ދެ ދުވަސް ތެރޭ ރާއްޖޭން ކޮވިޑް ބަލީގައި އަށް މީހުން މަރުވެފައިވާކަން ކަމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ)ން ހާމަކޮށްފި އެވެ.
ރާއްޖޭގައި ކޮވިޑް ޖެހިގެން މަރުވާ މީހުންގެ އަދަދުތައް އިތުރުވެފައިމިވަނީ ރެކޯޑް އަދަދަކަށް ކޭސްތައް ފެންނަމުންދާ ދަނޑިވަޅެއްގަ އެވެ.
ކޮވިޑްގެ ކޭސްތައް މާލޭން ބޭރުން ވެސް ފެންނަ މިންވަރު އިތުރުވެފައިވާއިރު، 29 ރަށެއް އޮތީ މޮނީޓަރިންގެ ހާލަތުގަ އެވެ.
ފާއިތުވި 48 ގަޑިއިރުގެ ތެރޭގައި އެޗްޕީއޭން ރިޕޯޓް ކުރި މަރުތައް:
- 75 ވަނަ މަރު: އިއްޔެ މެންދަމު 03:18 ގައި ހުޅުމާލެ ކޮވިޑް ފެސިލިޓީގައި އޮތް 77 އަހަރުގެ ދިވެހި އަންހެނެއް
- 76 ވަނަ މަރު: އިއްޔެ މެންދުރު 12:30 ގައި ޅ. ނައިފަރު ހޮސްޕިޓަލުގައި އޮތް 83 އަހަރުގެ ދިވެހި ފިރިހެނެއް
- 77 ވަނަ މަރު: އިއްޔެ ފަތިހު 03:45 ގައި އއ. ރަސްދޫ އައިސޮލޭޝަންގައި ހުރި 61 އަހަރުގެ އިންޑިއާ ފިރިހެނެއް
- 78 ވަނަ މަރު: އިއްޔެ ރޭ 07:50 ގައި ޅ. ނައިފަރު ހޮސްޕިޓަލުގައި އޮތް 97 އަހަރުގެ ދިވެހި އަންހެނެއް
- 79 ވަނަ މަރު: އިއްޔެ ރޭ 21:35 ގައި ހުޅުމާލެ ކޮވިޑް ފެސިލިޓީގައި އޮތް 88 އަހަރުގެ ދިވެހި ފިރިހެނެއް
- 80 ވަނަ މަރު: އިއްޔެ ރޭ މެންދަމު 03:47 ގައި ދަރުމަވަންތަ ހޮސްޕިޓަލުގައި އޮތް 60 އަހަރުގެ އިންޑިއާ ފިރިހެނެއް
- 81 ވަނަ މަރު: މިއަދު ހެނދުނު 07:50 ގައި ކ. މާފުށި އައިސޮލޭޝަނުގައި ހުރި 37 އަހަރުގެ ބަންގްލަދޭޝް ފިރިހެނެއް
- 82 ވަނަ މަރު: މިއަދު މެނދުރު 2:46 ގައި ދަރުމަވަންތަ ހޮސްޕިޓަލުގައި އޮތް 81 އަހަރުގެ ދިވެހި އަންހެނެއް
މިއީ ކޮވިޑް ފެތުރެން ފެށިފަހުން ރާއްޖޭގައި އެންމެ ގިނަ މީހުން ކައިރިކައިރީގައި މަރުވި ފަހަރެވެ.
ރާއްޖޭގައި ކޮވިޑް ކޭސްތައް އިންތިހާއަށް ފެނުމާ ގުޅިގެން މާލެ ސަރަހައްދު އަދި ބައެއް ރަށްރަށުގައި ކާފިއު ވެސް ދަނީ ހިންގަމުންނެވެ. އޭގެއިތުރުން ވެސް ގިނަ ފިޔަވަޅުތަކެއް އަޅައި، ކަންކަން ވަނީ ހަރުކަށިކޮށްފަ އެވެ.
