އިންޑިއާއިން ބްލެކް ފަންގަސްގެ 45،000 ކޭސް, 4،200 މަރު!

ބްލެކް ފަންގަސް ޖެހިފައިވާ މީހެއްގެ އޮޕަރޭޝަނެއް ކުރަނީ.-- ފޮޓޯ: އޭއެފްޕީ

ބްލެކް ފަންގަސް ޖެހިފައިވާ މީހެއްގެ އޮޕަރޭޝަނެއް ކުރަނީ.-- ފޮޓޯ: އޭއެފްޕީ

ނިއު ދިއްލީ، އިންޑިއާ (ޖުލައި 21) - ފާއިތުވި ދެ މަސް ތެރޭގައި އިންޑިއާއިން ނުރައްކާތެރި ބްލެކް ފަންގަސްގެ 45،000 އަށް ވުރެ ގިނަ ކޭސް ފެނުނު ކަމަށް އެ ގައުމުގެ ހެލްތު މިނިސްޓްރީން ބުނެފި އެވެ.

ޖޫނިއާ ހެލްތު މިނިސްޓަރު ބަރަތީ ޕްރަވިން ޕަވާރް އަންގާރަ ދުވަހު ޕާލިމެންޓަށް މައުލޫމާތު ދެއްވި ގޮތުގައި މިޔުކޯމައިކޮސިސް ނުވަތަ ބްލެކް ފަންގަސް ޖެހިގެން 4،200 އަށް ވުރެ ގިނަ މީހުން މަރުވެފައި ވެ އެވެ.

މިއީ ވަރަށް މަދުން ނޫނީ ނުފެންނަ އިންފެކްޝަނެއް ނަމަވެސް، ކޮވިޑް ޖެހި ރަނގަޅުވަމުންދާ މީހުންނަށް މި އިންފެކްޝަން ދިމާވުން އިންޑިއާގައި ވަނީ ވަރަށް ބޮޑަށް އިތުރުވެފަ އެވެ.

Advertisement

ހަށިގަނޑަށް ފަންގަސް ފެތުރުމުން އޭގެ ނުރައްކާ ވަރަށް ބޮޑުވެ އެވެ. އެހެންވެ، ފުރާނަ ސަލާމަތް ކުރުމަށް ބައެއް ފަހަރު ލޮލާއި ނޭފަތް ފަދަ ގުނަވަންތައް ނަގަން ޖެހެ އެވެ.

ބަލީގައި މީހުން މަރުވާ ނިސްބަތް އުޅެނީ 50 ޕަސެންޓަށް ވުރެ މަތީގަ އެވެ. ސަރުކާރުގެ ތަފާސްހިސާބު ދައްކާ ގޮތުން އެންމެ ގިނަ ކޭސް ފެނުނީ ހުޅަނގު މަހަރާޝްތްރަ ސްޓޭޓުންނެވެ. އެ ތަނުން 9،348 ކޭސް ފެނުނެވެ.

ކޮވިޑުގެ ކުރިން އިންޑިއާއިން އެވްރެޖު ގޮތެއްގައި އަހަރެއްގެ ތެރޭގައި ފެންނަނީ ބްލެކް ފަންގަސްގެ 20 ކޭސް އެވެ. މި ބަލި ޖެހެނީ ހަށުގަނޑުގެ ދިފާއީ ނިޒާމު ބަލިކަށިވެފައިވާ މީހުންނަށެވެ.

އެއީ ހަކުރު މަތި މީހުންނާއި، އެޗްއައިވީ އެއިޑްސް ހުންނަ މީހުންނާއި ގުނަވަން ޓްރާންސްޕްލާންޓް ފަދަ ކަންކަން ކޮށްފައިވާ މީހުންނެވެ.

ތަޖުރިބާކާރުން ބުނެފައި ވަނީ ބަލިމަޑުކަމުގައި ކޭސްތައް އިތުރުވީ ކޮވިޑަށް ފަރުވާ ދިނުމަށް ސްޓިރޮއިޑްސް ބޭނުން ކުރުން އިތުރުވެފައި ވާތީ ކަމަށެވެ.

ބްލެކް ފަންގަސް އެޕިޑެމިކްއެއް އެބަ އޮތް ކަމަށް އިންޑިއާ ސަރުކާރުން މިދިޔަ މޭ މަހު އިއުލާނު ކުރި އެވެ. މޭ އަދި ޖޫން މަހު ކޭސް އިތުރުވުމަށް ފަހު މިހާރު އަދަދުތައް ވަނީ ތިރިވާން ފަށާފަ އެވެ.

ނަމަވެސް މިދިޔަ ހޯމަ ދުވަހު ހިންދުސްތާން ޓައިމްސް ނޫހުން ރިޕޯޓު ކުރި ގޮތުގައި އުތުރު ރާޖަސްތާން ސްޓޭޓުގައި ކުޑަކުދިންގެ މެދުގައި ބްލެކް ފަންގަސް ވަނީ އިތުރުވެފަ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox