ދައުލަތުގެ މުދާ ކުއްޔަށް ދީގެން 81 ބިލިއަން ޑޮލަރު ހޯދަން އިންޑިއާ އިން މަސައްކަތް ކުރަނީ

އިންޑިއާގެ ރޭލު ސްޓޭޝަނެއްގައި މީހުންގެ ހުން ޗެކް ކުރަނީ.

އިންޑިއާގެ ރޭލު ސްޓޭޝަނެއްގައި މީހުންގެ ހުން ޗެކް ކުރަނީ.

ނިއު ދިއްލީ، އިންޑިއާ (އޯގަސްޓް 24) - ދައުލަތުގެ މުދާ ޕްރައިވެޓް ސެކްޓަރަށް ކުއްޔަށް ދޫކޮށްގެން 81 ބިލިއަން ޑޮލަރު ހޯދަން އިންޑިއާ ސަރުކާރުން ނިންމައިފި އެވެ.

ކޮވިޑް ބަލިމަޑުކަމާ ހެދި އިންޑިއާ އަށް ވަނީ މާލީ ގޮންޖެހުންތަކާ ކުރިމަތިވެފަ އެވެ. ލޮކްޑައުން ކުރަން ޖެހުމުގެ ސަބަބުން ބަޖެޓު ޑެފިސިޓް ބޮޑުވެ އެތައް މިލިއަން ބަޔަކު ވަނީ ފަގީރުކަމަށް ވެއްޓިފަ އެވެ.

ޕްރައިވެޓް ކުންފުނިތަކަށް ދިގު މުއްދަތަށް ކުއްޔަށް ދޭން ނިންމާފައި ވަނީ 26،000 ކިލޯމީޓަރުގެ މަގާއި، ކަރަންޓު ފޯރުކޮށްދޭ ލައިންތަކާއި، ހައިޑްރޯ އިލެކްޓްރިކް އަދި ސޯލާ ހަކަތައާ ގުޅޭ މުދަލާއި، ފޯން ނެޓްވޯކްތަކާއި، 15،000 ޓެލެކޮމް ޓަވަރެވެ.

އޭގެ އިތުރުން 8،000 ކިލޯމީޓަރުގެ ގުދުރަތީ ގޭސް ޕައިޕްލައިނާއި، 15 ރޭލު ސްޓޭޝަނާއި ރޭލުވޭ ލައިންތަކާއި، 25 އެއާޕޯޓާއި، ގިނަ އަދަދެއްގެ ސްޓޭޑިއަމްތައް ވެސް ކުއްޔަށް ދޫކުރާނެ އެވެ.

އެކަން އިއުލާނު ކުރީ ހޯމަ ދުވަހު އާއްމު ކުރި، ހަތަރު އަހަރު ދުވަހަށް ހިންގަން ހަމަޖެހިފައިވާ ނޭޝަނަލް މޮޑަނައިޒޭޝަން ޕައިޕްލައިން ޕްރޮޖެކްޓުގެ ދަށުންނެވެ.

"މުދަލުގެ ވެރި ފަރާތަކީ ސަރުކާރު އަދި ވަގުތު އައިސް ޖެހުމުން އަލުން އަނބުރާ ދައުލަތަށް ރައްދު ކުރަން ޖެހޭނެ،" ފިނޭންސް މިނިސްޓަރު ނިރްމަލާ ސިތަރަމަން ވިދާޅުވި އެވެ.

"މި ކަމުގެ ތެރެއަށް އަމިއްލަ ފަރާތްތައް ގެނައުމުން އޭގެން ލިބޭ މާލީ ފައިދާ ބޮޑުވެ، އިންފްރާސްޓްރަކްޗާ ބިނާ ކުރުމުގައި އިތުރު އިންވެސްޓްމަންޓް ޔަގީންވާނެ."

އެ ތަންތަން ކުއްޔަށް ދީގެން ލިބޭ ފައިސާ ސަރުކާރުން ހޭދަ ކުރާނީ މާލީ ގޮންޖެހުންތައް ހައްލު ކުރުމަށާއި އާ މަޝްރޫއުތައް ފެށުމަށެވެ.

ސަރުކާރުގެ ނިންމުމަށް އިދިކޮޅުން ވަނީ ފާޑުކިޔާފަ އެވެ. ކޮންގްރެސް ޕާޓީގެ ލީޑަރު ރާހުލް ގާންދީ ވިދާޅުވީ 70 އަހަރު ހޭދަކޮށްގެން ބިނާކުރި މުދާ ހިޔާނާތްތެރިންނަށް ހަދިޔާކުރަމުންދާ ކަމަށެވެ.

"އިންޑިއާގެ މުސްތަގްބަލް ވިއްކާލަނީ،" އޭނާ ވިދާޅުވި އެވެ.

މީގެ ކުރިން ބޮޑު ވަޒީރު ނަރެންދްރަ މޯދީ ވަނީ ބައެއް ބޮޑެތި ކުންފުނިތައް ޕްރައިވެޓައިޒް ކޮށްގެން އެތައް ބިލިއަން ޑޮލަރެއް ހޯދާނެ ކަމަށް ވެސް ވިދާޅުވެފަ އެވެ. އެގޮތުން އެއާ އިންޑިއާ އާއި ބާރަތް ޕެޓްރޯލިއަމް އެ ކުންފުނިތަކުގެ ތެރޭގައި ހިމެނެ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox