ޔޫރޯ ފުޓްބޯޅަ މުބާރާތުގެ ފައިނަލުގައި އާދީއްތަ ދުވަހުގެރޭ އިޓަލީ އާއި އިންގްލެންޑް ކުޅޭ މެޗުން މޮޅުވެ ޔޫރަޕުގެ ޗެމްޕިއަންކަން ހޯދާނެ ޓީމެއް ދިމާކޮށްގެން، ލޮޓަސް އިން ހަދިޔާކުރާ 27،000 ރުފިޔާގެ އަގުހުރި ސައިކަލެއް ހޯދުމުގެ ފުރުސަތު "އަދަދު" އިން ހުޅުވާލައިފި އެވެ.
މިރެ އިން ފެށިގެން، ފައިނަލް މެޗުގެ ފުރަތަމަ ކަށިގަނޑާ ހަމަޔަށް ހުޅުވާލާފައިވާ މި ފުރުސަތުގައި ޗެމްޕިއަން ޓީމު ދިމާކުރަން ޖެހޭނީ ފޭސްބުކުގަ އެވެ. އެގޮތުން "އަދަދު" ގެ ރަސްމީ ފޭސްބުކް ޕޭޖަށް ލައިކެއް ދިނުމަށް ފަހު، މިކަމާ ގުޅޭ ޕޯސްޓުގެ ތިރި އަށް "Italy" ނުވަތަ "England" ކޮމެންޓް ކުރެއްވުމަށް ފަހު އެ ޕޯސްޓް ޝެއާކޮށްލުމުން ބައިވެރިވެވުނީ އެވެ. ސައިކަލް ލިބޭނީ، ޗެމްޕިއަންކަން ހޯދާ ޓީމެއްގެ ނަން ޖަހާފައިވާ ފަރާތްތަކުގެ ތެރެއިން ގުރުއަތުން ދިމާވާ މީހަކަށެވެ.
ގުރުން ލިބޭ މީހަކަށް ހަދިޔާކުރަނީ ލޮޓަސް ބައިކް ޝޮޕުން ހަދިޔާކުރާ މުޅިން އާ ލިންހާއީ ކުޗީ 110 ގެ ސައިކަލެކެވެ. ލޮޓަސް ބައިކް ޝޮޕަކީ ސައިކަލް، ބެޓެރީ ސައިކަލް އަދި ބައިސިކަލް ވިއްކުމުގައި ރާއްޖޭގައި އެންމެ ފާހަގަކުރެވޭ އެއް ފިހާރަ އެވެ.
ޔޫރޯގެ ފައިނަލް މެޗު ފަށާނީ، އާދީއްތަ ދުވަހުގެރޭ ރާއްޖެ ގަޑިން މެންދަމު 12 ޖަހާއިރު އެވެ. މެޗު ކުޅޭނީ އިންގްލެންޑުގެ ވެރިރަށް ލަންޑަނުގެ ވެމްބްލީ ސްޓޭޑިއަމުގަ އެވެ. އިޓަލީ ފައިނަލުން ޖާގަ ހޯދީ ސެމީ ފައިނަލުން ޕެނަލްޓީ ޖަހައިގެން 4-2 އިން ސްޕެއިން ބަލިކޮށްގެންނެވެ. އިންގްލެންޑް ޖާގަ ހޯދީ ސެމީގައި އިތުރު ވަގުތު ކުޅެގެން ޑެންމާކް 2-1 އިން ބަލިކޮށްގެންނެވެ.
އިޓަލީ ވަނީ މި މުބާރާތުގައި 1968 ގައި ކާމިޔާބުކޮށްފަ އެވެ. އަދި 2000 ވަނަ އަހަރާއި 2012 ވަނަ އަހަރު ފައިނަލުގައި ކުޅެފަ އެވެ. އިންގްލެންޑަށް މި މުބާރާތް މިހާތަނާށް ކާމިޔާބުކުރެވިފައެއް ނުވެ އެވެ. މިއީ އެ ޓީމުން މި މުބާރާތުގެ ފައިނަލުގައި ކުޅޭ ފުރަތަމަ ފަހަރު ވެސް މެ އެވެ.
