ބިއްލޫރިޖެހި ގޭގައި ޕާކިން ޒޯނެއް ހަދައި އެތަން ހުޅުވައިފި

ބިއްލޫރިޖެހި ގޭގައި ހެދި ޕާކިން ޒޯން: ކުރިން ޕާކިން ޒޯން ހެދުމަށް ކައުންސިލުން ވެސް އެދުނީ ހުއްދައަކަށް -- ފޮޓޯ: މާލޭ ސިޓީ ކައުންސިލް

ބިއްލޫރިޖެހި ގޭގައި ހެދި ޕާކިން ޒޯން: ކުރިން ޕާކިން ޒޯން ހެދުމަށް ކައުންސިލުން ވެސް އެދުނީ ހުއްދައަކަށް -- ފޮޓޯ: މާލޭ ސިޓީ ކައުންސިލް

ބިއްލޫރިޖެހި ގޭގައި މާލޭ ސިޓީ ކައުންސިލުން ޕާކިން ޒޯނެއް ހަދައި އެތަން މިއަދު ހެނދުނު އާންމުންނަށް ބޭނުން ކުރެވޭ ގޮތަށް ހުޅުވައިފި އެވެ.

ކުރީގެ ރައީސް މުހައްމަދު ނަޝީދުގެ ގެކޮޅު ގ. ކެނެރީގެ ހުންނަ ނީލޯފަރު މަގަގުގައި ސަލާމަތީ ސަބަބުތަކަށްޓަކައި ޕާކު ނުކުރެވޭ ގޮތް ހެދުމަށް އެމަނިކުފާނަށް ސެކިއުރިޓީ ފޯރުކޮށްދޭ އެމްއެންޑީއެފުން އޮތީ މާލޭ ސިޓީ ކައުންސިލްގެ ކިބައިގަ އެދިފަ އެވެ.

މި މެއި މަހުގެ ހަ ވަނަ ދުވަހު ނީލޯފަރު މަގާއި މަޖީދީ މަގާ ގުޅޭ ކަންމަތީ ސައިކަލެއްގައި ބޮމެއް ހަރުކޮށްގެން ނަޝީރު އަވަހާރަކޮށްލަން މަސައްކަތް ކޮށްފައި ވަނީ ނީލޯފަރު މަގުގައި ޕާކު ނުކުރެވޭ ގޮތް ހެދުމަށް އެދިފައި އޮއްވަ އެވެ.

Advertisement

މާލޭ މޭޔަރު ޑރ. މުހައްމަދު މުއިއްޒު ވިދާޅުވެފައި ވަނީ ބިއްލޫރިޖެހި ގޭގައި ޕާކިން ޒޯނެއް ހަދަން ފަށާފައި ވަނީ ރޭގެ ވަގުތެއްގައި ކަމަށެވެ. އަދި މިއަދު ހެނދުނު އެތަން ބޭނުން ކުރެވޭނެ ކަމަށް ވެސް ވިދާޅުވެފައި އޮތެވެ.

ނީލޯފަރު މަގު ހުސް ކުރުމަށް ސިފައިން އެދުމުން މާލޭ ސިޓީ ކައުންސިލުން ނިންމާފައި ވަނީ ނީލޯފަރު މަގުގައި ޕާކު ކުރާ ވެހިކަލްތައް ބަދަލު ކުރުން އެންމެ އެކަށީގެންވަނީ ބިއްލޫރިޖެހި ގޭގައި ޕާކިން ޒޯނެއް ހެދުމަށްފަހު އެތަނަށް ކަމަށެވެ.

ނަމަވެސް ކައުންސިލުން ނިންމާފައި ވަނީ ބިއްލޫރިޖެހި ގޭގައި ޕާކިން ޒޯން ހެދުމަށް ހުއްދަ ދޭންޖެހޭނީ މިނިސްޓްރީ އޮފް ނެޝަނަލް ޕްލޭނިންގެ ފަރާތުން ކަމަށެވެ. އެހެންވެ އެކަމުގެ ހުއްދައަށް އެދި މާލޭ ސިޓީ ކައުންސިލުން ވަނީ އެ މިނިސްޓްރީއަށް ސިޓީއެއް ވެސް ފޮނުވައިފަ އެވެ.

މިއަދު ބިއްލޫރިޖެހި ގޭގައި ޕާކިން ޒޯނެއް ހަދާފައި ވަނީ ޕްލޭނިން މިނިސްޓްރީން ހުއްދަ ނަގައިގެންކަން އެނގިފައެއް ނެތެވެ.

ރޭޒަރު ފުއްތަކެއް އަޅައިގެން ތައްޔާރުކޮށްފައި އޮތް އައިއީޑީއެއް ގޮއްވާލައިގެން ރައީސް ނަޝީދަށް އަވަހާރަކޮށްލަން ދިން ހަމަލާގައި އެމަނިކުފާނު ވަނީ ވަރަށް ބޮޑަށް ޒަހަމްވެވަޑައިގެންފަ އެވެ.

ރިމޯޓު ބޭނުންކޮށްގެން ބޮން ގޮއްވާލާފައި ވަނީ ރައީސް ނަޝީދު ބޮމާ އެންމެ ކައިރިވެވަޑައިގެންނެވި ވަގުތު ބެލުމަށްފަހު އެވެ. އެއިރު އެމަނިކުފާނު ހިންގަވާފައި ވަޑައިގެންނެވީ ކަންމަތީ ޕާކުކޮށްފައި އޮތް ކާރުކޮޅަށް އަރައިވަޑައިގަތުމަށެވެ.

އެމަނިކުފާނުގެ ހަށިކޮޅުން 10 ރޭޒަރު ފުއް ޑޮކްޓަރުން ނެގި އެވެ. ހަށިކޮޅަށް ލިބިވަޑައިގެންފައި ހުރި ޒަހަމްތަކުގެ ބޮޑުކަމުން ފުރާނަފުޅު ސަލާމަތް ކުރުމަށް ޑޮކްޓަރުން ހެދި ސާޖަރީތައް 16 ގަޑިއިރަށް ދެމިގެންދިޔަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox