ޕޯޓް އޯ ޕްރިންސް، ހެއިޓީ (ޖުލައި 7) - ހެއިޓީގެ ރައީސްގެ ގެކޮޅަށް އަމާޒު ކުރި ހަމަލާއެއްގައި އެމަނިކުފާނު އަވަހާރަކޮށްލައިފި އެވެ.
ވަގުތީ ބޮޑު ވަޒީރު ކްލޯޑް ޖޯސެފް ނެރުއްވި ބަޔާނެއްގައި ވިދާޅުވީ "އަނިޔާވެރި އަމަލެއްގައި" ރައީސް ޖޮވެނެލް މޮއިޒް އަވަހާރަކޮށްލާފައިވާ ކަމަށެވެ.
ބަޔާނުގައިވާ ގޮތުން ކޮން ބަޔެއްކަން ކަށަވަރު ނުކުރެވޭ ގްރޫޕަކުން ރައީސްގެ އަމިއްލަފުޅު ގެކޮޅަށް ހަމަލާ ދިނީ ދަންވަރުގެ ވަގުތު އެވެ.
ފަސްޓް ލޭޑީ މާޓީން މޮއިޒްގެ ހަށިކޮޅަށް ވެސް ބަޑި ޖަހާފައި ވާއިރު، އެކަމަނާ ވަނީ ހޮސްޕިޓަލުގައި އެޑްމިޓުކޮށްފަ އެވެ.
"ގައުމުގެ ސެކުއިރިޓީ ހާލަތު އޮތީ ނޭޝަނަލް ޕޮލިސް އަދި އާމްޑް ފޯސްގެ ކޮންޓްރޯލުގެ ދަށުގައި،" ޖޯސެފްގެ ބަޔާނުގައި ވިދާޅުވި އެވެ.
ހެއިޓީއަކީ ދެކުނު އެމެރިކާ ބައްރުގައިވާ އެންމެ ފަގީރު ގައުމެވެ. ރައީސް މޮއިޒްގެ ވެރިކަމުގައި އެ ގައުމު ވަނީ ސިޔާސީ ގޮތުން ވަރަށް ބޮޑަށް ހަލަބޮލިވެފަ އެވެ.
އުމުރުން 53 އަހަރުގެ މޮއިޒް އަވަހާރަކޮށްލި އިރު އިންތިހާބަކާ ނުލައި ވެރިކަމުގައި ހުންވާތާ ދެ އަހަރުވެއްޖެ އެވެ. އެހެންވެ، އިދިކޮޅުން ދިޔެއީ އެމަނިކުފާނުގެ އިސްތިއުފާއަށް ގޮވަމުންނެވެ.
