ސްޓޭޓް އިލެކްޓްރިކް ކޮންޕެނީ ލިމިޓެޑް (ސްޓެލްކޯ) އިން މާލޭގެ މީހުން ދިރިއުޅޭ ސަރަހައްދާއި މާ ގާތުގައި އެ ކުންފުނީގެ ޖަނަރޭޓަރުތަކާއި، ދުންހޮޅިތަކާއި، ތެޔޮތާންގިތައް ބެހެއްޓުމުގެ ސަބަބުން، އެސަރަހައްދުގައި ދިރިއުޅެމުންދާ ރައްޔިތުންނަށް ގެއްލުންވަމުންދާތީ ރައްޔިތުންގެ މަޖިލީހަށް ހުށަހެޅި މައްސަލަ މިއަދު ބަލައިގެންފި އެވެ.
ގަލޮޅުގައި ސްޓެލްކޯގެ މައި އިމާރާތުގައި ހުންނަ ޖަނެރޭޓަރުތަކާއި ދުންހޮޅިތަކުގެ ސަބަބުން އުނދަގޫތަކާއި ގެއްލުންތައް ލިބެމުންދާކަމަށް ބުނެ އެ ސަރަހައްދުގައި ދިރިއުޅޭ ރައްޔިތުން ޝަކުވާ ކުރަމުން އަންނަތާ އެތައް ދުވަހެއް ވެއްޖެ އެވެ.
ސްޓެލްކޯއަށް ވެސް އެ މައްސަލަ ތަކުރާރުކޮށް ހުށަހަޅައިގެން ހައްލެއް ނުލިބިގެން އުޅެނިކޮށް، ގަލޮޅު ދެކުނު ދާއިރާގެ މެމްބަރު މީކާއީލް އަހުމަދު ނަސީމް މަޖިލީހަށް ގަރާރެއް ހުށަހެޅުއްވީ މިދިޔަ މަހުގެ 31 ވަނަ ދުވަހެވެ.
ގަރާރުގައި ބުނެފައިވަނީ އާންމު ބޭނުންތަކުގެ ހިދުމަތާބެހޭ ގާނޫނުގެ ދަށުން ހަދާފައިވާ މާލެ އާއި ރައްޖޭގައި އާންމުކޮށް އިލެކްޓްރިކް ކަރަންޓް ދިނުމާބެހޭ ގަވާއިދުގައި އިންޖީނުގެ ހުންނަންވާނީ އަރާ ދުމުން، އާންމުންނަށް އުނދަގޫ ނުވާނެ ގޮތަށް މީހުން ދިރިއުޅޭ ސަރަހައްދާ މަދުވެގެން 200 ފޫޓު ދުރުގާކަމަށް ކަމަށް ބަޔާންކޮށްފައިވާ ކަމަށެވެ.
ނަމަވެސް، ސްޓެލްކޯގެ ދުންހޮޅިތައް ތިރިކަމުން، އެ ސަރަހައްދުގައި ދިރިއުޅެމުންދާ ރައްޔިތުންނަށް ތާއަބަދު ޖައްވުގައި ހުންނަ ތެޔޮވަސް ދުވާ، ޑީސަލް ތެޔޮ އަންދައިގެން އުފެދޭ ކަޅު ދުމުގެ ސަބަބުން ވައި ތަޣައްޔަރުވެ، ތަފާތު ބަލިތަކަށް މަގުފަހިވެފައިވާ ކަމަށް އެ ގަރާރުގައި ފާހަގަކޮށްފައި ވެ އެވެ.
އަދި ސްޓެލްކޯގެ ޖަނަރޭޓަރުތަކުގެ ވައިބްރޭޝަންތަކުގެ ސަބަބުން ގޭގާ ޖަހާފައި ހުންނަ މުއްޓައް ތަކުރާރުކޮށް ގެއްލުން ލިބި، ފާރުތަކުގައި ރެނދުލައި، ކުޑަކުދިންނަށް ރޭގަނޑު ނުނިދި، މުޅި ދުވަހު ކުޑަދޮރުތައް ލައްޕައިގެން އުޅެން މަޖުބޫރުވެފައިވާ ކަމަށް ބުނެފައިވެ އެވެ.
މީގެ އިތުރުން، އެ ސަރަހައްދުގައި ބަހައްޓާފައި ހުރި ސްޓެލްކޯގެ ތެޔޮތާންގިތަކުގެ ސަބަބުން އަލިފާނުގެ ނުރައްކާތެރި ހާދިސާއެއް މެދުވެރިވެ ވަރަށް ގިނަ ބަޔަކަށް ގެއްލުންތަކެއް ވެދާނެކަމުގެ ބިރުހީވެފައި ކަމަށް ވެސް ބުންޏެވެ.
އެހެންކަމުން އެ މައްސަލަތަކަށް ހައްލެއް ގެނައުމަށް، މީކާއީލް ހުށަހަޅުއްވާފައިވަނީ ކުރު ރާސްތާ، މެދު ރާސްތާ އަދި ދުރު ރާސްތާ ޕްލޭނެއް ސްޓެލްކޯއިން އެކުލަވާލައި، އެކަމަށް ތާވަލެއް ކަނޑައަޅުމަށެވެ.
އެގޮތުން، ކުރުރާސްތާގައި، މާލެ-ހުޅުމާލެ އިންޓަކަނެކްޝަން ޕްރޮޖެކްޓް ވީ އެންމެ އަވަހަކަށް ނިންމުމުގެ އިތުރުން މިހާރު ބޭނުންކުރަމުންދާ ވަގުތީ ޖަނެރޭޓަރުތައް ބޭނުންކުރުން ހުއްޓާލާ، އެ ސަރަހައްދުން އެތަކެތި ނެގުމަށް ގޮވާލާފައިވެ އެވެ.
އަދި ސްޓެލްކޯގެ ޖަނަރޭޓަރުތަކުގެ ވައިބްރޭޝަންތަކުގެ ސަބަބުން ގޭގާ ޖަހާފައި ހުންނަ މުއްޓައް ތަކުރާރުކޮށް ގެއްލުން ލިބި، ފާރުތަކުގައި ރެނދުލައި، ކުޑަކުދިންނަށް ރޭގަނޑު ނުނިދި، މުޅި ދުވަހު ކުޑަދޮރުތައް ލައްޕައިގެން އުޅެން މަޖުބޫރުވެފައިވާ ކަމަށް ބުނެފައިވެ އެވެ.
މީގެ އިތުރުން، އެ ސަރަހައްދުގައި ބަހައްޓާފައި ހުރި ސްޓެލްކޯގެ ތެޔޮތާންގިތަކުގެ ސަބަބުން އަލިފާނުގެ ނުރައްކާތެރި ހާދިސާއެއް މެދުވެރިވެ ވަރަށް ގިނަ ބަޔަކަށް ގެއްލުންތަކެއް ވެދާނެކަމުގެ ބިރުހީވެފައި ކަމަށް ވެސް ބުންޏެވެ.
އެހެންކަމުން އެ މައްސަލަތަކަށް ހައްލެއް ގެނައުމަށް، މީކާއީލް ހުށަހަޅުއްވާފައިވަނީ ކުރު ރާސްތާ، މެދު ރާސްތާ އަދި ދުރު ރާސްތާ ޕްލޭނެއް ސްޓެލްކޯއިން އެކުލަވާލައި، އެކަމަށް ތާވަލެއް ކަނޑައަޅުމަށެވެ.
އެގޮތުން، ކުރުރާސްތާގައި، މާލެ-ހުޅުމާލެ އިންޓަކަނެކްޝަން ޕްރޮޖެކްޓް ވީ އެންމެ އަވަހަކަށް ނިންމުމުގެ އިތުރުން މިހާރު ބޭނުންކުރަމުންދާ ވަގުތީ ޖަނެރޭޓަރުތައް ބޭނުންކުރުން ހުއްޓާލާ، އެ ސަރަހައްދުން އެތަކެތި ނެގުމަށް ގޮވާލާފައިވެ އެވެ.
އެ މައްސަލައިގެ އިބްތިދާއީ ބަހުސްގައި ވާހަކަ ދެއްކެވި ގިނަ މެމްބަރުން ވަނީ އެ މައްސަލައަށް ތާއިދުކުރައްވައި، ޖަނަރޭޓަރުތަކުގެ ސަބަބުން ގެއްލުން ލިބެމުންދާ އާއިލާތަކަށް އަވަސް ހައްލެއް ބޭނުންވާ ކަމަށް ވިދާޅުވެފަ އެވެ.
އަދި އެ އާއިލާތަކަށް ކުރިމަތިވަމުންދާ ސިއްހީ މައްސަލަތަކަށް ބަދަލު ލިބެންޖެހޭ ކަމަށް ވެސް އެ މެމްބަރުން ފާހަގަކުރެއްވި އެވެ.
އެ މައްސަލަ މަޖިލީހަށް ބަލައިގެންފައިވަނީ އެކަމަށް ނެގުނު ވޯޓުގައި ބައިވެރިވެވަޑައިގެންނެވި 41 މެމްބަރުންގެ އަގުލަބިއްޔަތުންނެވެ. އެ މައްސަލައިގައި ވަކިކޮޅަކަށް ވޯޓު ނުދެއްވާ މެމްބަރަކު އިންނެވި އެވެ.
އެ މައްސަލަ ބަލައިގަތުމަށްފަހު، އެ މައްސަލަ ދިރާސާކުރަން މަޖިލީހުގެ އެންވަޔަރަމަންޓް އެންޑް ކްލައިމެޓް ޗޭންޖް ކޮމިޓީއާއި އެސްއޯއީ ކޮމިޓީގެ ޖޮއިންޓް ކޮމިޓީއަކަށް ރިޔާސަތުން ވަނީ ފޮނުވައިފަ އެވެ.
