ކޮވިޑުގެ ހާލަތު ރަނގަޅުކުރަން މަންމޯހަން ސިންގުގެ އިރުޝާދުތަކެއް މޯދީ އަށް

އިންޑިއާގެ ކުރީގެ ބޮޑު ވަޒީރު މަންމޯހަން ސިންގް. އެމަނިކުފާނު ވަނީ ކޮވިޑާ ދެކޮޅަށް މަސައްކަތް ކުރާނެ ގޮތުގެ އިރުޝާދު މިހާރު ބޮޑު ވަޒީރު ނަރެންދްރަ މޯދީއަށް ސިޓީ މެދުވެރިކޮށް އަރުވާފައި.-- ފޮޓޯ: ރޮއިޓާޒް

އިންޑިއާގެ ކުރީގެ ބޮޑު ވަޒީރު މަންމޯހަން ސިންގް. އެމަނިކުފާނު ވަނީ ކޮވިޑާ ދެކޮޅަށް މަސައްކަތް ކުރާނެ ގޮތުގެ އިރުޝާދު މިހާރު ބޮޑު ވަޒީރު ނަރެންދްރަ މޯދީއަށް ސިޓީ މެދުވެރިކޮށް އަރުވާފައި.-- ފޮޓޯ: ރޮއިޓާޒް

މި އަހަރު ފެށިއިރު އިންޑިއާގައި ވަރަށް ބޮޑަށް ކޮވިޑް ކޮންޓްރޯލް ކޮށްފައި އޮތް ނަމަވެސް މާޗް މަހުން ފެށިގެން އަދަދުތައް ވަނީ ކުއްލިއަކަށް މައްޗަށް އަރާފަ އެވެ. މިހާރު ދުވާލެއްގެ މައްޗަށް ދެ ލައްކައަށް ވުރެ ގިނަ މީހުން މި ބައްޔަށް ޕޮޒިޓިވްވެ، ހާހެއްހާ މީހުން މަރުވެ އެވެ.

ހާލަތު ގޯހުން ގޯހަށް ދާން ފެށުމާއެކު ސިއްހީ ނިޒާމަށް ބާރު ބޮޑުވެ، ހޮސްޕިޓަލްތައް ވަނީ ފުރިފަ އެވެ. ބައްޔަށް ފަރުވާ ކުރަން ބޭނުންވާ ބޭހާއި އޮކްސިޖަން އަދި ވެކްސިން ވެސް ދަނީ ހުސްވަމުންނެވެ. މައި ސަރުކާރުން ލޮކްޑައުން ނުކުރި ނަމަވެސް ވަކި ވަކި ސްޓޭޓުތައް ދަނީ ބަންދު ކުރަމުންނެވެ.

އަދަދުތައް ދަށްވާ ކަމުގެ އެއްވެސް ނިޝާނެއް އަދި ފެންނާކަށް ނެތެވެ. މި ދަނޑިވަޅުގައި ކުރީގެ ބޮޑު ވަޒީރު މަންމޯހަން ސިންގް މި ވަނީ މިހާރުގެ ބޮޑު ވަޒީރު ނަރެންދްރަ މޯދީއަށް ސިޓީފުޅެއް ފޮނުއްވާފަ އެވެ. އޭގައި ހިމަނުއްވާފައި ވަނީ ހާލަތު ކޮންޓްރޯލް ކުރަން މައި ސަރުކާރަށް ކުރެވޭނެ ފަސް ކަމެކެވެ.

ދެ ސަފުހާގެ އެ ސިޓީފުޅުގައި ސިންގް ވިދާޅުވީ އެންމެ ބޮޑު ސަމާލުކަމެއް ދޭން ޖެހެނީ ވެކްސިން ޕްރޮގްރާމަށް ކަމަށެވެ. އަދި ވެކްސިން ޖަހާ މީހުންގެ އަދަދު މުހިއްމު ނޫން ކަމަށާއި މުހިއްމު ވަނީ އާބާދީގެ ނިސްބަތުން ވެކްސިން ޖަހާ މިންވަރު ކަމަށް ފާހަގަކުރައްވާފައި ވެއެވެ.

ތިރީގައި އެ ވަނީ ސިޓީގައި ދެއްވާފައިވާ ފަސް އިރުޝާދެވެ.

1. ވެކްސިން ޕްރޮގްރާމް އަވަސް ކުރުން

މަންމޯހަން ސިންގް ވިދާޅުވީ އާބާދީގެ ނިސްބަތުން މިހާތަނަށް ވެކްސިން ޖެހީ މަދު ބަޔަކު ކަމަށެވެ. އެ ގައުމުގެ އާބާދީއަކީ 1.37 ބިލިއަނެވެ. މިއަދުގެ ނިޔަލަށް ވެކްސިން ފުރިހަމަކޮށްފައި ވަނީ 16.2 މިލިއަން މީހުންނެވެ. އެއީ އާބާދީގެ ނިސްބަތުން އެންމެ 1.2 ޕަސެންޓެވެ.

2. ސްޓޭޓުތަކަށް ވެކްސިން ބެހުމުގައި ދެފުށް ފެންނަ އުސޫލެއް ގެންގުޅުން

މަންމޯހަން ސިންގް ވިދާޅުވީ ވެކްސިން ސަޕްލައި ވަކި ވަކި ސްޓޭޓުތަކަށް ބެހުމުގައި ބަލާ މިންގަނޑުތައް ހާމަކުރަން ޖެހޭ ކަމަށެވެ. މި ވަގުތު އެންމެ ގިނަ ސަޕްލައި ލިބި، އެންމެ ގިނަ މީހުންނަށް ވެކްސިން ޖަހާފައިވަނީ މަހަރާޝްތްރަ، ރާޖަސްތާން، އުއްތަރް ޕްރަދޭޝް އަދި ގުޖަރާތުގަ އެވެ.

ސިންގް އިރުޝާދު ދެއްވާފައި ވަނީ މައި ސަރުކާރުގެ އަތުގައި ވެކްސިން ސަޕްލައިގެ 10 ޕަސެންޓު އަބަދުވެސް ރައްކާކޮށްފައި ބެހެއްޓުމަށެވެ. އެމެޖެންސީ ހާލަތަކަށް ރައްކާ ކުރާ އެ ވެކްސިން އިތުރުން އެހެން ސަޕްލައި ނުހިފަހައްޓަން އެމަނިކުފާނު އެދިވަޑައިގެންނެވި އެވެ.

3. ވެކްސިން ޖަހާ މީހުންގެ އުމުރު ކަނޑައަޅަން ސްޓޭޓުތަކަށް ދޫކޮށްލުން

ސިންގް ވިދާޅުވީ ފްރަންޓްލައިން މަސައްކަތްތެރިން 45 އަހަރުން ދަށްވި ނަމަވެސް ވެކްސިން ދެވޭނެ ކަމަށް ކަނޑައެޅުމުގެ ބާރު ސްޓޭޓުތަކަށް ދިނުން މުހިއްމު ކަމަށެވެ. މިހާރު އޮންނަ ގޮތުން އެ ނިންމުމަކީ މައި ސަރުކާރުން ނިންމާފައި އޮންނަ ނިންމުމެކެވެ.

4. ކޮމްޕަލްސަރީ ލައިސެންސިންއަށް ހުއްދަ ދިނުން

ކޮމްޕަލްސަރީ ލައިސެންސިން އަކީ ވަކި މީހެއް ނުވަތަ ކުންފުންޏަކުން "ޕޭޓެންޓު" ކޮށްފައިވާ އުފެއްދުމެއް އެ ފަރާތުގެ ހުއްދަ ނެތި އެހެން ބަޔަކު އުފެއްދުމުގެ ފުރުސަތު ފަހިކޮށްދިނުމެވެ. ކޮވިޑާ ގުޅިގެން ވެކްސިން ޕްރޮޑަކްޝަން އިތުރު ކުރަން އިޒްރޭލުން އަމަލު ކުރީ މިހެންނެވެ.

ސިންގް ވިދާޅުވީ އިންޑިއާ އޮތް ހާލަތުން މިއީ އެ ނިންމުން ނިންމަން މަޖުބޫރު ވަގުތެއް ކަމަށެވެ. އޭގެ އިތުރުން ވެކްސިން އުފައްދާ ކުންފުނިތަކުގެ ޕްރޮޑަކްޝަން އިތުރު ކުރަން ފައިސާގެ އެހީ އާއި އެހެން އިނާޔަތްތައް ދިނުމަށް ވެސް އެދިވަޑައިގެންނެވި އެވެ.

5. ބްރިޖިން ޓަރަޔަލް ނުހަދާ ވެކްސިނެއް ހުއްދަ ދިނުން

މި ވަގުތު އިންޑިއާގައި ކޮވިޑު ވެކްސިނަށް ހުއްދަ ދެނީ އޭގެ ޓެސްޓުތައް އިންޑިއާގައި ހެދުމަށް ފަހު އެވެ. ސިންގް ވިދާޅުވީ ވެކްސިނުގެ ސަޕްލައި މަދުވެފައިވާ މި ދަނޑިވަޅުގައި އެ ގޮތަށް އަމަލު ކުރުން ބުއްދިވެރި ނޫން ކަމަށެވެ. ޔޫރަޕިއަން މެޑިކަލް އެޖެންސީ އާއި އެމެރިކާގެ ފުޑް އެންޑް ޑްރަގް އޮތޯރިޓީން ހުއްދަ ލިބިފައިވާ ވެކްސިނެއް ނަމަ އިމްޕޯޓް ކުރަން އެމަނިކުފާނު ގޮވާލެއްވި އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox