އިންޑިއާގައި 18 އަހަރުން މަތީގެ އެންމެންނަށް ވެކްސިން ދޭން ނިންމައިފި

އިންޑިއާގައި މީހެއްގެ ގަޔަށް ވެކްސިން ޖަހަނީ. މޭ އެއް ވަނަ ދުވަހުން ފެށިގެން 18 އަހަރުން މަތީގެ އެންމެންނަށް ވެކްސިން ދޭނެ.-- ފޮޓޯ: ގެޓީ އިމޭޖަޒް

އިންޑިއާގައި މީހެއްގެ ގަޔަށް ވެކްސިން ޖަހަނީ. މޭ އެއް ވަނަ ދުވަހުން ފެށިގެން 18 އަހަރުން މަތީގެ އެންމެންނަށް ވެކްސިން ދޭނެ.-- ފޮޓޯ: ގެޓީ އިމޭޖަޒް

ކޮވިޑުގެ ހާލަތު މާ ބޮޑަށް ގޯސްވަމުން ދާތީ އަޅާ ފިޔަވަޅެއްގެ ގޮތުން މޭ އެއް ވަނަ ދުވަހުން ފެށިގެން 18 އަހަރުން މަތީގެ އެންމެންނަށް ވެކްސިން ދޭނެ ކަމަށް އިންޑިއާއިން ބުނެފި އެވެ.

ހިފެހެއްޓުމެއް ނެތި އަދަދުތައް އިތުރުވަމުންދާ މި ދަނޑިވަޅުގައި ވެރިރަށް ނިއު ދިއްލީ އިން ވަނީ އެއް ހަފްތާއަށް ލޮކްޑައުންކޮށްފަ އެވެ. މި ވަގުތު އެންމެ ހާލަތު ގޯސް ސިޓީއަކީ ދިއްލީ އެވެ.

ބޮޑު ވަޒީރު ނަރެންދްރަ މޯދީގެ ސަރުކާރުން އިއްޔެ ވަނީ އަޅާނެ ފިޔަވަޅުތަކާ ގުޅޭ ގޮތުން މަޝްވަރާ ކުރުމަށް ފަހު، ނިންމުންތަކެއް އިއުލާނުކޮށްފަ އެވެ.

Advertisement

އެގޮތުން މޭ އެއް ވަނަ ދުވަހުން ފެށިގެން 18 އަހަރުން މަތީގެ އެންމެންނަށް ވެކްސިން ދޭން ނިންމި އެވެ. މީގެ ކުރިން ވެކްސިން ދެމުން ދިޔެއީ 45 އަހަރުން މަތީގެ ފްރަންޓްލައިން މަސައްކަތްތެރިންނަށެވެ.

ނަމަވެސް ވަރަށް ގިނަ ސްޓޭޓުތަކުގައި ވެކްސިނުގެ ސަޕްލައި ދަށަށް ގޮސްފައި ވާތީ އިތުރު ބަޔަކަށް ވެކްސިން ދޭނެ ގޮތަކާ މެދު ވަނީ ސުވާލު އުފެދިފަ އެވެ.

މައި ސަރުކާރުން މިދިޔަ ހަފްތާގައި ބުނީ ސްޓޮކްގައި ހުރީ 27 މިލިއަން ޑޯޒް ނުވަތަ ނުވަތަ ދުވަހަށް ވެކްސިން ޖެހޭ މިންވަރުގެ ޑޯޒް ކަމަށެވެ.

ސިރަމް އިންސްޓިޓިއުޓް ފަދަ ވެކްސިން އުފައްދާ ފަރާތްތަކަށް ދިމާވެފައިވާ އެންމެ ބޮޑު ގޮންޖެހުމަކީ ވެކްސިން އުފައްދަން ބޭނުންވާ ސާމާނު ނުލިބުމެވެ.

އެ ތަކެތި ނުލިބެނީ އެމެރިކާއިން އެކްސްޕޯޓް ކުރުން މަނާ ކުރުމުން ކަމަށް މީގެ ކުރިން ސިރަމް އިންސްޓިޓިއުޓުން ބުނެފައި ވެއެވެ.

އެހެންކަމުން މޯދީގެ ސަރުކާރުން ވަނީ ވެކްސިން ސަޕްލައި ކޮންޓްރޯލް ކުރުން ހުއްޓާލަން ވެސް އިއްޔެ ނިންމާފަ އެވެ. އޭގެ ބަދަލުގައި ވެކްސިން އުފައްދާ ފަރާތްތަކުގެ ސްޓޮކުގެ 50 ޕަސެންޓު މައި ސަރުކާރާ ހަވާލު ކުރުމަށް ފަހު ބާކީ ބައި ސްޓޭޓު ސަރުކާރުތަކަށް ފޯރުކޮށްދެވޭނެ އެވެ. އަމިއްލަ ފަރާތްތަކުން ވެކްސިން ވިއްކާ އަގު ވެސް ހުންނާނީ ކޮންޓްރޯލް ކޮށްފަ އެވެ.

މިހާތަނަށް އިންޑިއާގައި ހުއްދަ ދީފައި ވަނީ ތިން ވެކްސިނަކަށެވެ. އެއީ އޮކްސްފޯޑުގެ ކޮވިޝީލްޑާއި ބާރަތު ބަޔޯޓެކުގެ ކޯވެކްސިން އާއި ރަޝިއާގެ ސްޕަޓްނިކް ވީ އެވެ. ނަމަވެސް އިއްޔެ ނިންމީ އެހެން ގައުމުތަކުން ހުއްދަ ދީފައިވާ ވެކްސިންތައް އިންޑިއާގައި ބޭނުން ކުރަން ފެށުމަށެވެ.

އޭގެ އިތުރުން ސިރަމް އިންސްޓިޓިއުޓާއި ބާރަތު ބަޔޯޓެކުގެ އުފެއްދުންތެރިކަން ރަނގަޅު ކުރަން 600 މިލިއަން ޑޮލަރުގެ ހިލޭ އެހީއެއް ދޭން ވަނީ ނިންމާފަ އެވެ.

ދުވާލަކު ދެ ލައްކަ މީހުން ޕޮޒިޓިވްވަމުންދާ އިންޑިއާގައި ހާލަތު ކޮންޓްރޯލްވާ ކަމުގެ ނިޝާނެއް ނުފެންނާތީ ކުރީގެ ބޮޑު ވަޒީރު މަންމޯހަން ސިންގް އިއްޔެ ވަނީ އަމަލު ކުރެވިދާނެ ގޮތްތަކުގެ ގިނަ އިރުޝާދުތަކެއް ސިޓީ މެދުވެރިކޮށް މޯދީއަށް ފޮނުއްވާފަ އެވެ. އިއްޔެ ނިންމި ގިނަ ކަންކަމަކީ އެ ސިޓީގައި ލަފާ ދީފައިވާ ކަންކަމެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox