ނިއު ދިއްލީ، އިންޑިއާ (ޖުލައި 22) - އިންޑިއާގެ ވެރިރަށް ނިއު ދިއްލީއަށް ދިމާވެފައިވާ ވައި ތަގައްޔަރުވުމުގެ މައްސަލަ ހައްލު ކުރަން ވައި ފިލްޓާ ކުރާނެ ބޮޑެތި ފަންކާތަކެއް ބަހައްޓަން ނިންމައިފި އެވެ.
ދެ މިލިއަން ޑޮލަރު ހޭދަކޮށްގެން ހަދާ ޓަވަރުގައި 40 އަށް ވުރެ ގިނަ ފަންކާ ބަހައްޓަން ނިންމާފައި ވާއިރު، އޭގެ ސަބަބުން ވައި ސާފު ނުވާނެ ކަމަށް ބައެއް ފަރާތްތަކުން ބުނެ އެވެ.
ފަންސަވީސް މީޓަރު އުސް ޓަވަރުގެ އެހީގައި އެއް އަކަކިލޯމީޓަރު ސަރަހައްދުގެ ވައި ސާފުކުރަން ވަނީ އަމާޒުހިފާފަ އެވެ. އެ މަސައްކަތުގައި އުޅޭ އިންޖިނިއަރު އަންވަރު އަލީ ހާން ބުނީ ވައިގައި ހުންނަ ނުރައްކާތެރި ޕީއެމް2.5 ޕާޓިކަލްގެ 50 ޕަސެންޓް ނައްތާލެވޭނެ ކަމަށެވެ.
މި މަސައްކަތް ކާމިޔާބުވެއްޖެ ނަމަ ދިއްލީގައި އިތުރު ޓަވަރުތައް ބަހައްޓަން ވަނީ ރާވާފަ އެވެ. ދިއްލީގެ ޗީފް މިނިސްޓަރު އަރްވިންދް ކެޖްރިވާލް އެ ސިޓީ ސިފަކޮށްފައި ވަނީ "ގޭސް ޗެމްބަރެއް" ގެ ގޮތުގަ އެވެ.
މި ޓަވަރުތައް ކާމިޔާބުކަމާއެކު މަސައްކަތް ކުރި ނަމަވެސް، މިއީ 20 މިލިއަނަށް ވުރެ ގިނަ މީހުންގެ ސިޓީގެ ވައި ތަގައްޔަރުވުމުގެ މައްސަލަ ހައްލުވާނެ ކަމެއް ނޫން ކަމަށް އެކި ފަރާތްތަކުން ބުނެ އެވެ.
މީގެ ކުރިން ޗައިނާއިން ވެސް މިފަދަ ޓަވަރުތައް އަޅާފައި ވެ އެވެ. އެގޮތުން ޝިއާން ސިޓީގައި 60 މީޓަރުގެ އުސް ޓަވަރެއް ބެހެއްޓި އެވެ. ނަމަވެސް އެހެން އެއްވެސް ސިޓީއަކަށް އެކަން ފުޅާކޮށްފައެއް ނުވެ އެވެ.
