"އަދަދު" ގެ ތާރީހު ޑޮކިއުމެންޓްރީ "ސައްބީސް" ޕްރިމިއާކޮށްފި

Jul 27, 2021, 6:45 AM
"ސައްބީސް" ގެ ޔޫޓިއުބް ލިންކް.

"ސައްބީސް" ގެ ޔޫޓިއުބް ލިންކް.

ދިވެހިރާއްޖޭގެ މިނިވަންކަން ގެއްލުނު ގޮތާއި އަނބުރާ ލިބުނުގެ ގޮތުގެ މައްޗަށް، "އަދަދު" އިން ތައްޔާރުކުރި ތާރީހު ޑޮކިއުމެންޓްރީ "ސައްބީސް" މިއަދު ހެނދުނު ޕްރިމިއާކޮށްފި އެވެ.

އިއްޔެ ފާހަގަކުރި ރާއްޖޭގެ މި އަހަރުގެ މިނިވަން ދުވަހުގެ މުނާސަބަތުގައި، "އަދަދު" ގެ ވިޝުއަލް އެޑިޓަރު އަބްދުﷲ ޝަފީއު (އަބޯ) ޑައިރެކްޓްކޮށް އުފެއްދި މި ޑޮކިއުމެންޓްރީ "އަދަދު" ގެ ޔޫޓިއުބް ޗެނަލުންނާއި ފޭސްބުކް ޕޭޖުން މިހާރު ބަލާލެވޭނެ އެވެ.

މި ޑޮކިއުމެންޓްރީގައި ދައްކުވައިދެނީ 1830 ގެ އަހަރުތަކުގައި އައްސުލްތާން މުހައްމަދު އިމާދުއްދީން ހަތަރެއް (މުސްކުޅި ބަންޑާރައިން) ގެ ރަސްކަމުގައި، ރާއްޖޭގެ ޗާޓު ކުރެހުމަށް އިނގިރޭސި ކެޕްޓަނެއް ކަމަށްވާ ރޮބަޓް މޮރަސްބީ އައި ހިސާބުން ފެށިގެން، 1965 ވަނަ އަހަރު ސުމުއްވުލްއަމީރު އިބްރާހިމް ނާސިރު ރަންނަބަނޑޭރިކިލެގެފާނުގެ ބޮޑުވަޒީރުކަމުގައި، ރާއްޖެ އަށް މިނިވަންކަން ލިބުމާ ހަމަޔަށް ހިނގި، ރާއްޖޭގެ ކޮންޓެމްޕަރަރީ ތާރީހުގެ ހާދިސާތަކެވެ.

އެ ދެމެދުން އަތިރީގެ އާއި ކަކާގޭގެ މެދުގައި ހިނގައިދިޔަ ސިޔާސީ ވާދަވެރިކަމާއި ރާއްޖެ އަށް ވޯރާ ވިޔަފާރިވެރިން އައުމާއި ބޮޑުހުޅުގެ ހާދިސާ އާއި އިނގިރޭސިންގެ ހިމާޔަތުގެ ދަށަށް ދިއުމުގެ ވާހަކަތައް ތަފްސީލީ ގޮތެއްގައި ގެނެސްފައިވާނެ އެވެ. އަދި މުހައްމަދު އަމީނުގެ ދައުރުގައި ރާއްޖެ އަށް ދާހިލީ މިނިވަންކަން ލިބުނު ވާހަކަ އާއި އިބްރާހިމް ފާމުލަދޭރިކިލެގެފާނުގެ ބޮޑުވަޒީރުކަމުގައި އައްޑޫ ގަން އިނގިރޭސިންނަށް 100 އަހަރަށް ދިން ވާހަކަ ވެސް ހިމެނެ އެވެ. އެއާ ވިދިގެން ހިނގައިދިޔަ ދެކުނުގެ ބަގާވަތުގެ ވާހަކައިން ފެށިގެން، މިނިވަންކަން ހޯދަން ކުރި މަސައްކަތް މި ޑޮކިއުމެންޓްރީން ފެންނާނެ އެވެ.

"އަދަދު" ގެ ސީއީއޯ ހުސެއިން ފިޔާޒް މޫސާ ވިދާޅުވީ މި ޑޮކިއުމެންޓްރީގެ ބޭނުމަކީ، ތާރީހަށް އެކަށޭނެ ޖާގައެއް ނެތް މިފަދަ ޒަމާނެއްގައި، ޒުވާނުން ޝައުގުވެރިވާނެ ފަދަ މީޑިއަމަކުން ރާއްޖޭގެ ތާރީހު، ތާރީހު ދިރާސާކުރައްވާ މީހުންގެ ޕާސްޕެކްޓިވުން ކިޔައިދީ ތާރީހަށް ޒުވާނުން ހިތްޖައްސުވުން ކަމަށެވެ.

"މިނިވަންކަން ގެއްލުނު ގޮތަކީ އެކަމުން އިބުރަތް ހާސިލްކުރަން ޖެހޭ ކަމެއް. އަދި މިނިވަންކަން ހޯދުމަށް މަސައްކަތްކުރެއްވި ބޭފުޅުންގެ މަސައްކަތުން ހިތްވަރު ހޯދަން ޖެހޭ. މި ޑޮކިއުމެންޓްރީގެ މަގުސަދަކީ، ތާރީހުން ފިލާވަޅުތަކެއް ކިޔައިދިނުން،" ފިޔާޒް ވިދާޅުވި އެވެ.

"އަދަދުގެ ޓީމުން މިވަނީ ވަރަށް ބުރަ މަސައްކަތެއް، ވަރަށް ފުރިހަމައަށް ކޮށްފައި. މިއީ ފެށުމެއް. އިރާދަކުރެއްވިއްޔާ މިފަދަ އިތުރު ރީތީ މަސައްކަތްތަކެއް އަދަދުން އިން ގެނެސްދޭނެ."

މި ޑޮކިއުމެންޓްރީގައި ތާރީހުގެ ވާހަކަތައް ކިޔައިދީފައިވަނީ މިނިސްޓްރީ އޮފް އާޓްސް، ކަލްޗާ އެންޑް ހެރިޖޭޓުގެ ދެ ރިސާޗް އެނަލިސްޓުން ކަމަށްވާ އަހުމަދު އަލާ ދީދީ އާއި މުހައްމަދު ނާޖިހު ދީދީ އަދި މޯލްޑިވްސް ނެޝަނަލް ޑިފެންސް ފޯސްގެ ކޮމާންޑް ސާޖަންޓް މޭޖަރު އަބްދުﷲ ސައީދު އެވެ. ތިން ބޭފުޅުން ވެސް އަންނަނީ ދިވެހި ތާރީހު ފުޅާ ދާއިރާއެއްގައި ދިރާސާކުރައްވަމުންނެވެ.

"އަދަދު" ގެ މެނޭޖިން އެޑިޓަރު މުހައްމަދު ހަމްދޫން ލިޔުނު ސްކްރިޕްޓަށް ކުރީގެ ނޫސްވެރިޔާ އަބްދުﷲ މުހައްމަދު (އަބޯ) ނެރޭޓްކޮށްފައިވާ މި ޑޮކިއުމެންޓްރީގައި އެ ޒަމާނުގެ މަންޒަރުތައް ދައްކުވައިދީފައިވަނީ ތަދު ވީޑިއޯތަކާއި ފޮޓޯތަކުންނެވެ. އޭގެ ތެރޭގައި ބޮޑުވަޒީރު ފާމުލަދޭރިކިލެގެފާނު 1950 ގެ އަހަރުތަކުގައި އައްޑޫއަށް ވަޑައިގެން އުޅުއްވާ ވީޑިއޯއަކާއި ޔުނައިޓެޑް ސުވައިދީބް ރިޕަބްލިކުގެ ލީޑަރު އަބްދުﷲ އަފީފްގެ ވީޑިއޯ ހިމެނެ އެވެ. އަދި ގަމުގައި އިނގިރޭސި ރޯޔަލް އެއާފޯސް (އާރްއޭއެފް) އިން ހިންގަމުން ދިޔަ މަސައްކަތްތައް ފެންނަ ވީޑިއޯ ވެސް ހިމެނެ އެވެ.

އެކަމަކު ޑޮކިއުމެންްޓްރީ އަށް އެންމެ ބޮޑު ފުރިހަމަކަމެއް ގެނެސްދިނީ، ޑިރެކްޓަރު އަބޯގެ އާޓް ކޮންސެޕްޓްތަކުގެ މައްޗަށް "އަދަދު" ގެ އިން-ހައުސް އާޓިޓްސް އަހުމަދު އިހުސާން (އަރަކަ އާޓްސް) ކުރެހި އިލަސްޓްރޭޝަންތަކުންނާއި އޭނާ އާއި އާއިމް ޒަމީރު (ގަބީ) ގެ އެނިމޭޝަންތަކުންނެވެ. ގަބީގެ ސައުންޑް ޑިޒައިނިން އިން ޑޮކިއުމެންޓްރީ އަށް ލިބުނު ފުރިހަމަކަން ވަކި ކުޑައެއް ނޫނެވެ. ޑޮކިއުމެންޓްރީ އެޑިޓްކޮށް ފަށުވިކަން ގެނެސްދިނީ އަބޯ، ގަބީ އަދި ހުސެއިން ހިޝާމްގެ ޓީމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox