އިންޑިއާގެ އެކްޓިވިސްޓަކު ޖަލުގައި މަރުވުމުން އދ. ގެ ކަންބޮޑުވުން

މަދަނީ ހައްގުތަކަށް ވަކާލާތު ކުރާ އަދި ނަސާރާ ފާދިރީ ސްޓޭން ސްވާމީ.-- ފޮޓޯ: ޕީޓީއައި

މަދަނީ ހައްގުތަކަށް ވަކާލާތު ކުރާ އަދި ނަސާރާ ފާދިރީ ސްޓޭން ސްވާމީ.-- ފޮޓޯ: ޕީޓީއައި

ޖެނީވާ، ސްވިޓްޒަލޭންޑް (ޖުލައި 6) - ޝަރީއަތް ފެށެން ދެން ޖަލުގައި ބަންދުކޮށްފައި ހުރި އިންޑިއާގެ އެކްޓިވިސްޓު، އުމުރުން 84 އަހަރުގެ ނަސާރާ ފާދިރީ ސްޓޭން ސްވާމީ މަރުވުމުން އދ. އިން ކަންބޮޑުވުން ފާޅުކޮށްފި އެވެ.

އިންޑިއާގެ ޓެރަރިޒަމް މަނާ ކުރުމުގެ ގާނޫނުގެ ދަށުން ޝަރީއަތް ފެށެން ދެން ހައްޔަރުކޮށްފައި ހުންނަތާ ނުވަސް މަސް ފަހުން ސްވާމީ މަރުވީ ހޯމަ ދުވަހު އެވެ. ކަފާލާތުގެ ދަށުން އޭނާ މިނިވަން ކުރުމުގެ އަޑުއެހުމެއް އެ ދުވަހަށް ތާވަލުކޮށްފައި އޮތެވެ.

ސްވާމީއަކީ އިންޑިއާގައި މީސްކޮޅު މަދު އެކި ދީންތަކާއި ސަގާފާތްތަކަށް ނިސްބަތްވާ މީހުންގެ ހައްގުތަކަށް މަސައްކަތް ކުރި މީހެކެވެ. މިދިޔަ އަހަރު އޭނާ ހައްޔަރު ކުރީ އިންޑިއާގެ ހިންދޫން ގަބޫލުކުރާ ތަފާތު އެކި ދަރަޖަތަކުގެ މީހުންގެ މެދުގައި 2018 ވަނަ އަހަރު ހަމަނުޖެހުން އުފެއްދި ކަމުގެ ތުހުމަތަށެވެ.

Advertisement

"އުމުރުން 84 އަހަރުގެ ފާދިރީ ސްޓޭން ސްވާމީގެ މަރާ ގުޅިގެން އަޅުގަނޑުމެން ނުހަނު ހިތާމަކޮށް ކަންބޮޑުވޭ،" އދ. ގެ އިންސާނީ ހައްގުތަކާ ބެހޭ ކޮމިޝަނަރުގެ އޮފީހުގެ ތަރުޖަމާނު ލިޒް ތުރޮސެލް ވިދާޅުވި އެވެ.

ޕާކިންސަންސް ޑިޒީޒް އަދި ބައެއް އެހެން ސިއްހީ މައްސަލަތައް ހުރި ނަމަވެސް، މީގެ ކުރިން ކޯޓުން ނިންމީ ކަފާލާތުގެ ދަށުން އޭނާ ދޫނުކުރުމަށެވެ. މިދިޔަ މޭ މަހު ކޮވިޑް ޖެހިގެން އޭނާ ހޮސްޕިޓަލްގައި އެޑްމިޓްކުރި އެވެ. އަދި ފާއިތުވި ހަފްތާ ބަންދުގައި ހާޓް އެޓޭކެއް ޖެހުނެވެ.

"ހައި ކޮމިޝަނަރު މިޝޭލް ބެޝެލެޓް އަދި އދ. ގެ މިނިވަން ތަޖުރިބާކާރުން ވަނީ އެކި ފަހަރު މަތިން ފާދިރީ ސްޓޭން އާއި އިތުރު 15 އެކްޓިވިސްޓުންނާ ގުޅުން ހުރި ކަންބޮޑުވުން އިންޑިއާ ސަރުކާރަށް ހުށަހަޅައި، އެ މީހުން ދޫކުރަން ބާރު އަޅާފައި،" ތުރޮސެލް ވިދާޅުވި އެވެ.

އޭގެ އިތުރުން މުއްދަތެއް ނެތް ގޮތަށް، ޝަރީއަތް ފެށެން ދެން މީހުން ބަންދު ކުރެވޭ ގޮތަށް ގާނޫނު އޮންނާތީ ވެސް އޭނާ ކަންބޮޑުވުން ފާޅުކުރެއްވި އެވެ. އޭގެ އިތުރުން މާ ބޮޑު ގާނޫނީ ހުއްޖަތެއް ނެތި ހައްޔަރުކޮށްފައި ތިބޭ މީހުން މި ބަލިމަޑުކަމުގެ ތެރޭގައި މިނިވަން ކުރުން ގޮވާލާ ކަމަށް ވިދާޅުވި އެވެ.

"އަޅުގަނޑު އަނެއްކާވެސް މި ތަކުރާރު ކުރަނީ ހައި ކޮމިޝަނަރުގެ ގޮވާލެއްވުން. ހިޔާލު ފާޅުކުރުމާއި، ސުލްހަވެރިކަމާއެކު އެއްވުމާއި ޖަމިއްޔާ ހެދުމުގެ އަސާސީ ހައްގުގެ ބޭނުން ހިފުމުން އެއްވެސް މީހަކު ބަންދު ކުރަމުން ނުދިޔުމަށް އިންޑިއާގެ ސަރުކާރަށް ގޮވާލަން،" ތަރުޖަމާނު ވިދާޅުވި އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox