މޯދީއަކީ ކޮވިޑުގެ "ސުޕަ ސްޕްރެޑާ" އެއް ގޮތަށް ސިފަކޮށްފި

އިންޑިއާގެ ބޮޑު ވަޒީރު ނަރެންދްރަ މޯދީ.-- ފޮޓޯ: އިންޑިއާ ޓީވީ ނިއުސް

އިންޑިއާގެ ބޮޑު ވަޒީރު ނަރެންދްރަ މޯދީ.-- ފޮޓޯ: އިންޑިއާ ޓީވީ ނިއުސް

އިންޑިއާގެ ބޮޑު ވަޒީރު ނަރެންދްރަ މޯދީއަކީ ކޮވިޑު ބަލީގެ "ސުޕަ ސްޕްރެޑާ" އެއް ގޮތުގައި އިންޑިއަން މެޑިކަލް އެސޯސިއޭޝަނުގެ ނައިބު ރައީސް ސިފަކުރައްވައިފި އެވެ.

ޑރ. ނަވްޖޯތު ދަހިޔާ ވިދާޅުވީ މޯދީއަކީ "ސުޕަ ސްޕްރެޑާ" އެއް ނުވަތަ ހަލުވިކަމާ އެކު މި ބަލި ފެތުރުމަށް މެދުވެރިވި ސަބަބެއް ކަމަށެވެ. އެމަނިކުފާނު ވަނީ "ކޮވިޑާ ގުޅިގެން ގެނައި ހުރިހާ ބަދަލެއް ބައިގެ ތެރެއަށް އެއްލާލާފައި" ކަމަށް ވެސް ދަހިޔާ ތުހުމަތު ކުރެއްވި އެވެ.

އިންޑިއަން މެޑިކަލް އެސޯސިއޭޝަނުން މޯދީއަށް ފާޑުކިޔާފައި ވާއިރު، ކޮވިޑުގެ ދެ ވަނަ ރާޅެއްގައި ކުއްލިއަކަށް އިންޑިއާގެ ހާލަތު ގޯސްވުމާއި، އެ ހާލަތާ މެދު އަމަލު ކުރި ގޮތުގެ ސަބަބުން ގިނަ ބަޔަކު ތިބީ ސަރުކާރާ މެދު ހިތްހަމަނުޖެހިފަ އެވެ.

Advertisement

ހާލަތު ގޯސްވެފައިވާ މި ދަނޑިވަޅުގައި ވެސް ސްޓޭޓް އިންތިހާބުތަކަށް ދަނީ ތައްޔާރުވަމުންނެވެ. އެހެންކަމުން އާއްމުންގެ ރުޅިގަނޑު އަމާޒުވަނީ ސްޓޭޓު ސަރުކާރުތަކުގެ އިތުރުން މައި ސަރުކާރަށެވެ.

ގިނަ ބަޔަކު ތުހުމަތު ކުރާ ގޮތުގައި މޯދީ ވަނީ ސައިންޓިފިކް އިންޒާރުތަކަށް ބީރު ކަންފަތެއް ދެއްވައި، ކެމްޕޭން އެއްވުންތައް ކުރިއަށް ގެންދިޔުމަށާއި، ހިންދޫ ދީނުގެ އެންމެ ބޮޑު ފެސްޓިވަލް ބޭއްވުމަށް ހުއްދަ ދެއްވާފަ އެވެ.

އޭގެ އިތުރުން ހާލަތު ގޯސްވެ، އޮކްސިޖަނާއި ބޭސް އަދި ވެކްސިން ހުސްވާ ކަމަށް ހޮސްޕިޓަލްތަކުން ބުނުމުން ހަގީގަތް އޮޅުވާލަން މަސައްކަތް ކުރެއްވި ކަމަށް ބުނެ ވެސް މޯދީއަށް ފާޑުކިޔުން އަމާޒުވެ އެވެ.

މޯދީ ވިދާޅުވީ އޮކްސިޖަނާއި ސިއްހީ އިންފްރާސްޓްރަކްޗާ އިތުރު ކުރެވޭނެ ގޮތް ބެލުމަށް އިއްޔެ ވެސް ތިން ބައްދަލުވުމެއް ބޭއްވި ކަމަށެވެ. އަދި އޮކްސިޖަން ސަޕްލައި އަވަހަށް ފޯރުކޮށްދިނުމަށް ރޭލުތަކާއި، އަސްކަރީ ވައިގެ އުޅަނދުތައް ބޭނުން ކުރަން ނިންމާފައިވާ ކަމަށް ވިދާޅުވި އެވެ.

އެކަމަކު އާއްމުން ގަބޫލުކުރާ ގޮތުގައި މި ކާރިސާއާ މެދު ސަރުކާރުން ފިޔަވަޅު އަޅަމުން ދަނީ ވަރަށް ލަސް ދުވެއްޔެއްގަ އެވެ. އަދި އެންމެ އަވަހަށް ބޭނުންވާ ހިދުމަތްތަކަށް އިސްކަން ނުދޭ ކަމަށް އާއްމުން ދެކެ އެވެ.

އެގޮތުން އާއްމުންނަށް އެހީވާން ސިފައިން ނެރުނީ ވެސް މާ ލަހުން ކަމަށާއި، އެމެޖެންސީ ހޮސްޕިޓަލްތައް އެޅުމުގެ މަސައްކަތް ކުރަމުން ނުދާ ކަމަށް ތުހުމަތު ކުރެ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox