17 ބޭހެއްގެ ހަމަ އަގު އާސަންދައިން ކަނޑައަޅަނީ

އާސަންދައިގެ މެނޭޖިން ޑިރެކްޓާ މަރިޔަމް ޝަފީގް، "އަދަދު" އަށް އިންޓަވިއޫ ދެއްވަނީ: ބޭސްތަކެއްގެ ހަމަ އަގު ކަނޑައެޅުމުގެ މަސައްކަތް އަންނަނީ ކުރަމުން-- ފޮޓޯ: ހުސައިން ޝަޔާހް/ އަދަދު

އާސަންދައިގެ މެނޭޖިން ޑިރެކްޓާ މަރިޔަމް ޝަފީގް، "އަދަދު" އަށް އިންޓަވިއޫ ދެއްވަނީ: ބޭސްތަކެއްގެ ހަމަ އަގު ކަނޑައެޅުމުގެ މަސައްކަތް އަންނަނީ ކުރަމުން-- ފޮޓޯ: ހުސައިން ޝަޔާހް/ އަދަދު

ވިއްކަންޖެހޭ އަގަށް ވުރެ ބޮޑުކޮށް ބޭސް ފިހާރަތަކުން ވިއްކާ 17 ބޭހެއްގެ އަގު ކަނޑައެޅުމަށް ނިންމާފައިވާ ކަމަށް އާސަންދަ އިން ބުނެފި އެވެ.

އާސަންދައިގެ މެނޭޖިން ޑިރެކްޓަރު މަރިޔަމް ޝަފީގް "އަދަދު" އަށް ދެއްވި އިންޓަވިއެއްގައި ވިދާޅުވީ ރާއްޖެއަށް ވަކި ބޭސްތަކެއް އެކްސްކްލޫސިވްކޮށް އެތެރެ ކުރާ ފާމަސީތަކުން އަގު ބޮޑުކޮށް އެ ބޭސްތައް ވިއްކާކަން ފާހަގަ ކުރެވޭ ކަމަށެވެ.

"ބޭނުން ކޮންމެ އަގެއްގައި ނުއެއް ވިއްކޭނެ އަސްލުގައި. ބޭހަށް ހުންނާނެ މެކްސިމަމް ޕްރައިޒްސްތަކެއް [ގާނޫނުގެ ދަށުން] ސެޓްވެފައި. މެކްސިމަމް ޕްރައިސްތައް މި އެ ސިސްޓަމަށް ވަނީމަ ދެން،" މަރިޔަމް ވިދާޅުވި އެވެ.

އާސަންދައިން އެންމެ ބޮޑު ހޭދައެއް ކުރަނީ ބޭހަށެވެ. މިދިޔަ އަހަރު އާސަންދައިން 700 މިލިއަން ރުފިޔާ ބޭހަށް ހަރަދު ކޮށްފައިވާއިރު އެއީ މުޅި ބަޖެޓްގެ 37 ޕަސެންޓެވެ.

ބޭސް ވިއްކުމާ ބެހޭ ގަވާއިދުގައިވާ ގޮތުން ބޭސް އެތެރެ ކުރާ މީހުންނަށް ހޯލްސޭލް ކުރެވޭނީ ބޭސް ގަންނަ އަގުގެ 25 ޕަސެންޓަށް ވުރެ މަތި ނުގާ އަގެއްގަ އެވެ. ރާއްޖޭގައި ބޭސް ރީޓެއިލް ކުރާ ފިހާރަތަކުން ބޭހެއްގެ އަގު އެންމެ ބޮޑު ކުރެވޭނީ ގަންނަ އަގުގެ 50 ޕަސެންޓާ ހަމައަށެވެ.

މަރިޔަމް ވިދާޅުވީ ކުރިއަށް އޮތް ދުވަސްތަކުގައި ކުޑަ ކުރާނެ 17 ބޭހުގެ އަގު ކަނޑައަޅަނީ މޯލްޑިވްސް ކަސްޓަމްސް ސާވިސްގެ ތަފާސް ހިސާބުތަކުން ބޭހުގެ ވިޔަފާރީގެ ތަފްސީލް ބެލުމަށްފަހު އެންމެ ބޮޑުކޮށް ވިއްކޭނެ އަގު ހޯދުމަށްފަހު ކަމަށެވެ.

ބޭސް ހަމަ އަގަށް ގެންނަން ކުރާ މަސައްކަތުގެ ތެރެއިން "ޒޮވަންޓާ" ކިޔާ ބޭހެއްގެ އަގު މިހާރު ވެސް އާސަންދައިން ވަނީ ކުޑަކޮށްފަ އެވެ. އެއާއެކު އާސަންދައިގެ ހަރަދުތަކުން އަހަރަކު 12 މިލިއަން ރުފިޔާ ކުޑަވާނެ ކަމަށް އެ ކުންފުނިން ބުންޏެވެ.

ނަމަވެސް ބޭހުގެ އަގަށް ބަދަލު ގެންނަން މަސައްކަތް ކުރާތީ ބޭސް ވިއްކާ ފިހާރަތަކުން މިހާރު ވެސް ވަނީ ކަންބޮޑުވުން ފާޅުކޮށްފަ އެވެ.

ޒޮވަންޓާގެ އަގުދަށް ކުރުމުން މޯލްޑިވްސް ފާމަސޫޓިކަލް އެންޑް ހެލްތުކެއާ ޑިސްޓްރިބިއުޝަން އެސޯސިއޭޝަންގެ ފަރާތުން ނެރެފައިވާ ބަޔާނެއްގައި ތުހުމަތުކޮށްފައި ވަނީ މާކެޓުގައި ހުރި އެންމެ އަގު ދަށް ބޭސް ގަތުމަށް އާސަންދަ އިން އާންމުންނަށް މަޖުބޫރު ކުރާ ކަމަށެވެ.

އެކަމަށް ރައްދު ދެއްވައި މަރިޔަމް ވިދާޅުވީ އެންމެ އަގު ހެޔޮ ބޭސް ގަންނަން އާސަންދައިން މަސައްކަތް ނުކުރާ ކަމަށާއި އާސަންދައިގެ ވިސްނުމަކީ ހަމަ އަގުގައި ބޭސް ގަތުން ކަމަށެވެ.

"އަޅުގަނޑުމެންނެއް އެ ބޭފުޅުންނަކަށް ވެސް ނާންގަން އެންމެ އަގުހެޔޮ ބޭސް ގެންނާކަށެއް ވެސް. އެކަމަކު އާސަންދައިން ބޭނުންވާނެ އެ ގެންނަ ބޭހެއް ކޮންމެ ބޭހެއް ގެނަޔަސް ހަމަ އަގެއްގައި ވިއްކުން. އެއީ މިސާލަކަށް އެއްބައި ހަމަ އެއް ބްރޭންޑެއްގެ ބޭހެއް އެއް ފާމަސީއަކުން ވިއްކަފާނެ ފަސް ރުފިޔާއަށް. އަނެއް ފާމަސީއަކުން ފެނިދާނެ 15 ރުފިޔާއަށް،" އޭނާ ވިދާޅުވި އެވެ.

މަރިޔަމް ވިދާޅުވީ ހަމައަގަށް އާސަންދަ ދިނުމަށް މިހާރު މަސައްކަތް ކުރާ 17 ބޭހުގެ އަގު ކަނޑައެޅުމާ އެކު ވެސް އާސަންދައިގެ ހަރަދު ބޮޑުތަނުން ކުޑަ ކުރެވޭނެ ކަމަށެވެ. އެ 17 ބޭހަކީ އާއްމުކޮށް ވިކޭ ބޭސްތަކެއް ކަމަށް ވެސް އޭނާ ވިދާޅުވި އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox