތަށް އެ ބަދަލުކޮށްފައިވެ އެވެ. އެހެންވެ, އެ ބަޔާނަކީ ވެސް ސައްހަ އެއްޗަކަށް ނުވާނެ ކަމަށް ފާހަގަ ކުރެއްވި އެވެ.

އާޒިމްގެ ފަރާތުން ވަކީލް ފާހަގަ ކުރައްވާ ގޮތުގައި, އޭނާގެ މައްޗަށް އުފުލާފައިވާ ހަތަރު ދައުވާ ވެސް ކޮށްފައިވަނީ ބާތިލް ކަންތައްތަކެއްގެ މައްޗަށެވެ. އަދި, އެ ދައުވާގެ މާއްދީ އަދި މައުނަވީ ރުކުންތައް ވެސް ހަމަ ނުވެ އެވެ. އެހެންވެ, މައްސަލައަކީ މައުޟުއީ ގޮތުން ކުރިއަށް ނުގެންދެވޭނެ ދައުވާއެއް ކަމަށް ނިންމަވައިދެއްވުމަށް މައްސަލަ ބައްލަވާ ގާޒީ ހުސެއިން ފާއިޒްގެ ކިބައިން އެދުނެވެ.

އަޑުއެހުން އެއް ގަޑިއިރަށްވުރެ ދިގުލައިގެން ދިޔުމުން އެހާ ހިސާބުން ވަނީ އަޑުއެހުން ނިންމާލާފަ އެވެ. އަދި, އާޒިމްގެ ފަރާތުން ދެއްކި ވާހަކަތަކަށް ދައުލަތުގެ ފަރާތުން ރައްދު ދިނުމަށް ދެން ބާއްވާ އަޑުއެހުމަކަށް ޝެޑިއުލްކުރި އެވެ.

އެމްއެމްޕީއާރްސީ ކޮރަޕްޝަންގެ މައްސަލާގައި ކުށަށް އިއުތިރާފުވެ, އަދީބާއި ޒިޔަތު ވަނީ ދައުލަތާއެކު އެއްބަސްވުމެއް ހަދާފަ އެވެ. އަދި, އެ އެއްބަސްވުމުގެ ދަށުން ދައުލަތަށް ކޮރަޕްޝަނާ ގުޅޭ ހެކިތައް ގެންދަނީ ފޯރުކޮށްދެމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox