ވެކްސިންއާ ދެކޮޅަށް މަސައްކަތް ކުރާ "ހެލްތް ޑިފެންސް މޯލްޑިވްސް" އުވާލާފައިވާ ކަމަށް ޔޫތް މިނިސްޓްރީއިން މިއަދު ބުނެފި އެވެ.
ޔޫތު މިނިސްޓްރީއިން ބުނީ އާއްމު ސިއްހަތު ހިމާޔަތްކުރުމާއި ދެކޮޅަށް، މުޖުތަމައުގެ ތެރޭގައި ނުތަނަވަސްކަން އުފެދޭ ގޮތަށް އެ ޖަމިއްޔާއިން ހަރަކާތްތައް ހިންގަމުންދިޔަ ކަމަށެވެ. އެގޮތުން ވެކްސިންއާ ދެކޮޅަށް ވަކާލާތު ކުރަމުންދާކަން ފާހަގަ ކުރެވިފައިވާ ކަމަށެވެ.
"މި އަމަލަކީ ޖަމިއްއްޔާތަކާއި ބެހޭ ގާނޫނާއި، ގާނޫނު އަސާސީއާއި، ބައިނަލްއަގުވާމީ މުއާހަދާތަކުން ކަށަވަރުކޮށްދޭ ދުޅަހެޔޮ ސިއްހަތެއްގައި ހުރުމުގެ ހައްގު ރައްކާތެރިކުރުމަށް ވަކާލާތުކުރާ ޖަމިއްޔާއަކުން ކޮށްގެންނުވާނެ ކަމެއް،" މިނިސްޓްރީއިން ބުންޏެވެ.
މިނިސްޓްރީއިން ބުނި ގޮތުގައި، ގާނޫނޫނާއި ގަވާއުދުގެ ދަށުން ސަރުކާރު އޮފީހެއްގެ މެންޑޭޓުންގެ ތެރޭގައި ހިމެނޭ ކަމަކާ ދެކޮޅަށް ހަރަކާތްތެރިވުމަކީ އެއްވެސް ޖަމްއިއްޔާއަކުން ކޮށްގެންވާނޭ ކަމެއް ނޫނެވެ.
ގޯސް އަމަލުތަކެއްގެ ސަބަބުން އުވާލި ޖަމިއްޔާއަކީ އޮކްޓޯބަރު 27، 2020 ގައި ރަޖިސްޓްރީކުރި ޖަމިއްޔާއެކެވެ.
ޔޫތު މިނިސްޓްރީއިން ކުރިން ވަނީ އިސްލާމް ދީނާ ދެކޮޅު ރިޕޯޓެއް ނެރުނު މައްސަލާގައި އެމްޑީއެން ކިޔާ ޖަމިއްޔާއެއް ވެސް އުވާލާފަ އެވެ.
