ޔޯގާ ގުރޫގެ ވާހަކަތަކާ މެދު ޑޮކްޓަރުން ހިތްހަމަނުޖެހިއްޖެ

އިންޑިއާގެ ޔޯގާ ގުރޫ ބާބާ ރާމްދޭވް.-- ފޮޓޯ: ގެޓީ އިމޭޖަޒް

އިންޑިއާގެ ޔޯގާ ގުރޫ ބާބާ ރާމްދޭވް.-- ފޮޓޯ: ގެޓީ އިމޭޖަޒް

ޒަމާނީ ބޭސްވެރިކަމަށް ފާޑުކިޔައި ގިނަ ވާހަކަތަކެއް ދެއްކި އިންޑިއާގެ ޔޯގާ ގުރޫ ބާބާ ރާމްދޭވްއާ މެދު ޑޮކްޓަރުން ހިތްހަމަނުޖެހިއްޖެ އެވެ.

ޔޯގާ ޕްރޮމޯޓް ކުރުމަށް އުޅޭ ރާމްދޭވް ދާދި ފަހުން ބުނެފައިވަނީ ކޮވިޑުގެ އެތައް ހާސް ބަޔަކު މަރުވީ ޒަމާނީ ބޭސްވެރިކަމަށް ފަހު ކަމަށެވެ. އަދި ކޮވިޑް ބަލި މީހުންނަށް އޮކްސިޖަން ސިލިންޑަރު ހޯދަން އުޅޭތީ ވެސް މަލާމާތް ކުރި އެވެ.

އެ ވާހަކަތަކާ ގުޅިގެން އިންޑިއާގެ ހެލްތު މިނިސްޓަރު ކަންބޮޑުވުން ފާޅުކުރެއްވުމުން އެ ވާހަކަތައް އަނބުރާ ގެންދާ ކަމަށް ރާމްދޭވް ބުންޏެވެ.

Advertisement

ނަމަވެސް އަނެއްކާވެސް މިދިޔަ ހޯމަ ދުވަހު އޭނާ ވަނީ ޒަމާނީ ބޭސްވެރިކަމުން ބައެއް ބަލިތަކަށް ފަރުވާއެއް ހޯދިފައި ނުވާތީ ހަޖޫ ޖަހާފަ އެވެ.

އިންޑިއާގެ ސިއްހީ ނިޒާމުގައި އެންމެ ސަމާލުކަމެއް ދެނީ ޒަމާނީ ބޭސްވެރިކަމަށް ނަމަވެސް، އަޔުރްވެދާ އާއި ހޯމިއޮތެރަޕީ ފަދަ ފަރުވާތައް ވެސް ވަރަށް މަގްބޫލެވެ.

އެފަދަ ފަރުވާތައް ޕްރޮމޯޓްކޮށްގެން ރާމްދޭވް ފަދަ ގިނަ ބަޔަކު އަންނަނީ ބޮޑެތި ވިޔަފާރިތައް ހިންގަމުންނެވެ. ފަރުވާގެ ހިދުމަތުގެ އިތުރުން އެކި ބާވަތުގެ ފަތްޕިލާވެލިން ހަދާފައިވާ ބޭސް ވެސް އެ ވިޔަފާރިތަކުން ވިއްކަ އެވެ.

ހެލްތު މިނިސްޓްރީގެ އިތުރުން މިނިސްޓްރީ އޮފް އަޔުރްވެދާ، ޔޯގާ އެންޑް ނެޓުރޮޕަތީ، އުނަނީ، ސިއްދާ އަދި ހޯމިއޮޕަތީ އެއް ވެސް އިންޑިއާގައި ހުރެ އެވެ. އެއީ އިންޑިއާގެ ސަގާފީ ބޭސްވެރިކަން ކުރިއަރުވާ މިނިސްޓްރީ އެވެ.

ރާމްދޭވް ފަދަ މަގްބޫލް މީހަކު ބޮޑު ބަލިމަޑުކަމެއްގެ ތެރޭގައި ޒަމާނީ ބޭސްވެރިކަމަށް ފާޑުކިޔުމުން އިންޑިއަން މެޑިކަލް އެސޯއިއޭޝަން (އައިއެމްއޭ) އިން ވަނީ ކަންބޮޑުވުން ފާޅުކޮށްފަ އެވެ.

އެއީ އެތައް މިލިއަން ބަޔަކު ސަޕޯޓް ކުރާ ރާމްދޭވްގެ ފަރާތުން ފެނުނު ޒިންމާދާރުކަން ކުޑަ އަމަލެއްގެ ގޮތުގައި އެ އެސޯސިއޭޝަނުން ސިފަކޮށްފައި ވެ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox