ކޮވިޑް ބަލިމަޑުކަމާ ގުޅިގެން ދުނިޔޭގައި ކޮންމެ ދެ މީހަކު އެކެއްގެ އާމްދަނީއަށް އަސަރު ކުރި ކަމަށް އެމެރިކާގެ ޕޯލިން ކުންފުނި ގޮލަޕުން ކުރި ދިރާސާއިން ދައްކައިފި އެވެ.
އެ ދިރާސާއިން ދެއްކި ގޮތުގައި އެންމެ ބޮޑަށް އަސަރުކޮށްފައިވަނީ ފަގީރު ގައުމުތަކުގެ މީހުންނަށެވެ. އެގޮތުން ވަފީޒާ ގެއްލުމާއި، ވަފީޒާގެ ވަގުތު ކުޑަ ކުރުން ފަދަ ކަންކަން ދިމާވި އެވެ.
އެ ސާވޭގައި ދުނިޔޭގެ 117 ގައުމަކުން ތިން ލައްކައަށް ވުރެ ގިނަ މީހުން ބައިވެރިވި އެވެ. ދިރާސާއިން އެނގުނު ގޮތުގައި ވަޒީފާގައި އުޅޭ މީހުންގެ ދެބައި ކުޅަ އެއްބައި މީހުންގެ އާމްދަނީ ވަނީ ކޮވިޑާ ގުޅިގެން ދަށްވެފަ އެވެ. އެހެންކަމުން ދުނިޔޭގައި މަސައްކަތް ކުރާ 1.6 ބިލިއަން މީހުންގެ އާމްދަނީއަށް އަސަރުކޮށްފައިވާ ކަމަށް ބެލެވެ އެވެ.
އާމްދަނީ އެންމެ ބޮޑަށް ދަށްވެފައިވާ ކަމަށް ފާހަގަކޮށްފައި ވަނީ ބޮލީވިއާ، ކެންޔާ، މިޔަންމާ، އިންޑޮނީޝިއާ، ޔުގެންޑާ، ހިންޑިއުރަސް އަދި އިކުއެޑޯގަ އެވެ. އެ ގައުމުތަކުގެ 70 ޕަސެންޓު މީހުންގެ އާމްދަނީ ދަށްވި އެވެ. އެމެރިކާގައި އާމްދަނީއަށް އަސަރު ކުރި ކަމަށް ބެލެވެނީ 34 ޕަސެންޓު މީހުންނަށެވެ.
މަސައްކަތްތެރިންގެ ތެރެއިން ވެސް އެންމެ ބޮޑު އަސަރެއް ކުރީ އަންހެނުންނަށެވެ. ބައިނަލްއަގްވާމީ ޗެރިޓީ ގްރޫޕު، އޮކްސްފާމުން ހެދި ދިރާސާއިން އެނގުނު ގޮތުގައި ބަލިމަޑުކަމުގެ ސަބަބުން އަންހެނުންނަށް 800 ބިލިއަން ޑޮލަރުގެ ގެއްލުމެއް ވަނީ ވެފަ އެވެ.
އޭގެ އިތުރުން ބަލިމަޑުކަމުގެ ސަބަބުން ކޮންމެ ތިން މީހަކުން އެކެއްގެ ވަޒީފާ ގެއްލުނު ކަމަށް ދިރާސާއިން ދެއްކި އެވެ.
