ހަފްތާއެއް ތެރޭ އިންޑިއާއަށް ދެ ވަނަ ތޫފާން އަރައިފި

ހުޅަނގު ބެންގޯލްގައި ފެންބޮޑުވެފައި.-- ފޮޓޯ: ރޮއިޓާޒް

ހުޅަނގު ބެންގޯލްގައި ފެންބޮޑުވެފައި.-- ފޮޓޯ: ރޮއިޓާޒް

އިންޑިއާގެ ހުޅަނގު އައްސޭރި ފަށަށް ބާރުގަދަ ތޫފާނެއް އެރިތާ މާ ގިނަ ދުވަސް ނުވަނީސް އިރުމަތީ އައްސޭރި ފަށަށް ވެސް ބާރުގަދަ ތޫފާނެއް އަރައިފި އެވެ.

ތޫފާން ޔާސްއަކީ މި ހަފްތާގައި އިންޑިއާއަށް އެރި ދެ ވަނަ ތޫފާނެވެ. އެ ތޫފާނަށް ތައްޔާރުވުމުގެ ގޮތުން މިލިއަނަކަށް ވުރެ ގިނަ މީހުން ވަނީ ރައްކާތެރި ހިސާބުތަކަށް ބަދަލުކޮށްފަ އެވެ.

މި ހަފްތާގެ ކުރީކޮޅު ތޫފާނު ޓައުކްޓޭ އިންޑިއާގެ ހުޅަނގު އައްސޭރި ފަށަށް އެރުމުން ލިބުނު ގެއްލުންތަކުގައި 150 މީހުން މަރުވި އެވެ. އެއީ 20 އަހަރު ތެރޭ އެ ހިސާބަށް އެރި އެންމެ ބާރުގަދަ ތޫފާނެވެ.

Advertisement

ތޫފާން ޔާސް އެންމެ ފުރަތަމަ އެރީ އޮރިއްސާ އަށެވެ. އެ ތަނުގައި ގަދަވަޔާއެކު ބޯކޮށް ވާރޭ ވެހުމުގެ ސަބަބުން ފެންބޮޑުވެ، ބައެއް އިމާރާތްތަކަށް ގެއްލުންވެފައި ވެ އެވެ.

އިންޑިއާގެ މިޓިއޮރޮލޮޖިކަލް ޑިޕާޓްމަންޓުން ބުނީ އައްސޭރި ފަށުގައިވާ ބިންތިރި ހިސާބުތަކަށް ބޯކޮށް ވާރޭ ވެހުމުގެ އިތުރުން އުދަ އަރަމުން ދާތީ އެއްކޮށް ފެންބޮޑުވެފައިވާ ކަމަށެވެ.

އެގޮތުން ވެސްޓް ބެންގޯލް އާއި އޮރިއްސާގެ ގިނަ އަވަށްތަކުގައި ވަނީ ފެންބޮޑުވެފަ އެވެ. އެ ތަންތަނުގައި ހާލުގައި ޖެހިފައި ތިބި މީހުން ސަލާމަތް ކުރަން ސިފައިން ދަނީ ހަރަކާތްތެރިވަމުންނެވެ.

ތޫފާން ޔާސްގައި ގަޑިއަކު 140 ކިލޯމީޓަރު ބާރު މިނުގައި ވައި ޖެހޭނެ ކަމަށް ލަފާކޮށްފައި ވެ އެވެ. ގަޑިއަކު 155 ކިލޯމީޓަރުގެ ވައި ޖެހުމަށް ފަހު ތޫފާނުގެ ބާރު ދަށް ވާން ފަށާނެ ކަމަށް ވަނީ ލަފާކޮށްފަ އެވެ.

އޮރިއްސާ އާއި ވެސްޓް ބެންގޯލް ސްޓޭޓުގެ އޮފިޝަލުން ބުނީ އައްސޭރި ފަށުގެ ހިސާބުތަކުގައި އެތައް މިލިއަން ބަޔަކު ހާލުގައި ޖެހުމުގެ ފުރުސަތު އެބަ އޮތް ކަމަށެވެ.

މިހާރު ވެސް އެތައް މިލިއަން ބަޔަކު ރައްކާތެރި ހިސާބުތަކަށް ބަދަލުކޮށްފައި ވާއިރު، އެ މީހުން ބައިތިއްބަން 1،200 ވަގުތީ ހިޔާ ވަނީ ހަދާފަ އެވެ. އެ ތަންތަން ހެދީ ކޮވިޑުން ރައްކާތެރިވުމުގެ ފިޔަވަޅުތަކާ އެކު އެވެ.

ނަމަވެސް ގައިދުރުކަން ބެހެއްޓުމާއި މާސްކު އެޅުން ފަދަ ކަންކަމަށް ހިޔާތަކުގައި މީހުން އަމަލު ނުކޮށްފި ނަމަ ބަލި ފެތުރިދާނެ ކަމުގެ ބިރު ވަރަށް ބޮޑެވެ.

އޮރިއްސާ އާއި ވެސްޓް ބެންގޯލްގެ އިތުރުން އަންދްރަ ޕްރަދޭޝް އާއި ޖާރްހަންދް އަދި ޓަމިލް ނާޑޫއަށް ވެސް ތޫފާނުގެ އަސަރު ކުރާނެ ކަމަށް ބެލެވެ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox