"މިނިވަން ފިހި": މިނިވަން ދުވަހަށް "އަދަދު"ން ކުރެހުމުގެ މުބާރާތެއް ބާއްވަނީ

Jul 2, 2021, 5:00 PM
"މިނިވަން ފިހި": މިނިވަން ދުވަހަށް "އަދަދު"ން ކުރެހުމުގެ މުބާރާތެއް ބާއްވަނީ

މިނިވަންކަމުގެ އެންމެ ބޮޑު އެއް ރަމްޒަކީ ކޮބާ ހެއްޔެވެ؟ އެއީ، އެ ބަޔެއްގެ ސިކުނޑީގައި އެބުރޭ ހިޔާލާއި ފިކުރުތައް މުޖުތަމައުގެ ތެރެއަށް ދޫކޮށްލެވުން ކަމަށް ގިނަ ބަޔަކު ގަބޫލުކުރެ އެވެ. ލިޔުންތެރިން ގަލަމުންނެވެ. ވާހަކަދެއްކުންތެރިން ދުލުންނެވެ. އެއީ މިނިވަންކަމުގައި އެންމެ ބޮޑަށް ބޭނުންކުރަމުން އަންނަ ދެ ވަސީލަތެވެ. އެކަމަކު ޒަމާނުއްސުރެ މިނިވަންކަން ރަމްޒުކޮށްދޭން ބޭނުންކުރަމުން އަންނަ އެކަމަކު އޭގެ އަގު ރާއްޖޭގައި އެހާ ބޮޑަށް ވަޒަންނުކުރެވި އޮތް ވަސީލަތަކީ ކުރެހުމެވެ. ދުލާއި ގަލަމާއި އެއްވަރަށް ކުރެހުންތެރިންގެ ފިއްސަކީ، ހިޔާލާއި ފިކުރުތައް މުޖުތަމައުގެ ތެރެއަށް ދޫކޮށްލަން ބޭނުންކުރާ ވަރުގަދަ ހަތިޔާރެކެވެ.

މި ހިނގާ ޖުލައި މަހުން 26 ވާ ހޯމަ ދުވަހު ދިވެހިރާއްޖޭން 56 ވަނަ މިނިވަން ދުވަސް ފާހަގަކުރަން ތައްޔާރުވާއިރު އެ މުނާސަބަތުގައި "އަދަދު" އިން ގޮވާލަނީ ރާއްޖޭގެ ފަންނުވެރި ކުރެހުންތެރިންނަށެވެ. "އަދަދު" އިން މި ހުޅުވާލަނީ، އެ ފަންނުވެރިންގެ ފިހިތަކުން "ދިވެހިރާއްޖޭގެ މިނިވަން ދުވަސް" ސިފަކޮށް އުފެއްދުންތެރި ކުރެހުންތަކެއް ކުރެހުމަށެވެ. މޯލްޑިވިއަން އާޓިސްޓް ކޮމިއުނިޓީ (މެކް) އާ ގުޅިގެން "އަދަދު" އިން މި އިއުލާންކުރަނީ، ރާއްޖޭގައި މިހާތަނަށް ބާއްވާ އެންމެ އަގުބޮޑު އެއް ކުރެހުމުގެ މުބާރާތެވެ. "މިނިވަން ފިހި 2021" އެވެ.

އުމުރުން 15 އަހަރާއި 30 އަހަރާ ދެމެދުގެ ޒުވާން ކުރެހުންތެރިންނަށް ހުޅުވާލައިގެން ބާއްވާ މި މުބާރާތުގެ މަގުސަދަކީ، ޖުލައި 26، 1965 ގައި ރާއްޖެ އަށް އިނގިރޭސިންގެ އަތުން ލިބުނު މިނިވަން ދުވަސް ފާހަގަކުރުން އެކަންޏެއް ނޫނެވެ. ބޭނުމަކީީ މިނިވަން ދުވަހުގެ ދުރުމީން، ރާއްޖޭގެ މުއްސަނދި ތާރީހާއި ސަގާފަތުގެ މަންޒަރުތައް ޒުވާނުން ލައްވާ، މި ޖީލަށް ދައްކުވައިދިނުމެވެ. ހަމައެއާ އެކު، ފަންނުވެރި މަސައްކަތެއްގެ ތެރެއިން ޒުވާނުންގެ ތެރޭގައި ގައުމީ ލޯބި އާލާކޮށް ދިރުވުމެވެ.

"މާޒީގެ އުޖާލާ މަންޒަރުތައް، މާ ރީތީ އުފާވެރި ކުރެހުންތައް

ދާތީ އަދު ހާމަވަމުން ކުލަތައް، ތާރީހު އަލުން މި އިއާދަވަނީ"

"މިނިވަން ފިހި 2021" ގެ ޕޯސްޓަރު.
"މިނިވަން ފިހި 2021" ގެ ޕޯސްޓަރު.

"މިނިވަން ފިހި 2021" ގެ ޕޯސްޓަރު.

މި މުބާރާތުގެ ކަވާ އާޓް ކުރަހާފައިވަނީ، "އަދަދު" އިން-ހައުސް އާޓިސްޓް އަހުމަދު އިހުސާން (އަރަކަ އާޓްސް) އެވެ. ކޮންސެޕްޓް ފަރުމާކުރީ "އަދަދު" ގެ ކްރިއޭޓިވް އެޑިޓަރު އަބްދުﷲ ޝަފީއު (އަބޯ) އެވެ. ކަވާ އާޓުގެ ފީޗާއެއް ފަހުން ޝާއިއުކުރެވޭނެ އެވެ. މުބާރާތުގެ އިންޓްރޯ ވީޑިއޯ ހަދާފައިވަނީ "އަދަދު" ގެ ވީޑިއޯ ކޮންޓެންޓް ކްރިއޭޓަރު އާއިމް ޒަމީރު (ގަބީ) އެވެ.

މުބާރާތުގައި ފުރަތަމަ ބުރުގައި އޮންނާނީ ކުރެހުންތައް ފަނޑިޔާރުންގެ މާކްސް އިން މިންކުރުމެވެ. އޭގެ ތެރެއިން އެންމެ މަތިން މާކްސް ލިބޭ 10 ކުރެހުމެއް ގާލާ ރައުންޑަށް ހޮވޭނެ އެވެ. މި ބުރުގައި މިންކުރާނީ ފަނޑިޔާރުންގެ 75 ޕަސެންޓް ވޯޓާއި އާއްމުންގެ 25 ޕަސެންޓް ވޯޓުންނެވެ. އާއްމުންގެ 25 ޕަސެންޓް ބަލާނީ، އަދަދުގެ ފޭސްބުކް އަދި އިންސްޓަގްރަމް ޕޭޖުގައި ނަގާ ވޯޓުންނެވެ.

އެގޮތުން ހޮވޭ އެންމެ މޮޅު ކުރެހުމަކަށް 25،000 ރުފިޔާގެ ފައިސާގެ އިނާމް ލިބޭނެ އެވެ. ދެ ވަނަ ކުރެހުމަކަށް 15،000 ރުފިޔާ އަދި ތިން ވަނަ ކުރެހުމަކަށް 10،000 ރުފިޔާ ލިބޭނެ އެވެ. އަދި އެ ތިން ކުރެހުން، ވީޑިއޯ ޕްރޮފައިލާ އެކު އަދަދުގައި ފީޗާކުރެވޭނެ އެވެ. މި ތިން ކުރެހުމާ އެކު، ގާލާ ރައުންޑަށް ހޮވޭ 10 ކުރެހުންތެރިންނަށް ސެޓުފިކެޓެއް ދޭނެ އެވެ. އަދި، މި 10 ކުރެހުން ވަނަ ހޮވުމަށް ބާއްވާ ރަސްމިއްޔާތުގައި އެކްޒިބިޓްކޮށްދޭނެ އެވެ.

ކުރެހުން ފޮނުވަން ޖެހޭނީ ޖުލައި 20 ވަނަ ދުވަހުގެ މެންދުރުފަހު 2:00ގެ ކުރިންނެވެ. ރެޖިސްޓްރޭޝަނާއި ރިއުކާމެންޓްސްތަކާއި ޓެކްނިކަލް ތަފްސީލްތައް އަދި މުބާރާތުގެ ގަވާއިދު މި ލިންކުން ފެންނާނެ އެވެ.

މި މުބާރާތަށް، އެހީތެރިވުމުގެ ފުރުސަތު ސްޕޮންސަރުންނަށް ވަނީ ހުޅުވާލައިފަ އެވެ. ޝައުގުވެރިވާ ފަރާތްތަކުން info@adhadhu.com އަށް އީމެއިލްކުރެއްވުމުން އެ ފުރުސަތު އޮންނާނެ އެވެ.

ފަނޑިޔާރުންނަކީ ކޮން ބަޔެއް؟

މައިމޫނާ، އިއްފަ އަދި ބާޗީ
މައިމޫނާ، އިއްފަ އަދި ބާޗީ

މައިމޫނާ، އިއްފަ އަދި ބާޗީ

މުބާރާތުގެ ފަނޑިޔާރުންގެ ޕެނަލުގައި ހިމެނެނީ މެކްގެ ވައިސް ޗެއާމަން މައިމޫނާ އާއި ޖެނެރަލް ސެކްރެޓަރީ ހުސެއިން އިފްހާލް (އިއްފަ) އަދި ޕްރޮގްރާމް ކޯޑިނޭޓަރު އަހުމަދު އަޒްމީ (ބާޗީ) އެވެ.

ޕާކިސްތާނުން 2012 ވަނަ އަހަރު ފައިން އާޓްސް އިން މާސްޓާސް ޑިގްރީއެއް ހާސިލްކޮށްފައިވާ ވިޝުއަލް އާޓިސްޓް މައިމޫނާ އަކީ ގިޔާސުއްދީން އިންޓަނޭޝަނަލް ސްކޫލުގެ އާޓް އެންޑް ޑިޒައިން ޓީޗަރެވެ. އިއްފަ އަކީ އުފެއްދުންތެރިން ފަންނެއް ކަމަށްވާ ކޮފީ އާޓުގައި ފާހަގަކޮށްލެވޭ ކުރެހުންތެރިއެކެވެ. އޭނާ ވަނީ ކަނޑުއަޑީގައި އެގްޒިބިޝަނެއް ބޭއްވި އޭޝިއާގެ ފުރަތަމަ އާޓިސްޓުގެ ޝަރަފް 2018 ވަނަ އަހަރު ހޯދައިފަ އެެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox