އިންޑިއާގެ ވެކްސިން އުފައްދާ ސިރަމް އިންސްޓިޓިއުޓުގެ ވެރިޔާއަށް އިންޒާރު

ސިރަމް އިންސްޓިޓިއުޓް އޮފް އިންޑިއާގެ ވެރިޔާ އާދަރް ޕޫނަވައްލާ.-- ފޮޓޯ: ރޮއިޓާޒް

ސިރަމް އިންސްޓިޓިއުޓް އޮފް އިންޑިއާގެ ވެރިޔާ އާދަރް ޕޫނަވައްލާ.-- ފޮޓޯ: ރޮއިޓާޒް

ވެކްސިން އުފައްދާ ދުނިޔޭގެ އެންމެ ބޮޑު ކުންފުނި، ސިރަމް އިންސްޓިޓިއުޓް އޮފް އިންޑިއާގެ ވެރިޔާ އާދަރް ޕޫނަވައްލާއަށް އިންޒާރުދެމުންދާ ކަމަށް އޭނާ ބުނެފި އެވެ.

އިނގިރޭސި ވިލާތުގެ ނޫހަކަށް ދިން އިންޓަވިއުގައި އޭނާ ބުނީ ވެކްސިން ޑެލިވާ ކުރުމާ ގުޅޭ ގޮތުން "ނުފޫޒު ގަދަ" ބައެއްގެ ފަރާތުން އިންޒާރު ލިބެމުންދާ ކަމަށެވެ. އެގޮތުން ފޯނުން ގުޅާ، ވަގުތުން ވެކްސިން ފޮނުވަން އަމުރު ކުރި ކަމަށް އޭނާ ބުނެފައި ވެއެވެ.

ރިޕޯޓުތައް ބުނާ ގޮތުން އިންޑިއާއަށް ދޫކޮށް އަންހެނުންނާއި ދަރިން ކައިރިއަށް އުމުރުން 40 އަހަރުގެ ޕޫނަވައްލާ ލަންޑަނަށް ދިޔަ ސަބަބަކީ ވެސް އިންޒާރުތައް ލިބެމުން ދިޔުމެވެ.

Advertisement

"އަޅުގަނޑު މި ތަނުގައި [ލަންޑަނުގައި] ދިގު މުއްދަތަކަށް މި މަޑު ކުރަނީ އެ ހާލަތަށް އެނބުރި ދާން ބޭނުން ނުވާތީ. ހުރިހާ ކަމެއް އެޅެނީ އަޅުގަނޑުގެ ކޮނޑުގައި. އެކަމަކު އެކަންޏެއް މިކަމެއް ނުވާނެ،" އޭނާ ބުނި ކަމަށް އިންޑިއާ ޓުޑޭގައި ވެއެވެ.

ޕްރެސް ޓްރަސްޓް އޮފް އިންޑިއާ ނޫހުން ބުނީ ސަރުކާރުން މިހާރު ވަނީ ޕޫނަވައްލާއަށް ސެކިއުރިޓީ ހަމަޖައްސާފައި ކަމަށެވެ. އެގޮތުން އޭނާ އިންޑިއާގައި އުޅޭ ހުރިހާ ވަގުތެއްގައި ހަތިޔާރު އެޅި ކޮމާންޑޯ ގާޑުން ކައިރީގައި ތިބޭނެ އެވެ.

ސިރަމް އިންސްޓިޓިއުޓުން ދަނީ އޮކްސްފޯޑް ޔުނިވާސިޓީގެ ކޮވިޑް ވެކްސިން ފޯމިއުލާއަށް ބިނާކޮށް ކޮވިޝީލްޑް ވެކްސިން އުފައްދަމުންނެވެ.

މި ވަގުތު އިނގިރޭސިވިލާތުގައި ހުރި ޕޫނަވައްލާ ބުނީ އެ ގައުމުގައި ވެކްސިން އުފައްދަން ހާއްސަ ސިރަމް އިންސްޓިޓިއުޓުގެ ޔުނިޓެއް ގާއިމް ކުރަން ވެސް ވިސްނަމުންދާ ކަމަށެވެ.

ވެކްސިން އުފައްދަން ބޭނުންވާ ސާމާނު އެކްސްޕޯޓް ކުރުން އެމެރިކާއިން މަނާ ކުރުމުން މިދިޔަ ފެބްރުއަރީ މަހުން ފެށިގެން ވެކްސިނުގެ ސަޕްލައި ވަނީ ދަށްވެފަ އެވެ.

އިންޑިއާގެ ބައެއް ސްޓޭޓުތަކުން ވެކްސިން ހުސްވެފައި ވާއިރު، މޭ އެއް ވަނަ ދުވަހުން ފެށިގެން 18 އަހަރުން މަތީގެ އެންމެންނަށް ވެކްސިން ދެވޭނެ ކަމަށް ކަނޑައެޅި ނަމަވެސް، ވެކްސިން ނުލިބޭތީ އެކަން ބާރަށް ކުރިއަށް ނުދެ އެވެ.

ބެލެވޭ ގޮތުގައި އޭނާއަށް އިންޒާރު ދީފައީ މި ވަނީ މައްސަލައިގެ ތެރެއިންނެވެ. އިންޑިއާގައި ދިމާވެފައިވާ ކޮވިޑު ކާރިސާއާ ގުޅިގެން އެމެރިކާއިން މިހާރު ބުނެފައި ވަނީ ވެކްސިން ހަދާ ސާމާނު ފޯރުކޮށްދޭނެ ކަމަށެވެ.

ނަމަވެސް ޕޫނަވައްލާ ބުނީ އަދި ދެ ތިން މަހަށް ދަތިކަން ކުރިމަތިވެދާނެ ކަމަށެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox