39 އަނބިންނަށް 127 ދަރިން ލިބިފައިވާ އިންޑިއާ މީހަކު މަރުވެއްޖެ

ޒިއޮންގަކާ ޗާނާގެ އާއިލާ މެމްބަރުން.-- ފޮޓޯ: ރޮއިޓާޒް

ޒިއޮންގަކާ ޗާނާގެ އާއިލާ މެމްބަރުން.-- ފޮޓޯ: ރޮއިޓާޒް

ނިއު ދިއްލީ، އިންޑިއާ (ޖޫން 14) - ތިރީސް ނުވަ އަނބިންނަށް 127 ދަރިން ލިބިފައިވާ އިންޑިއާ މީހަކު އުމުރުން 76 އަހަރުގައި މަރުވެއްޖެ އެވެ.

ޒިއޮންގަކާ ޗާނާ ނަމަކަށް ކިޔާ އެ މީހާއަކީ އިންޑިއާގެ އިރުއުތުރު، ބައިމަދު މިޒޯރަމް ސްޓޭޓުގައި ދިރިއުޅެމުން އައި މީހެކެވެ. އޭނާގެ އާއިލާއަކީ ދުނިޔޭގެ އެންމެ ބޮޑު އެއް އާއިލާގެ ގޮތުގައި އޮތީ ފާހަގަވެފަ އެވެ.

ޕްރެސް ޓްރަސްޓް އޮފް އިންޑިއާއިން ބުނީ މިދިޔަ އާދީއްތަ ދުވަހު ހޮސްޕިޓަލުގައި ފަރުވާދެމުން ދަނިކޮށް އޭނާ މަރުވީ ހަކުރު ބައްޔާއި ހައިޕަޓެންޝަން ފަދަ މައްސަލަތަކުގެ ސަބަބުން ކަމަށެވެ.

މިޒޯރަމް ސްޓޭޓުގެ ޗީފް މިނިސްޓަރު ޒޮރަމްތާންގާ ކުރެއްވި ޓްވީޓެއްގައި ވިދާޅުވީ ބަރު ހިތަކާއެކު އެ ސްޓޭޓުން ޗާނާއާ ވަކިވާން ޖެހިފައިވާ ކަމަށެވެ.

ޒޮރަމްތާންގާ ވިދާޅުވީ މިޒޯރަމް އާއި ޗާނާގެ އާއިލާ ދިރިއުޅޭ ބަކްޓައުންގް ލަންގްނުއާމް އަވަށް ފަތުރުވެރިންގެ މެދުގައި މަގްބޫލް މަންޒިލަކަށް ވެފައިވާ ކަމަށެވެ.

ޗާނާއަކީ އޭނާގެ ކާފަ 1930 ގެ އަހަރުތަކުގައި އުފެއްދި ދީނީ ގްރޫޕެއްގައި ލީޑަރުކަން ކުރަމުން އައި މީހެކެވެ. އެ ގްރޫޕުގައި ޗާނާ އާއިލާގެ ހަތަރު ޖީލު ހިމެނޭއިރު 1،700 އަށް ވުރެ ގިނަ މެމްބަރުން އުޅެ އެވެ.

އެ ގްރޫޕުގެ ވިސްނުން ބިނާވެފައިވަނީ ނަސާރާ ދީނުގެ މައްޗަށެވެ. ނަމަވެސް މިޒޯރަމް ސްޓޭޓުގެ އެންމެ ބޮޑު ނަސާރާ ދީނުގެ ފައްޅިން ވަނީ ޗާނާ ގިނަ އަނބިން ގެންގުޅޭތީ އެކަމާ ދެކޮޅަށް ވާހަކަދައްކާފަ އެވެ.

ރިޕޯޓުތައް ބުނާ ގޮތުން ޗާނާ އެންމެ ފުރަތަމަ ކައިވެނި ކުރީ އޭނާގެ އުމުރުން 17 އަހަރުގަ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox