އިންޑިއާ ކޮވިޑް ވޭރިއެންޓާ ދެކޮޅަށް ވެކްސިން މަސައްކަތް ކުރާނެތަ؟

އިންޑިއާގެ ޖައްމު ކަޝްމީރުގައި ކޮވިޑަށް ޓެސްޓު ކުރަން ކިޔު ދަމާލާފައި.-- ފޮޓޯ: އީޕީއޭ

އިންޑިއާގެ ޖައްމު ކަޝްމީރުގައި ކޮވިޑަށް ޓެސްޓު ކުރަން ކިޔު ދަމާލާފައި.-- ފޮޓޯ: އީޕީއޭ

ދުނިޔެއަށް ފެތުރިފައިވާ ކޮވިޑް ބަލިމަޑުކަމުގައި އަވައްޓެރި އިންޑިއާގެ ހާލަތު ކުއްލިއަކަށް މިދިޔަ މާޗް މަހުން ފެށިގެން ވަރަށް ބޮޑަށް ގޯސްވެއްޖެ އެވެ. ކޮންމެ ދުވަހަކު ރިކޯޑު އަދަދަކަށް މީހުން ޕޮޒިޓިވްވެ، މަރުވަމުން އެބަ ދެ އެވެ. ހިފެހެއްޓުމެއް ނެތި ކޭސްތައް އިތުރުވާން ފަށައި، ސައިންސްވެރިންނަށް ވަނީ މި ބަލި ފަތުރާ ކޮރޯނާވައިރަހުގެ މުޅިން އާ ވޭރިއެންޓެއް އިންޑިއާއިން ހޯދައިފަ އެވެ.

އެކަމަކު މި ވޭރިއެންޓު ފެތުރިފައިވަނީ ކިހާ މިންވަރަކަށް ކަމެއް ސައިންސްވެރިންނަކަށް ނޭނގެ އެވެ. އަދި އިންޑިއާގެ ހާލަތު އެހާ ގޯސްވެފައި ވަނީ ވެސް މި ވޭރިއެންޓުގެ ސަބަބުން ކަމެއް ބުނަން ވެސް ސައިންސްވެރިންނަކަށް ނޭނގެ އެވެ. މިއީ މުޅިން އަލަށް ފެނުނު ވޭރިއެންޓަކަށް ވާތީ ތަހުލީލުތައް ދަނީ ކުރިއަށެވެ. ތިރީގައި އެ ވަނީ މިހާތަނަށް މި ވޭރިއެންޓާ ގުޅޭ ގޮތުން ހޯދިފައިވާ ބައެއް މައުލޫމާތެވެ.

އިންޑިއާ ކޮވިޑް ވޭރިއެންޓަކީ ކޮބާ؟

ކޮންމެ ވައިރަހެއް ވެސް ބަދަލުވަމުން ދެ އެވެ. އެގޮތުން ބަދަލުވަމުން ގޮސް އޮރިޖިނަލް ވައިރަހާ ތަފާތު ވޭރިއެންޓު ނުވަތަ ބާވަތްތައް އުފެދެ އެވެ.

Advertisement

މިގޮތަށް ވައިރަހަކަށް އަންނަ ގިނަ ބަދަލުތަކަކީ އޭގެން މާ ބޮޑު އަސަރެއް ކުރާ ބަދަލެއް ނޫނެވެ. ބައެއް ބަދަލުގެ ސަބަބުން ވައިރަހުގެ ނުރައްކާތެރިކަން ކުޑަވާ ފަހަރު ވެސް އާދެ އެވެ. އެކަމަކު ބައެއް ފަހަރު އަންނަ ބަދަލެއްގެ ސަބަބުން ވައިރަހުގެ ނުރައްކާ އިތުރުވެ، ވެކްސިނުން ކުރާ އަސަރު ކުޑަ ވެ އެވެ.

އިންޑިއާއިން ފެނުނު ވޭރިއެންޓް ބީ.617.1 އެންމެ ފުރަތަމަ ފާހަގަވީ މިދިޔަ އޮކްޓޯބަރު މަހު އެވެ.

ކިހާ ވަރަކަށް ފެތުރިއްޖެ؟

އިންޑިއާގައި ސާމްޕަލް ޓެސްޓު ކުރުން މަދުކަމުން މި ސުވާލުގެ ޖަވާބު ހޯދަން އުނދަގޫ ވެ އެވެ.

އިންޑިއާގެ ހުޅަނގު މަހަރާޝްތްރަ ސްޓޭޓުގައި މިދިޔަ ޖެނުއަރީ މަހާއި މާޗް މަހާ ދެމެދު ނެގި 361 ސާމްޕަލެއްގެ ތެރެއިން 220 ސާމްޕަލް ޕޮޒިޓިވްވީ މި ވޭރިއެންޓަށެވެ.

ކޮވިޑް ބަލި މީހަކަށް އެމްބިއުލާންސެއްގައި އޮކްސިޖަން ގުޅައިގެން ފަރުވާ ދެނީ--
ކޮވިޑް ބަލި މީހަކަށް އެމްބިއުލާންސެއްގައި އޮކްސިޖަން ގުޅައިގެން ފަރުވާ ދެނީ--

ކޮވިޑް ބަލި މީހަކަށް އެމްބިއުލާންސެއްގައި އޮކްސިޖަން ގުޅައިގެން ފަރުވާ ދެނީ--

މިހާތަނަށް 21 ގައުމަކުން ވެސް މި ވޭރިއެންޓު ފެނިފައި ވެއެވެ.

އިނގިރޭސި ވިލާތުގެ އާއްމު ސިއްހަތާ ބެހޭ އިދާރާއިން މި ވޭރިއެންޓު ލިސްޓުކޮށްފައިވަނީ ތަހުގީގު ކުރަމުންވާ ވޭރިއެންޓެއްގެ ގޮތުގަ އެވެ. މިހާތަނަށް މިއީ ކަންބޮޑުވާން ޖެހޭ ވޭރިއެންޓެއްގެ ގޮތުގައި އެ އިދާރާއިން ކަނޑައަޅާފައެއް ނުވެ އެވެ.

ފެތުރެނީ ކޮން ދުވެއްޔެއްގައި އަދި ކިހާ ނުރައްކާތެރި؟

މި ވެކްސިން ހަލުވިކަމާއެކު ފެތުރޭ ކަމެއް އަދި ވެކްސިނުން އެއާ ދެކޮޅަށް މަސައްކަތް ކުރާ މިންވަރެއް މިހާތަނަށް ސައިންސްވެރިންނަށް ހޯދިފައެއް ނުވެ އެވެ.

ލުއިޒިއާނާ ސްޓޭޓް ޔުނިވާސިޓީގެ ވައިރޮލޮޖިސްޓް ޑރ. ޖެރެމީ ކަމިލް ވިދާޅުވީ މި ވޭރިއެންޓަށް އައިސްފައިވާ ބަދަލެއް ދެކުނު އެފްރިކާ އާއި ބްރެޒިލުން ފެނުނު ވޭރިއެންޓުތަކާ އެއް ގޮތް ކަމަށެވެ.

މި ބަދަލަކީ ކުރިން ކޮވިޑް ޖެހިގެން ނުވަތަ ވެކްސިން ޖެހުމުން ހަށިގަނޑުގެ ދިފާއީ ނިޒާމުގައި އުފެދޭ އެންޓި ބޮޑީޒްއަށް ވުރެ ބާރު ގަދަވުމަށް ވައިރަހަށް އެހީވާ ބަދަލެކެވެ.

އޭނާ ވިދާޅުވީ އިންޑިއާ ވޭރިއެންޓަށް ވުރެ އިނގިރޭސިވިލާތުން ފެނި، 50 އަށް ވުރެ ގިނަ ގައުމަށް ފެތުރިފައިވާ ވޭރިއެންޓާ މެދު ކަންބޮޑުވާ މިންވަރު ބޮޑު ކަމަށެވެ.

"އަޅުގަނޑަކަށް ހިޔެއް ނުވޭ އިނގިރޭސި ވިލާތުގެ ވޭރިއެންޓަށް ވުރެ ހަލުވިކަމާއެކު އިންޑިއާ ވޭރިއެންޓު ފެތުރޭހެން. އަޅުގަނޑުމެން ހާސްވެގެން ނުވާނެ،" ޑރ. ކަމިލް ބީބީސީއަށް ވިދާޅުވި އެވެ.

މި ވޭރިއެެންޓާ ބެހޭ ގޮތުން އެހާ ކުޑަ މިންވަރެއް އެނގެނީ ކީއްވެ؟

އިންޑިއާގެ ވޭރިއެންޓާ ގުޅޭ ތަފާސްހިސާބު ފުރިހަމަ ނޫން ކަމަށް ސައިންސްވެރިން ބުނެ އެވެ. މިހާތަނަށް އިންޑިއާއިން ސައިންސްވެރިންނަށް ލިބުނީ މި ވޭރިއެންޓުގެ އެންމެ 298 ސާމްޕަލެވެ. މުޅި ދުނިޔެއިން ލިބުނީ 656 ސާމްޕަލެވެ. ނަމަވެސް އިނގިރޭސިވި ލާތުގެ ވޭރިއެންޓުގެ 384،000 ސާމްޕަލް ސައިންސްވެރިން ދިރާސާކޮށްފައި ވެއެވެ.

އިންޑިއާއިން މި ވޭރިއެންޓު ފުރަތަމަ ކޭސްތައް ފެނުނު ފަހުން މުޅި ދުނިޔެއިން އަދި އަދަށް ފެނިފައިވަނީ 400 އަށް މަދު ކޭސް ކަމަށް ޑރ. ކަމިލް ވިދާޅުވި އެވެ.

އިންޑިއާގެ ދެ ވަނަ ރާޅުގެ ފަހަތުގައި ވަނީ މި ވޭރިއެންޓުތަ؟

އޭޕްރިލް 15 ވަނަ ދުވަހުން ފެށިގެން އިންޑިއާގައި ކޮންމެ ދުވަހަކު ވެސް 200،000 އަށް ވުރެ ގިނަ މީހުން ކޮވިޑަށް ޕޮޒިޓިވްވި އެވެ. މި ހަފްތާގައި އަދަދު ވަނީ 300،000 އަށް ވުރެ މަތިވެފަ އެވެ.

ކޭސްތަކާއެކު މަރުވާ މީހުންގެ އަދަދުތައް ވެސް ދަނީ އިތުރުވަމުންނެވެ.

ކޮވިޑުގައި މަރުވި މީހެއްގެ އާއިލާއިން ހިތާމަފާޅު ކުރަނީ--
ކޮވިޑުގައި މަރުވި މީހެއްގެ އާއިލާއިން ހިތާމަފާޅު ކުރަނީ--

ކޮވިޑުގައި މަރުވި މީހެއްގެ އާއިލާއިން ހިތާމަފާޅު ކުރަނީ--

"އިންޑިއާގެ ބޮޑު އާބާދީ އާއި ތޮއްޖެހުމުގެ މައްސަލައަކީ މި ވައިރަހަށް ބަދަލުތައް އައިސް ބޭނުން ގޮތަކަށް އުޅެލަން ލިބޭ އެންމެ ރަނގަޅު ފުރުސަތު،" ކެމްބްރިޖް ޔުނިވާސިޓީގެ ކްލިނިކަލް މައިކްރޯބަޔޮލޮޖީ ޕްރޮފެސަރު ރަވީ ގުޕްތާ ވިދާޅުވި އެވެ.

އެހެން ނަމަވެސް ދެ ވަނަ ރާޅު ކުރިމަތިވި ސަބަބަކީ ބޮޑެތި އެއްވުންތައް ބޭއްވުމާއި، މާސްކު އެޅުމާއި ގައިދުކުރުން ބެހެއްޓުން ފަދަ ރައްކާތެރިކަމުގެ ފިޔަވަޅުތަކަށް އަމަލު ނުކުރުން ކަމަށް ވެސް ވެދާނެ އެވެ.

ވެކްސިންތަކުން ފައިދާއެއް ކުރާނެތަ؟

ސައިންސްވެރިން ގަބޫލުކުރާ ގޮތުގައި މި ވޭރިއެންޓު ޖެހިއްޖެ ނަމަ ހާލު ގޯސްވުމުން ދުރުކޮށްދިނުމަށް މިހާރު ލިބެން ހުރި ވެކްސިންތަކުން މަސައްކަތް ކުރާނެ އެވެ.

ޕްރޮފެސަރު ގުޕްތާ އާއި އޭނާގެ ޓީމުން ނޭޗާ ޖާނަލްގައި ޝާއިއުކުރި ދިރާސާއެއްގައިވާ ގޮތުން މިހާރު ލިބެން ހުރި ވެކްސިންތަކަށް ވުރެ ބައެއް ވޭރިއެންޓުތައް ބާރުގަދަވުން އެކަށީގެންވެ އެވެ. މިކަން ހައްލު ކުރުމުގެ ގޮތުން ވެކްސިނަށް ބަދަލު ގެންނަމުން ދާން ޖެހޭނެ އެވެ.

ނަމަވެސް މިހާރު ލިބެން ހުރި ވެކްސިނަކީ ބަލި ފެތުރުން ކުޑަކޮށްދޭނެ ކަމަށް ބެލެވޭ ވެކްސިންތަކެވެ.

"މި ވެކްސިންތަކުގެ ސަބަބުން ގިނަ މީހުންނަށް ބަލި ނުޖެހޭ އަދި ހާލު ގޯސްވެ ހޮސްޕިޓަލުގައި ފަރުވާ ދޭން ޖެހި މަރާ ކުރިމަތިލާން ޖެހުން ކުޑަވޭ،" ޑރ. ކަމިލް ވިދާޅުވި އެވެ.

"އެންމެ ފުރަތަމަ ލިބޭ ވެކްސިނެއްގެ ބޭނުން އަވަހަށް ހިފާ. ފަސްޖެހި، އެންމެ ފުރިހަމަ ވެކްސިނެއް ލިބޭނެ އިރަކަށް މަޑު ކުރުމުގެ ނުރަނގަޅު ވިސްނުން ދޫކޮށްލާ."

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox