ނެޓު ހެޔޮކުރުން: އަޑު ކެނޑި، މަންޒަރު ރޫޅުން ނިމުމަކަށް؟

މިއަދު ފިކްސްޑް ބްރޯޑްބޭންޑުގެ މައިގަނޑު ތިން ޕެކޭޖަކަށް މިއަދު ވަނީ ހެޔޮ ބަދަލުތަކެއް ގެނެސްދީފައި. -އާޓްވާކް: އަބްދުﷲ ޝަފީއު (އަބޯ)/ އަދަދު

މިއަދު ފިކްސްޑް ބްރޯޑްބޭންޑުގެ މައިގަނޑު ތިން ޕެކޭޖަކަށް މިއަދު ވަނީ ހެޔޮ ބަދަލުތަކެއް ގެނެސްދީފައި. -އާޓްވާކް: އަބްދުﷲ ޝަފީއު (އަބޯ)/ އަދަދު

ދުނިޔޭގެ އެހެން ގައުމުތަކާ އަޅާބަލާއިރު ރާއްޖޭގެ އިންޓަނެޓުގެ އަގު ބޮޑެވެ؛ ކައިރި ބައެއް ގައުމުތަކާއި ރާއްޖޭގެ އިންޓަނެޓުގެ އަގުގެ ފަރަގު ދައްކައި ޝަކުވާކުރަމުން، އަގަށް ބަދަލު ގެނެސްދޭން އާދޭސްކުރާތާ އެތައް ދުވަހެއް ވެއްޖެ އެވެ.

މިކަން ވައުދެއްގެ ގޮތުގައި ފުއްދަވަން ނިންމެވި، ރައީސް އިބްރާހިމް މުހައްމަދު ސޯލިހްގެ ސަރުކާރު ދެބައިވި އިރު ވެސް އަގު ހެޔޮނުވުމުގެ ރުޅި ބޭލި އެވެ. ކޮވިޑުގެ މި ހަލާތަކާ އެކު އިންޓަނެޓަށް ބަރޯސާވުން ބޮޑުވެ އެމަނިކުފާނު ޕްރެސް ކޮންފަރެންސްތައް ވެސް އޮންލައިންކޮށް ބައްވާއިރު "އަޑު ކެނޑި، މަންޒަރު ރޫޅޭ" ކަމުގެ ކޮމެންޓްތައް ސޯޝަލްމީޑިއާގައި ކުރެ އެވެ.

އިންޓަނެޓުގެ އަގު ހެޔޮވުން "ލަސް ސްޕީޑުގައި"ކަމަށް ކުރާ ޝަކުވާތައް، އާ އަގުތައް އިއުލާންކޮށް ސަރުކާރުން މިއަދު ހުއްޓުވައިފި އެވެ. އެކަމަކު މިހާރު ކުރާ ސުވާލަކީ ހަމަ ހަގީގަތަށް ވެސް އަގު ހެޔޮވެއްޖެ ހެއްޔެވެ؟

Advertisement

މީގެ ކުރިން ވެސް އިންޓަނެޓުގެ އަގު ހެޔޮކުރި އެވެ. އެކަމަކު އެ "ބަދަލު" އޮތީ ނަމެއްގަ އެވެ.

ވާޗުއަލްކޮށް މިއަދު ބޭއްވި ރަސްމިއްޔާތެއްގައި އިއުލާންކުރި ގޮތުގައި، އަންނަ ޖުލައި މަހުން ފެށިގެން ފުރަތަމަ ހެޔޮ ކުރަނީ ހިދުމަތުގެ މައި ދެ ކުންފުނިކަމަށްވާ ދިރާގާއި އުރީދޫން ދެމުންދާ ފިކްސްޑް ބްރޯޑްބޭންޑް އިންޓަނެޓްގެ ތިން ޕެކޭޖެކެވެ. މިއީ، ގޭބީސީތަކުން އެންމެ އާއްމުކޮށް ބޭނުންކުރާ ޕެކޭޖްތަކެވެ.

އަގު ހެޔޮކޮށްފައިވާ ކަމަށް ބުނެފައި ވަނީ 5 އެމްޕީބީއެސް، 15 އެމްޕީބީއެސް އަދި 25 އެމްޕީބީއެސް ސްޕީޑުގައި ދެމުންދާ ޕެކޭޖުތަކަށެވެ.

އެކަމަކު މިއަދު އިއުލާނުކުރި ބަދަލުން އެ ޕެކޭޖުތަކުގެ އަގު ހަގީގަތުގައި ވެސް ހެޔޮ ވީތޯ ވަޒަން ކުރެވޭނީ ދެ ކުންފުނިން މިހާރު ދެމުންދާ އަގުތައް ވަރުން އެޅުވުމުންނެވެ.

ދިރާގުން އެ ޕެކޭޖުތައް މިހާރު ދޭ އަގު

  • 5 އެމްޕީބީއެސް - 40 ޖީބީ - 350ރ.
  • 15 އެމްޕީބީއެސް - 100 ޖީބީ - 690ރ.
  • 25 އެމްޕީބީއެސް - 200 ޖީބީ - 990ރ.

އުރީދޫން އެ ޕެކޭޖުތައް މިހާރު ދޭ އަގު

  • 5 އެމްޕީބީއެސް - 30 ޖީބީ - 349ރ.
  • 15 އެމްޕީބީއެސް - 75 ޖީބީ - 549ރ.
  • 25 އެމްޕީބީއެސް - 120 ޖީބީ - 749ރ.

އެ ދެ ކުންފުނިން އެ ސްޕީޑުތަކުގައި ދޭ ޕެކޭޖުތަކުގައި ކުދި ކުދި ތަފާތުތައް އުޅޭކަން ފާހަގަކުރެވެ އެވެ. އެ ގޮތުން ޑޭޓާ އެލަވަންސް ތަންކޮޅެއް ކުޑަކޮށް އަގަށް ބަދަލު ގެނެސްފައިވެ އެވެ.

ހަހަހަ
ހަހަހަ

ދިރާގު އާއި އުރީދޫ އިން މިހާރު ޕެކޭޖުތައް ދޭ އަގާއި ޖޫން މަހުން ފެށިގެން ހެޔޮވާ އަގުތައް. -އާޓްވާކް: އަބްދުﷲ ޝަފީއު (އަބޯ)/ އަދަދު

މި ތިން ޕެކޭޖު ހިޔާރުކޮށްފައިވަނީ، ކުރެވުނު ފުޅާ މަޝްވަރާތަކުގެ އަލީގައި، އާއްމު ގޭބީސީތަކުގައި އެންމެ މަގުބޫލުކަން ބޮޑު ޕެކޭޖުތަކަށް ބަލައިގެން ކަމަށް ސަރުކާރުން ބުނެ އެވެ.

އެގޮތުން ދެ ކުންފުނިން އެ ޕެކޭޖުތައް މިހާރު ދޭ އަގުތަކަށް ބަލާއިރު، ޖުލައި މަހުން ފެށިގެން 5 އެމްޕީބީއެސްގެ ޕެކޭޖަކުން ގާތްގަނޑަކަށް 100ރ. އަގު ހެޔޮވާނެ އެވެ.

އަދި 15 އެމްޕީބީއެސް ސްޕީޑުގައި 100 ޖީބީ ލިބޭ ދިރާގުގެ ޕެކޭޖުން 190ރ. ސަލާމަތްވާއިރު، އެ ސްޕީޑުގައި 549ރ. އަށް އުރީދޫން ލިބުނު 75 ޖީބީ، 49ރ. ހެޔޮކޮށް އިތުރު 25 ޖީބީ ލިބޭނެ އެވެ.

މީގެ އިތުރުން، 25 އެމްޕީބީއެސް ސްޕީޑުގައި 200 ޖީބީ މިހާރު ދިރާގުން 990ރ. އަށް ލިބޭ ޕެކޭޖު، ޖުލައި މަހުން ފެށިގެން 700ރ. އަށް ލިބޭނެ އެވެ.

ހަމަ އެ ސްޕީޑުގައި މިހާރު އުރީދޫން 120 ޖީބީ ލިބެނީ 749ރ. އަށެވެ. އެކަމަކު މި ގެނެވުނު ބަދަލުން 25 އެމްޕީބީއެސްގެ ސްޕީޑުގައި 200 ޖީބީ 700ރ. އަށް ހެޔޮ ވާނެ އެވެ.

ތުރޮޓުލް ސްޕީޑް މަތި، ހަރަދު އިތުރަށް ކުޑަވާނެ

ޕެކޭޖުތަކުގެ އަގުތައް ބޮޑުވުމުގެ ކަންބޮޑުވުމުގެ އިތުރުން، މަސް ދެބައި ވާއިރު ނަގާ ޕެކޭޖަށް ލިބޭ ޑޭޓާ ހުސްވެ، ތުރޮޓުލް ކުރުމުގެ ސަބަބުން އިންޓަނެޓުގެ ސްޕީޑު ދަށްވެ، އޭގެ އެއްވެސް ބޭނުމެއް ނުހިފޭ ހިސާބަށްދާ ކަމީ ވެސް އާއްމުންގެ ބޮޑު ޝަކުވާ އެކެވެ.

މިހާރު އުރީދޫގެ އިތުރުން ދިރާގުން ވެސް މި ތިން ޕެކޭޖުގައި ވެސް ދޭ ޖީބީ ކޮޅު ހުސްވުމުން، 1 އެމްޕީބީއެސްއަށް އިންޓަނެޓުގެ ސްޕީޑު ތުރޮޓުލް ކުރެ އެވެ. އެކަމަކު ގިނަ ވަގުތުތަކުގައި އެވަރަށް ވެސް ސްޕީޑެއް ނުލިބެ އެވެ.

އޭގެ ސަބަބުން އީމެއިލް އެއްހާ ހިސާބު ވެސް ފޮނުވާލަން ޖެހިއްޖެ ނަމަ، އެޑްއޮންގެ ނަމުގައި އިތުރު ޑޭޓާ ނަގަން މަޖުބޫރު ވަނީ އެވެ.

އެއާއެކު، ކޮންމެ މަހަކު ޕެކޭޖަށް ދައްކާ އަގު އިތުރަށް، އެކި ފަހަރު މަތިން ނަގާ އެޑްއޮންތަކާއެކު އިންޓަނެޓުގެ ބިލު އިންތިހާއަށް ބޮޑުވެގެން ދެ އެވެ.

ދިރާގު އެޑްއޮން ބައެއް އަގުތައް

  • 3 ޖީބީ - 30ރ.
  • 8 ޖީބީ - 50ރ.
  • 20 ޖީބީ - 100ރ.

އޫރީދޫ އެޑްއޮން ބައެއް އަގުތައް

  • 4 ޖީބީ - 50ރ.
  • 10 ޖީބީ - 100ރ.
  • 25 ޖީބީ - 200ރ.

އެ މައްސަލައަށް ހައްލެއް ގެންނަން ވެސް މިއަދު އިއުލާނުކުރި ބަދަލުތަކުގެ ތެރޭގައި ސަރުކާރުން ވަނީ ވިސްނައިފަ އެވެ.

އެގޮތުން، ފިކްސްޑް ބްރޯޑްބޭންޑު ހިދުމަތުގެ ދަށުން ދޭ މި ޕެކޭޖުތަކުގެ ސްޕީޑު، ޑޭޓާ ހުސްވުމުން 2 އެމްޕީބީއެސް އަށް ވުރެ ދަށް ނުކުރެވޭ ގޮތަށް މި ވަނީ ބަދަލުކޮށްފަ އެވެ.

އަދި 300ރ. އިން މަތީގެ ޕެކޭޖުތަކުގެ ތުރޮޓުލް ކުރެވޭ ސްޕީޑު ޖުލައި މަހުން ފަށިގެން 5 އެމްމީޕީބީ އެސް އަށް ވުރެ ދަށް ނުކުރެވޭނެ އެވެ.

އޭގެ މާނައަކީ 15 އެމްޕީބީއެސް އާއި 25 އެމްޕީބީއެސްގައި ދޭ ޕެކޭޖުތަކަށް ދޭ ޑޭޓާ އެލަވަންސް ހުސްވިޔަސް 5 އެމްޕީބީއެސްއަށް ވުރެ ދަށް ކުރުން ޖުލައި މަހުން ފެށިގެން މަނާވާނެ އެވެ.

އަދި ތުރޮޓުލް ސްޕީޑު ވަރަށް ގާތުން ބަލައި، މިހާރު ކަނޑައަޅާފައިވާ އުސޫލާ ހިލާފުވާނަމަ ފިޔަވަޅު އަޅާނެ ކަމުގެ ޔަގީންކަން ކޮމިޔުނިކޭޝަން އޮތޯރިޓީން މިއަދު ވަނީ ދީފަ އެވެ.

މިއަދު އިއުލާނުކުރި ބަދަލުތަކުގެ ތެރޭގައި މޯބައިލް އިންޓަނެޓުގެ ހިދުމަތަށް ވެސް ބައެއް ބަދަލުތައް ގެންނާނެ ކަމަށް ބުނެފައިވެ އެވެ.

އެކަމަކު އެ ބަދަލުތައް ގެންނަން ނިންމާފައިވަނީ އަންނަ އޮކްޓޯބަރު މަހުން ފެށިގެންނެވެ.

އެ ބަދަލުތައް ވެސް އެނގެން ކުރެވޭ އިންތިޒާރު ބޮޑެވެ.

އެކަމަކު މިއަދު މިއޮތީ ފިކްސްޑް ބްރޯޑްބޭންޑުގެ ވާހަކަ އެވެ. މިއީ ރައްޔިތުން ބޭނުންވެފައި ތިބި ބަދަލުތޯ އާއި އިންޓަނެޓުގެ އަގު ހަގީގަތުގައި ވެސް ހެޔޮ ވެއްޖެތޯ މިހާރު ވެސް ބަހުސް ފެށިގެން ކުރިއަށް އެބަދެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox