އިންޑިއާގައި ކޮވިޑުގެ ހާލަތު އިންތިހާއަށް ގޯސްވެފައި ވަނިކޮށް ބޭއްވި ވެސްޓް ބެންގޯލް ސްޓޭޓުގެ އިންތިހާބުން ބޮޑު ވަޒީރު ނަރެންދްރަ މޯދީގެ ޕާޓީ ބަލިވެއްޖެ އެވެ.
އިންތިހާބަށް ކެމްޕެއިން ކުރަން ބަރަތިޔަ ޖަނަތަ ޕާޓީ (ބީޖޭޕީ) އިން ބޮޑު އެއްވުންތައް ބޭއްވި ނަމަވެސް މޮޅުވީ މިހާރު ވެސް އެ ތަނުގައި ވެރިކަން ކުރައްވާ މަމްތާ ބަނެރްޖީ އެވެ. އޭނާއަކީ މޯދީއަށް ވަރަށް ބޮޑަށް ފާޑުވިދާޅުވާ ބޭފުޅެކެވެ.
މިއީ ވެސްޓް ބެންގޯލްގެ ޗީފް މިނިސްޓަރަކަށް މަމްތާ ހޮވިވަޑައިގެންނެވި ތިން ވަނަ ފަހަރެވެ. އޭނާއަކީ އިންޑިއާގެ ޗީފް މިނިސްޓަރުކަން ކުރައްވާ ހަމައެކަނި އަންހެން ލީޑަރެވެ.
މަމާތާ ބަނެރެޖްީ.-- ފޮޓޯ: ގެޓީ އިމޭޖަޒް
ކޮވިޑުގެ ހާލަތު ގޯސްވެފައި ވާއިރު، ބަލިމަޑުކަމަށް ވުރެ އިންތިހާބަށް މޯދީ އިސްކަން ދެއްވާ ކަމުގެ ފާޑުކިޔުންތައް ވަނީ އަމާޒުވެފަ އެވެ. ވެސްޓް ބެންގޯލްގެ އިތުރުން އައްސާމް، ޓަމިލް ނާޑޫ، ކެރަލާ އަދި ޕުންޑުޗެރީގައި ވެސް އިންތިހާބު ބާއްވާފައި ވެއެވެ.
އިރު އުތުރު އައްސާމް ސްޓޭޓުން ބީޖޭޕީއަށް ކާމިޔާބު ލިބުނު ނަމަވެސް، އެހެން ސްޓޭޓުތަކުން ބަލިވީ އެވެ.
އެތައް މިލިއަން ބަޔަކު އެއްވެ ވޯޓުލާފައި ވާއިރު، ފާއިތުވި 10 ދުވަހު އިންޑިއާގެ ކޮވިޑު ކޭސްތައް ކޮންމެ ދުވަހަކު ވެސް އުޅެނީ ތިން ލައްކައިން މަތީގަ އެވެ. އިއްޔެ 3،689 މީހުންނާއެކު ރިކޯޑު އަދަދަކަށް މީހުން މަރުވި އެވެ.
