މާދަމާއިން ފެށިގެން ސިނޯފާމްގެ ފުރަތަމަ ޑޯޒް އަދި ދެވަނަ ޑޯޒް ހެނދުނު ޖަހަން ފަށާނެ ކަމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ)ން ބުނެފި އެވެ.
އެޗްޕީއޭން ބުނީ ވެކްސިން ދޭން ހަމަޖެހިފައިވަނީ ހެނދުނު 9-11 އަށް ކަމަށެވެ.
ފުރަތަމް ޑޯޒް ޖަހާނީ އުމުރުން 18 އަރާއި 60 އަހަރުގެ މީހުންނަށެވެ. އަދި ދެވަނަ ޑޯޒް ޖަހާނީ މާޗު 22 އިން އޭޕްރީލް 10 ވަނަ ދުވަހާ ދެމެދު ފުރަތަމަ ޑޯޒް ޖަހާފައިވާ މީހުންނަށެވެ.
މާލެ ސަރަހައްދުގައި ވެކްސިން ޖަހައިދޭނީ އާޓް ގެލަރީ، ވިލިމާލެ ޔޫތް ސެންޓަރު އަދި ޓްރީޓޮޕް ހޮސްޕިޓަލުންނެވެ.
އެޗްޕީއޭން ބުނެފައިވަނީ ހެނދުނު ވެކްސިން ޖަހަން ބޭނުންވާނަމަ، އެމީހަކު ވީހާވެސް ލަހުން ހާރު ކެއުމަށް އެދޭ ކަމަށެވެ. އަދި، ވެކްސިން ދޭން ފަށާ ގަޑިއަށް ވެކްސިން ސެންޓަރަށް ދިއުމަށް ވެސް އެޗްޕީއޭން އެދެފައިވެ އެވެ.
ރާއްޖޭން މިހާތަނަށް 300،438 މީހުން ވަނީ ވެކްސިންގެ ފުރަތަމަ ޑޯޒް ޖަހާފައިވާއިރު، 126،790 މީހުން ވަނީ ދެވަނަ ޑޯޒް ޖަހާފައިވެ އެވެ.
އެންމެ ގިނަ ބަޔަކު ފުރަތަމަ ޑޯޒް ޖެހި، ކޮވިޝީލްޑް އާންމުކޮށް ޖެހުން މިހާރު ވަނީ ވެކްސިން ލިބުން ދަތިވެގެން ހުއްޓާލާފަ އެވެ.
